بىرەۋدىڭ جوعالتقان تەلەفونىن تاۋىپ العان سوڭ لاقتىرىپ جىبەرسە تولەم تولەۋى كەرەك پە؟
دۇڭ حانۋىن
2022.06.06 15:39 كەلۋ قاينارى : حالىق تورابى
[دەلو] ءۇرىمجى قالاسى ميدۇڭ رايونىنىڭ تۇرعىنى لەي مىرزا سىرتتا جۇرگەندە، جاڭادان ساتىپ العان تەلەفونىن جوعالتىپ الادى، تەلەفونىن ىزدەپ جۇرگەندە، وسى جەردەن وتكەن جاڭ حانىمنىڭ تەلەفون تاۋىپ العانىن ەستيدى. ەلدەن سۇراستىرۋ ارقىلى لەي مىرزا اقىرى جاڭ حانىمدى تاۋىپ، تەلەفونىن الماق بولعاندا، جاڭ حانىم قايتارۋدان باس تارتىپ، تەلەفوننىڭ ەكرانى سىنىپ قالعاندىقتان، لاقتىرىپ جىبەرگەنىن ايتادى. بىرنەشە رەت سۇراعاندا ءونىمى بولماعان سوڭ، لەي مىرزا جاڭ حانىمنىڭ ۇستىنەن ءۇرىمجى قالاسى ميدۇڭ رايوندىق سوتقا ارىزدانىپ، جاڭ حانىمنان تەلەفونىن قايتارىپ بەرۋدى نەمەسە سايكەستى زيانىن تولەپ بەرۋدى تالاپ ەتەدى.
[زاڭ تارماعى]
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 314 – تارماعىندا بىلاي دەپ بەلگىلەنگەن: بىرەۋدىڭ جوعالتقان بۇيىمىن تاۋىپ العان ادام، ونى يەسىنە قايتارىپ بەرۋى قاجەت. تاۋىپ العان ادام زاتتىڭ يەسىنە دەر كەزىندە ۇقتىرۋى نەمەسە قوعام حاۋىپسىزدىگى قاتارلى قاتىستى تاراۋلارعا تاپسىرىپ بەرۋى كەرەك.
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 316 – تارماعىندا بىلاي دەپ بەلگىلەنگەن: زاتتى تاۋىپ العان ادام تاۋىپ العان زاتتى قاتىستى تاراۋعا تاپسىرىپ بەرۋدەن بۇرىن، قاتىستى تاراۋ تاۋىپ العان زاتتى يەسىنە تابىستاعانعا دەيىن زاتتى ۇيلەسىمدى ساقتاۋى كەرەك. قاساقانا نەمەسە زور قاتەلىك سەبەبىنەن جوعالعان زاتتى ءبۇلدىرىپ السا، جوعالتىپ السا، ازاماتتىق جاۋاپكەرشىلىك ارقالايدى.
[زاڭدى ءتۇسىندىرۋ]
ءۇرىمجى قالاسى ميدۇڭ رايوندىق حالىق سوتىنىڭ دەلونى ەستەلىككە الۋ ورنىنىڭ (ارىز – شاعىمعا قىزمەت وتەۋ ورتالىعى) سوتشىسى ليۋ يا بىلاي دەپ ءتۇسىندىردى: كەيبىرەۋلەر بىرەۋدىڭ جوعالتقان زاتىن تاۋىپ العان سوڭ، ايتەۋ ونى يەمدەنىپ الماسام بولدى دەپ ويلاپ، الباتى ءبىرجاقتى ەتەدى، ءتىپتى ءبۇلدىرىپ السام دا، جاۋاپكەرشىلىك ارقالامايمىن دەپ ويلايدى. بىرەۋدىڭ جوعالتقان زاتىن تاۋىپ العان سوڭ ۇيلەسىمدى ساقتاۋ كەرەك ەكەنى، ايتپەگەندە جاۋاپكەرشىلىك ارقالايتىنى جونىندە زاڭدا ايقىن بەلگىلەنگەنىن كوپ ادام بىلە بەرمەيدى.
ليۋ يا: «بىرەۋ جوعالتقان تەلەفوندى نەمەسە باسقا زاتتى تاۋىپ العان سوڭ، ونى جوعالتقان ادامعا نەمەسە قوعام حاۋىپسىزدىگى ورگانىنا دەرەۋ تاپسىرىپ بەرۋ كەرەك، يەمدەنىپ الۋعا نەمەسە الباتى لاقتىرا سالۋعا بولمايدى»، — دەپ ءتۇسىندىردى. لەي مىرزا قولفوننىڭ يەسى بولعاندىقتان، قولفوندى تاۋىپ الۋشىدان ونى قايتارىپ بەرۋدى تالاپ ەتۋىنە بولادى، ەگەر قارسى جاق قايتارىپ بەرمەسە، سايكەستى زياندى تولەۋى كەرەك.
ەڭ سوڭىندا ەكى جاق تولەم بەرۋ جوباسىنا ماقۇل بولىپ، جاڭ حانىم لەي مىرزاعا بۇرىنعى تەلەفونىمەن ۇقساس ماركاداعى توقسان پايىز جاڭا تەلەفوننان بىرەۋىن تولەپ بەردى. (انار بۇلت – شينجياڭ گازەتىنىڭ ءتىلشىسى ياڭ شۋحان رەتتەگەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
