تاعى دا 2 كۇن شىداڭىزدار! شينجياڭنىڭ وسى رەتكى جوعارى تەمپەراتۋرالى اۋا رايى اياقتاۋعا بەت الدى
2022.06.13 15:54 كەلۋ قاينارى : حالىق تورابى
شينجياڭ اۋا رايى ستانسياسىنىڭ باس مالىمەتشىسى لۇي شينشىڭنىڭ تانىستىرۋىنشا، بۇرىنعى جىلدارمەن سالىستىرعاندا، بيىلعى جوعارى تەمپەراتۋرالى اۋا رايى ەرتە دەۋگە دە بولمايدى، جىلى اۋا ماسساسى ءبىرشاما كۇشتى بولعاندىقتان، ادامدارعا «ءبىر ىسىماي، ءبىر ىسىعاندا كۇيدىرىپ جىبەرەردەي» سەزىلگەن. وسى رەتكى جوعارى تەمپەراتۋرالى اۋا رايىنىڭ ەڭ ىستىق كەزى 6 - ايدىڭ 12 - كۇنىنەن 13 - كۇنىنە دەيىن بولادى، 6 - ايدىڭ 13 - كۇنى ەڭ جوعارى تەمپەراتۋرا 6 - ايدىڭ 12 - كۇنگىمەن نەگىزىنەن قارايلاس بولادى. 6 ـ ايدىڭ 14 ـ كۇنى ىستىقتىڭ بەتى قايتىپ، 6 ـ ايدىڭ 15 ـ كۇنى اياقتاۋعا بەت الدى. شىجىعان ىستىقتا جۇرتشىلىق ءجۇرىس ـ تۇرىستا ىستىقتان ساقتانىپ، تەمپەراتۋرانى تومەندەتۋگە كوڭىل ءبولۋ كەرەك.
6 - ايدىڭ 13 - كۇنى تۇننەن 14 - كۇنى كۇندىزگە دەيىن وڭتۇستىك شينجياڭ مەن شىعىس شينجياڭنىڭ باسىم كوپ بولەگى مەن تارباعاتاي ايماعى، قارامايلى قالاسى، شىحىزى قالاسىنىڭ سولتۇستىك بولەگى، سانجى وبلىسى سياقتى جەرلەردىڭ ءىشىنارا وڭىرلەرىندە 35 سەلتسي گرادۋستان جوعارى تەمپەراتۋرالى اۋا رايى بولادى، جوعارىدا ايتىلعان ءىشىنارا وڭىرلەردىڭ ەڭ جوعارى تەمپەراتۋراسى 37 سەلتسي گرادۋستان اسادى، تۇرپان قالاسى مەن قۇمىل قالاسىنىڭ ءىشىنارا جەرلەرىندە 40 سەلتسي گرادۋستان اسادى؛ سولتۇستىك شينجياڭنىڭ كوپ بولەگى، وڭتۇستىك شينجياڭنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ءىشىنارا وڭىرلەرىندە سەبەزگىلەگەن جاڭبىر (اسقار تاۋلى رايوندارىندا قار جاۋادى) جاۋادى، تاۋلى وڭىردەگى ءىشىنارا جەرلەردە ورتاشادان باستاپ كوپ مولشەردە جاڭبىر (اسقار تاۋلى رايوندارىندا قار جاۋادى) جاۋادى. بۇكىل شينجياڭنىڭ باسقا رايوندارىندا كۇن اشىق نەمەسە بۇلتتى بولادى، جەل كۇشى زور بولمايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
