ون قادام سايىن ءبىر شەبەر، ءجۇز قادام سايىن ءبىر تىكە تاراتۋشى بار، قۇمدى ءشولدىڭ جيەگىندەگى ءداستۇرلى مۋزيكا اسپاپتارى قىستاعى ينتەرنەت اياسىندا −
بۇل اراداعى بەيزاتتىق مادەنيەت مۇرالاردىڭ جاسالۋىن توراپتاستار كورە الادى
□ انار بۇلت / شينجياڭ گازەتىنىڭ ءتىلشىسى ءرايدا
2022.06.06 15:58 كەلۋ قاينارى : شينجياڭ گازەتى
45 جىل بويى قولونەر مۋزيكا اسپاپتارىن جاساۋمەن اينالىسقان اۆتونوميالى رايون دارەجەلى بەيزاتتىق مادەنيەت مۇراسىن جالعاستىرۋشى رەتىندە، نۇردۇن سىمايىل كۇندەردىڭ كۇنىندە ءوزى جاساعان مۋزيكا اسپاپتارىنىڭ ينتەرنەت ارقىلى بۇكىل شينجياڭعا، ءتىپتى، بۇكىل مەملەكەتكە ساتىلاتىندىعىن ويلاپ تا كورمەگەن بولاتىن.
5 - ايدىڭ 31 - كۇنى ءتىلشى توقسۋ اۋدانى ءىش ارىق قالاشىعى جاي قىستاعىنداعى نۇردۇننىڭ وتباسىنا كەلدى، شاعىن اۋلانىڭ ىشىندەگى ءجۇزىم سورەسىنە ءتۇرلى - تۇستەگى قولونەر مۋزيكا اسپاپتارى ءىلىنىپتى، كۇن ساۋلەسى ءجۇزىم جاپىراعىنىڭ اراسىنان ءوتىپ مۋزيكا اسپاپتارىنا توگىلىپ تۇر، دىبىس ۇلعايتقىشتىڭ سىرتىنداعى ورنەكتەر لاپىلداپ تۇرعانداي كورىنەدى، ارتقى اۋلادان ءالسىن - ءالى مۋزيكا اسپاپتارىن شاۋىپ، ارالاپ جاساپ جاتقان دىبىستار ەستىلەدى، ال نۇردۇن ءوزى اۋلاداعى تەمىر كەرەۋەتتە وتىرىپ الىپ، اسپاپقا ىشەك تاعىپ، قۇلاق كۇيىن كەلتىرىپ جاتىر.
بيىل 60 جاسقا كەلگەن نۇردۇن 15 جاسىنان باستاپ مۋزيكا اسپاپتارىن جاساۋدى ۇيرەنە باستاعان، 3 - ۇرپاق جالعاستىرۋشى بولىپ، 100دەن استام شاكىرت تاربيەلەگەن. قازىر ونىڭ وتباسىلىق شەبەرحاناسىندا 15 جۇمىسشى بار، ايىنا 300 مۋزيكا اسپابىن ساتا الادى، مۇنىڭ جارتىسىنا ينتەرنەتتە تاپسىرىس بەرىلگەن.
بۇرىن زاتتارىن ارقالاپ بازارعا اپارىپ ساتۋدان ۇيىندە ساياحاتشىلاردىڭ كەلىپ ساتىپ الۋىن كۇتىپ وتىرۋعا دەيىن، ودان قازىرگىدەي قول تەلەفونىن اشىپ عانا تىكە تاراتۋ بولمەسىندە ساتۋعا دەيىن نۇردۇننىڭ نازارىندا وزگەرىسكە ۇشىراماعان نارسە كەمدە - كەم ەكەن.
تارىم ويپاتىنىڭ سولتۇستىك جيەگىنە، وگەن وزەنىنىڭ باتىس جاعالاۋىنا ورنالاسقان جاي قىستاعىنىڭ ەجەلدەن ”جۇڭگونىڭ شينجياڭىنداعى حالىقتىق قولونەر مۋزيكا اسپاپتارىن جاسايتىن 1 - قىستاق“ دەگەن ادەمى اتى بار. 300 جىلدان استام ۋاقىتتىڭ الدىندا - اق بۇل اراداعى ادامدار ءبىر جاعىنان، اۋىل شارۋاشىلىق وندىرىسىمەن شۇعىلدانسا، ەندى ءبىر جاعىنان، ۇلتتىق مۋزيكا اسپاپتارىن جاساعان. بۇل ءداستۇر قازىرگە دەيىن جالعاسىپ كەلەدى.
