شينجياڭ تولىق كۇندىككە جاتپايتىن اسپيرانتتاردىڭ وقۋ قاراجاتى ساياساتىن رەتتەدى
ۇكىمەتتىڭ جەتەكشى باعاسى بويىنشا باسقارۋدان ەستەلىككە الىپ باسقارۋعا رەتتەدى
2022.06.11 16:07 كەلۋ قاينارى : حالىق تورابى
انار بۇلتى - شينجياڭ گازەتىنىڭ حابارى (ءتىلشى شى شين حابارلايدى). جۋىقتا شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق قازىنا مەڭگەرمەسىمەن، وقۋ ـ اعارتۋ مەڭگەرمەسىمەن بىرگە «شينجياڭ ۇيعۇر اۆتونوميالى رايونىنىڭ تولىق كۇندىكە جاتپايتىن اسپيرانتتاردىڭ وقۋ قاراجاتى ساياساتىن رەتتەۋگە قاتىستى ىستەر جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەلىنەدى) باسىپ تاراتىپ، تولىق كۇندىككە جاتپايتىن اسپيرانتتاردىڭ وقۋ قاراجاتىن باسقارۋ قىزمەتىنە رەفورما جاساۋدى، جاڭالىق اشۋدى ىلگەرىلەتتى.
«حابارلاندىرۋدا» مىنالار ايقىن بەلگىلەندى: اسپيرانتتاردى تاربيەلەۋ، اقى الۋ ءتۇزىمىن اقاۋسىزداندىرىپ، اسپيرانتتاردى تاربيەلەۋ، اقى الۋ ارەكەتىن ارناعا ءتۇسىرىپ، جوعارى وقۋ ـ اعارتۋ ىستەرىنىڭ باياندى، اقاۋسىز دامۋىن جەبەۋ ءۇشىن، مەملەكەتتىڭ قاتىستى بەلگىلەمەلەرىنە ساي، شينجياڭ ۇيعۇر اۆتونوميالى رايوندىق حالىق ۇكىمەتىنىڭ ماقۇلداۋىمەن، تولىق كۇندىككە جاتپايتىن اسپيرانتتاردىڭ وقۋ قاراجاتىنىڭ ولشەمىن ۇكىمەتتىڭ جەتەكشى باعاسى بويىنشا باسقارۋدان ەستەلىككە الىپ باسقارۋعا وزگەرتتى، ناقتى وقۋ قاراجاتىنىڭ ولشەمىن جوعارى مەكتەپتەر باۋلۋدىڭ وزىندىك قۇنى، ۇيرەنۋ ءتاسىلى، باسىمدىققا يە پاندەرى، وقۋشىلاردىڭ كوتەرىمدىلىك قۋاتى سياقتى فاكتورلارمەن ۇشتاستىرىپ دەربەس تۇراقتاندىرىپ، قاتىستى تاراۋلارعا مالىمدەپ ەستەلىككە الدىرعاننان كەيىن اتقارادى.
بۇل تۇردەگى وقۋ قاراجاتى تۇزىمىندە جاڭالىق اشۋ جوعارى مەكتەپتەردىڭ دامۋىنا ءورىس اشىپ، دەم بەرەدى، بۇل وقىتۋ شارت ـ جاعدايىن جاقسارتۋعا، وقىتۋشىلاردىڭ دەڭگەيىن ساپالىلاندىرۋعا، جوعارى مەكتەپتەردىڭ وقىتۋ، عىلىمي زەرتتەۋ بيىگىنىڭ رولىن اناعۇرلىم ويداعىداي ساۋلەلەندىرۋىن ىلگەرىلەتىپ، شينجياڭعا دارىندى دايىنداۋ، دارىندى جەتكىزۋ نىساناسىن جۇزەگە اسىرۋعا پايدالى.
كەلەسى قادامدا، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرگە جوعارى مەكتەپتەردى وقۋ قاراجاتى ولشەمىن عىلىمي، ۇيلەسىمدى جاساۋعا بەلسەنە جەتەكتەپ، تولىق كۇندىككە جاتپايتىن اسپيرانتتار اعارتۋىنىڭ بىركەلكى دامۋىن ساقتايدى. سونىمەن بىرگە ، وقۋ قاراجاتى قارجىسىن باقىلاۋ - باسقارۋدى كۇشەيتىپ، جوعارى مەكتەپتەردىڭ «ادامدى نەگىز ەتۋ» سىندى وقۋ - اعارتۋ تانىمىن ورناتۋىنا قولداۋ كورسەتىپ، قيىنشىلىعى بار وقۋشىلارعا قارجىلاي كومەك بەرۋ قىزمەتىنىڭ ءساتتى اتقارىلۋىن قامتاماسىزداندىرىپ، قوعامنىڭ تولىق كۇندىككە جاتپايتىن اسپيرانتتار اعارتۋىنا بولعان قاجەتىن قاناعاتتاندىرىپ، حالىق رازى بولاتىن جوعارى دارەجەلى وقۋ - اعارتۋدى ويداعىداي جۇرگىزۋگە قۇلشىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
