7 ـ كەزەكتى جۇڭگو - ەۆررازيا كورمەسى 8 ـ ايدىڭ 25 ـ كۇنى وتكىزىلەدى
2022.06.11 16:06 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى (ءتىلشى حي حۇڭۋەي حابارلايدى). ءتىلشىنىڭ جۇڭگو - ەۆرازيا كورمەسىنىڭ حاتشىلار باسقارماسىنان ۇعىسۋىنشا، ساۋدا مينيسترلىگى، سىرتقى ىستەر مينيسترلىگى قاتارلىلار ۇيىمداستىرعان 7 ـ كەزەكتى جۇڭگو - ەۆرازيا كورمەسى بيىل 8 - ايدىڭ 25 - كۇنىنەن 30 - كۇنىنە دەيىن شينجياڭ حالىقارالىق ءماجىلىس ـ كورمە ورتالىعىندا وتكىزىلەدى ءارى تۇڭعىش رەت قوس جەلى (جەلىدە جانە جەلىدەن تىسقارى) ۇلگىسىمەن وتكىزىلەدى.
7 - كەزەكتى جۇڭگو - ەۆرازيا كورمەسى «بىرگە اقىلداسىپ، بىرگە قۇرىپ، بىرگە يگىلىكتەنىپ، سەلبەسىپ بولاشاققا بەت الۋدى» نەگىزگى تاقىرىپ ەتتى. كورمە جەلىدەن تىسقارى ناق كورمەنى نەگىز ەتەدى، سونىمەن بىرگە جەلىدە ءبىر ۋاقىتتا كورمە وتكىزەدى، كورمەنىڭ جالپى اۋدانى 90 مىڭ شارشى مەترگە جەتىپ، قارجى قوسۋ سەلبەستىك كورمە رايونى، حالىقارالىق جانە شياڭگاڭ، اۋمىن، تايۋان كورمە رايونى، تاۋار ساۋدا كورمە رايونى سىندى ءۇش ۇلكەن كورمە رايونىن قۇرادى. مۇنىڭ ىشىندە تاۋار ساۋداسى كورمە رايونى سيفرلاندىرۋ جانە جوعارى، جاڭا تەحنيكالىق جابدىقتار، ەنەرگيا شارۋاشىلىعى، الەۋمەتتىك ىندەتتەن ساقتانۋ جانە دەنساۋلىق ساقتاۋ، ەمدەۋ سياقتى سەگىز كورمە تاقىرىبىن قامتيدى.
وسى كەزەكتى جۇڭگو - ەۆرازيا كورمەسى ينفورماتسيالاندىرۋ تەحنيكاسى ارقىلى جەلىدەن تىسقارى قۇرىلعان نەگىزگى ءماجىلىس الاڭىن جەلىدەگى ءماجىلىس تەكشەسىمەن سايكەستىرىپ جانە ينتەرنەتتە تىكە تاراتۋ سياقتى تاسىلدەردەن پايدالانىپ، «بۇلت كورمەسى، بۇلت كەڭەسى، بۇلت تىكە تاراتىلىمى» قيمىلىن ورىستەتىپ، كوپ جاقتىڭ جەلىدە اۋىس ـ كۇيىس جاساۋى، تانىستىرۋى، اڭگىمەلەسۋى، جاريالاۋى جانە ۇشتاستىرۋى سياقتى نىسانالاردى جۇزەگە اسىرادى. تالقى مىنبەرى قيمىلى جەلىدە جانە جەلىدەن تىسقارى ەكى ءتۇرلى فورمادا وتكىزىلەدى. اشىلۋ سالتى جانە تيانشان تالقى مىنبەرى (نەگىزگى تالقى مىنبەرى) سياقتى ماڭىزدى قيمىلدار وتكىزىلۋدەن سىرت، پاراللەل تالقى مىنبەرى ‐ جىبەك جولى ەكونوميكالىق بەلدەۋى وزەكتى رايونىنىڭ دامۋ جوعارى دارەجەلىلەر تالقى مىنبەرى، سيفرلى جىبەك جولى جانە سيفرلى شينجياڭ جوعارى دارەجەلىلەر تالقى مىنبەرى سياقتى ون ارناۋلى تالقى مىنبەرى وتكىزىلەدى، جۇڭگو مەن شەتەل مادەنيەتىن ايگىلەۋ اپتالىعى، ەۆرازيا حالىقارالىق كيىم ـ كەشەك اپتالىعى جانە شينجياڭنىڭ توقىماشىلىق، كيىم ـ كەشەك جوبالاۋ جارىسى سياقتى ءتورت ارناۋلى قيمىل وتكىزىلەدى، ساۋداگەر شاقىرىپ، قارجى ەنگىزۋ ءتۇيىندى نىساندارىنا قول قويۋ جانە شەكارا ءىشى ـ سىرتىنداعى قارجى قوسۋدى جەبەۋ قيمىلدارى سياقتىلار وتكىزىلەدى.
قازىر 7 ـ كەزەكتى جۇڭگو - ەۆرازيا كورمەسىنىڭ رەسمي تورابىن جاڭالاۋ قىزمەتى اياقتادى، 6 ـ ايدىڭ سوڭىندا كورمەگە قاتىناساتىن كاسىپورىندار تىركەۋگە الىنىپ، جەلىگە شىعادى؛ شەكارا ءىشى ـ سىرتىنداعى ساۋداگەر شاقىرۋ، كورمەگە ۇيىمداستىرۋ قىزمەتى جاپپاي ورىستەتىلىپ، ءارقايسى ولكە، اۆتونوميالى رايون، توتە قاراستى قالالاردىڭ، شينجياڭعا باعىتتامالى كومەكتەسەتىن ولكە، قالالاردىڭ الدىڭعى شەپ قولباسشىلىق شتابىنىڭ، حالىقارالىق سەلبەسىپ باسقاراتىن ورىنداردىڭ زور كۇشپەن قولداۋىندا، كورمەگە شاقىرۋ مىندەتى %70 ورىندالدى. سونىمەن بىرگە، كۇتىپ الۋ، قالانىڭ جان ـ جاقتى قامتاماسىز ەتۋى، ىندەتتەن ساقتانۋ جانە ونى تىزگىندەۋ سياقتى قىزمەتتەر دە جاپپاي باستالدى.
شينجياڭ وسىدان بۇرىن التى كەزەك جۇڭگو - ەۆرازيا كورمەسىن ءساتتى وتكىزگەن، ول شينجياڭداعى بىردەن ـ ءبىر مەملەكەت دارەجەلى، حالىقارالىق دەڭگەيدەگى امبەباپ كورمە، ول ساياسي، ديپلوماتيا، ەكونوميكا ـ ساۋدا، عىلىم ـ تەحنيكا، گۋمانيتارلىق سياقتى سالالاردا جەلىلەس جەتىستىكتەرگە قول جەتكىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