”قازىر قىستاعىمىزداعى 347 وتباسىنداعى 1300دەن استام ادامنىڭ اراسىندا 106 وتباسىنداعى 200دەن استام ادام مۋزيكا اسپاپتارىن وندىرۋمەن، جاساۋمەن اينالىسادى، ’ون قادام سايىن ءبىر شەبەر بار‘ دەپ ايتۋعا بولادى. مۋزيكا اسپاپتارىن جاساۋ، وڭدەۋ قىستاعىمىزدىڭ ماڭىزدى كاسىپ سالاسىنا اينالدى“، - دەدى اقسۋ ايماقتىق 4 - حالىق شيپاحاناسىنىڭ وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جۇڭ شيۋمەي.
”ۇرپاقتار بويى جالعاسقان قولونەردى جوعالتىپ الۋىمىزعا بولمايدى، ءبىز، ءسوزسىز، بارعان سايىن جاقسى جاسايتىن بولامىز“. نۇردۇن: قاريدارلاردىڭ قاجەتىنەن شىعۋ ءۇشىن، دىبىس ۇلعايتقىش قوبديشانىڭ سىرتىنداعى ورنەكتەردە ۇزبەي جاڭالىق اشىپ، اۋەلدەگى ورنەك ويىپ تۇسىرۋدەن قازىر سۋرەت جاپسىرۋ، سەكپىل گۇلمەن جيەكتەۋ سياقتى ادىستەردى قولدانىپ، دىبىس ۇلعايتقىش قوبديشانى ءتىپتى دە ءساندى قىلىپ جاسايتىن بولدىق، - دەيدى.
سويلەي ءجۇرىپ، نۇردۇن بىرنەشە اسپاپتى تاڭداپ الىپ، بالاسىنا قوراپتاپ، جەدەل جەتكىزۋ سەرىكتەستىگى ارقىلى ۇرىمجىگە سالىپ جىبەرۋدى تاپسىردى. ”مىنا اسپاپتاردى ۇلىم ينتەرنەتتە بەينەكەسكىن تاراتقاننان كەيىن، قاريدارلار بىزگە حابارلاسىپ، ارنايى تاپسىرىسپەن جاساتقان بولاتىن“. نۇردۇن قازىر بالاسىنىڭ قىسقا بەينەكەسكىندەر ءتۇسىرىپ، تىكە تاراتۋدا زات تانىستىرا الاتىن بولعاندىعىن، تىكە تاراتۋدا زات تانىستىرۋعا كۇمانمەن قارايتىن ءوزىن ارت - ارتىنان تۇسكەن تاپسىرىستار مويىنداتقاندىعىن ايتتى.
”الدىمەن قىستاعىمىز مەملەكەتتىك 4A دارەجەلى كورىنىس اۋماعى بولىپ باعالاندى، اتاعى شىققان سوڭ ادامداردى باۋرادى، كەيىن تىكە تاراتۋدا زات تانىستىرۋ دەگەن شىعىپ، جاي قىستاعىن كوپتەگەن ادامدار قانىق ءبىلدى، ال ەڭ سوڭىندا يگىلىگىن ءبىز سياقتى قولونەرشىلەر كوردىك“، - دەيدى نۇردۇن.
”مەنىڭ بىلتىرعى ساتىلىم سومام ءبىر ميلليون يۋانعا جەتتى، مۇنىڭ جارتىسى تىكە تاراتۋ ارقىلى ساتىلدى، قازىر قىستاقتا مۋزيكا اسپاپتارىن جاسايتىن وتباسىلاردىڭ بارلىعى نەگىزىنەن تىكە تاراتۋمەن شۇعىلدانادى“. گۋشياڭ مۋزيكا اسپاپتارىن ساتۋ دۇكەنىنىڭ قوجايىنى قۇربان ءشامسي مىقتاپ قوراپتالعان بىرنەشە دۋتتاردى اۆتوكولىگىنىڭ ارتقى ورىندىعىنا قويىپ، جەدەل جەتكىزۋ سەرىكتەستىگىنە اپارۋعا دايىندالىپ جاتىر.
قۇرباننىڭ قاراۋىنشا قىستاقتاعى قولونەرشىلەردىڭ اراسىندا باسەكەلەستىك قاتىناس تا، ءبىر - بىرىنە پايدا جەتكىزۋ قاتىناسى دا بار. ”كوپشىلىك تۇگەلدەي قولونەرىن باسەكەلەسە جوعارىلاتىپ، وزدەرى جاساعان مۋزيكا اسپاپتارىن ءتىپتى دە ساپالى، قاريدارلاردىڭ ءتىپتى دە قارسى الۋىنا بولەنەتىن ەتىپ جاساۋعا كۇش سالۋدا، بۇعان قوسا، تىكە تاراتۋدا ۇزدىكسىز ۇگىتتەۋدەن جاي قىستاعىنىڭ مۋزيكا اسپاپتارىنىڭ اتاعى ءتىپتى دە اسپانداپ، ساتىلۋ جولى اناعۇرلىم كەڭەيدى“، - دەيدى قۇربان.
”بۇرىن جاي قىستاعىنىڭ مۋزيكا اسپاپتارىن جاساۋى تۇگەلدەي شەبەرحانالىق، بىتىراندى مانەرلەۋمەن جۇرگىزىلەتىن، بازاردىڭ قاجەتىنە اناعۇرلىم ۇيلەسەتىن ءونىم ءوندىرۋ ءۇشىن، 2020 - جىلى ءبىز كەدەيلەردى سۇيەمەلدەۋ قارجىسىن ءوتىنىش ەتىپ مۋزيكا اسپاپتارىن مانەرلەۋ ونەركاسىپ باقشاسىن قۇردىق، ونەركاسىپ باقشاسى قۇرىلعاننان كەيىن 100دەن استام ادامدى جۇمىستاندىرۋعا باۋرادى، قىزمەتكەرلەردىڭ ايلىق ەڭبەكاقىسى 3500 يۋان اينالاسىندا بولدى“. جۇڭ شيۋمەي بىلاي دەدى: بىلتىر ونەركاسىپ باقشاسى جاساعان مۋزيكا اسپابى 20 مىڭنان اسىپ، 2021 - جىلى بۇكىل قىستاقتىڭ مۋزيكا اسپاپتارىن ساتۋ سوماسى 10 ميلليون يۋاننان استى.
2 ميلليون يۋاننان استام قارجى قوسىلعان، يەلەگەن جەر اۋدانى 1500 شارشى مەترلىك مۋزيكا اسپاپتارى ونەركاسىپ باقشاسىنا كىرگەنىمىزدە مانەرلەۋ سەحىنىڭ ىشىندە الۋان ءتۇرلى مۋزيكا اسپاپتارىنىڭ ”قارنى“ مەن ”موينى“ ءۇيىلىپ جاتىر ەكەن، بىرنەشە قولونەرشى بار پەيىلىمەن قولدارىنداعى جۇمىستارىن ىستەپ جاتىر. قىزمەت ورنىندا، ابلەت احىمەت دىبىس ۇلعايتقىشتىڭ تاقتايىن جاپسىرىپ وتىر، ونىڭ قارسى الدىنا ۇلكەن شىراق قويىلىپتى، قوندىرعىعا ءبىر قول تەلەفون ورناتىلىپتى، مۋزيكا اسپابىن جاساۋ بارىسىن تىكە تاراتۋ ونىڭ قىزىعاتىن جۇمىسى ەكەن. ”مەن ءبىر جاعىنان، قىزمەت ىستەپ، ەندى ءبىر جاعىنان، كوپشىلىككە جاساۋ ونەرىن تانىستىرامىن، تاعى زات ساتامىن، ساۋدا جاقسى كەزدەرى تىكە تاراتۋدا زات تانىستىرۋ ارقىلى ايىنا 2000 يۋاننان استام اقشا تابامىن“، - دەيدى ابلەت.
بۇل ارادا قۇلاق تۇبىڭدە مۋزيكا اسپاپتارىن شەگەلەپ، شاۋىپ، ارالاپ، دىبىسىن تەڭشەپ جاتقان دىبىستاردان سىرت، تاعى تىكە تاراتۋ بولمەلەرىندە داۋىستاپ ساتىپ جاتقان دىبىستار دا جاڭعىرىپ تۇرادى ەكەن.
مانەرلەۋ سەحىنىڭ قارسىسىنداعى كورمە زالىندا اماننيسا ياسىن توراپكەرلەرگە مۋزيكا اسپاپتارىنىڭ تۇرلەرى مەن جاسالۋ بارىسىن كورسەتىپ جاتىر. ”مەن ءار كۇنى وسىندا 2 ساعات بويى تىكە تاراتۋعا شىعامىن، توراپكەرلەرگە ءبىزدىڭ جاساۋ بارىسىمىزدى كورسەتەمىز ءارى مۋزيكانتتاردى مۋزيكا شالۋعا ۇسىنىس ەتەمىز، ءبىزدىڭ مۋزيكا اسپاپتارىمىز توتەنشە قارسى الىنۋدا“، - دەيدى اماننيسا.
جاي قىستاعىنىڭ قولونەر مۋزيكا اسپاپتارى تىكە تاراتۋعا شىعارىلعاننان كەيىن، ساتىلۋ مولشەرى جىل سايىن جوعارىلاپ، قىستاق كاسىپ سالاسى باقشاسىن كەڭەيتۋگە كۇش سالىپتى. ”زاۆود ۇيلەرىن كەڭەيتىپ، قىزمەتكەرلەردى كوبەيتەمىز، كەزى كەلگەندە ءبىز 200 ادامدى جۇمىستانۋعا جەتەكتەيتىن بولامىز، ءبىزدىڭ نىسانامىز جىلدىق ساتىلۋ سوماسىن 20 ميلليون يۋانعا جەتكىزۋ“، - دەيدى جۇڭ شيۋمەي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
