پارتيانىڭ 18 – قۇرىلتايىنان بەرى ەلىمىزدىڭ جاڭاشا ونەركاسىپتەنۋ اياق الىسى كورنەكتى تەزدەدى
«جاساۋ كاسىبىندە قۋاتتى ەل بولۋ»، «ينتەرنەتتە قۇدىرەتتى ەل بولۋ» سىندى تاريحي سەكىرىستى قارسى الدى (جۇڭگونىڭ وسى 10 جىلى _ جەلىلەس تاقىرىپتىق حابارلارى)
« حالىق گازەتىنىڭ » ءتىلشىسى ۋاڭ جىڭ
2022.06.15 16:38 كەلۋ قاينارى : حالىق تورابى
ج ك پ ورتالىق كوميتەتىنىڭ ۇگىت ءبولىمى 6 - ايدىڭ 14 - كۇنى «جۇڭگونىڭ وسى 10 جىلى» اتتى جەلىلەس نەگىزگى تاقىرىپتىق اقپار جاريالاۋ ءماجىلىسىن اشىپ، پارتيانىڭ 18 - قۇرىلتايىنان بەرگى ونەركاسىپ پەن ينفورماتسيالاندىرۋدىڭ دامۋ جەتىستىكتەرىن تانىستىردى. وسى 10 جىلدا ەلىمىز جاڭاشا ونەركاسىپتەنۋ اياق الىسىن كورنەكتى تەزدەتىپ، «جاساۋ كاسىبىندەگى ءىرى ەلدەن»، «ينتەرنەتتەگى ءىرى ەلدەن» «جاساۋ كاسىبىندە قۋاتتى ەل بولۋعا»، «ينتەرنەتتە قۇدىرەتتى ەل بولۋعا» قاراي تاريحي سەكىرىس جاسادى.
كاسىپ قۇرىلىمى اناعۇرلىم ساپالىلانىپ، جاساۋ كاسىبىنىڭ جالپىلىق قۋاتى مەن حالىقارالىق ىقپالى زور دارەجەدە جوعارىلادى
ونەركاسىپ جانە ينفورماتسيالاندىرۋ مينيسترلىگى مينيسترىنىڭ ورىنباسارى شين گوبين بىلاي دەدى: 10 جىلدان بەرى ونەركاسىپ جانە ينفورماتسيالاندىرۋ ىستەرىنىڭ دامۋىندا كەلەلى تابىستارعا قول جەتتى، كاسىپ جۇيەسى اناعۇرلىم كەمەلدەنىپ، كاسىپ تىزبەگى اناعۇرلىم كەمەلدەنىپ، كاسىپ سالاسىنىڭ جالپى تۇلعالىق قۋاتى، ساپا ونىمدىلىگى، سونداي - اق جاڭالىق اشۋ قۋاتى، باسەكەلىك قۋاتى، حاۋىپ - قاتەرگە توتەپ بەرۋ قۋاتى كورنەكتى جوعارىلادى.
ەلىمىز 10 جىلدان بەرى جاساۋ كاسىبىن كۇشەيتۋگە، ساپالىلاندىرۋعا، ۇلعايتۋعا كۇش سالىپ، جاساۋ كاسىبىنىڭ جالپىلىق قۋاتى مەن حالىقارالىق ىقپالىن بارىنشا جوعارىلاتتى. 2012 - جىلدان 2021 - جىلعا دەيىن ونەركاسىپتىڭ ارتقان قۇنى 20 تريلليون 900 ميلليارد يۋاننان 37 تريلليون 300 ميلليارد يۋانعا جەتىپ، جىلىنا ورتا ەسەپپەن %6.3 ارتتى؛ جاساۋ كاسىبىنىڭ ارتقان قۇنى 16 تريلليون 980 ميلليارد يۋاننان 31 تريلليون 400 ميلليارد يۋانعا جەتىپ، بۇكىل دۇنيە جۇزىندەگى سالىستىرماسى %20 اينالاسىنان %30 كە تاياۋعا كوتەرىلدى. 500 ءتۇرلى نەگىزگى ونەركاسىپ ءونىمىنىڭ ىشىندە ەلىمىزدە 40 پايىزدان استام ءونىمنىڭ ءونىم مولشەرى دۇنيە ءجۇزى بويىنشا ءبىرىنشى ورىندا تۇرادى. كاسىپ جۇيەسىنىڭ كەمەلدى ابزالدىعى ونان ارى بەكەمدەلىپ، 41 ءىرى ونەركاسىپ ءتۇرى، 207 ونەركاسىپتىڭ ورتا ءتۇرى، 666 ونەركاسىپ شاعىن ءتۇرى بار بولدى.
10 جىلدان بەرى قامداۋ جۇيەسىنىڭ ساپاسى كۇش سالا جوعارىلاتىلىپ، كاسىپ قۇرىلىمى ونان ارى ساپالاندىرىلدى. جاڭادان گۇلدەنگەن كاسىپتەر جەدەل دامىپ، قىزمەت وتەيتىن قۇلتەمىر، زەردەلى كيىم - كەشەك جابدىقتارى سياقتى ونىمدەردىڭ ارتۋ جاعدايى كۇشەيىپ، جاڭا ەنەرگيالى اۆتوكولىكتەردىڭ ساتىلۋ مولشەرى ءۇرتىس 7 جىل دۇنيە ءجۇزى بويىنشا الدىڭعى ورىندى يەلەپ، جاڭا ماتەريال كاسىبىنىڭ ءونىم قۇنى ەسەلەپ ارتىپ، ءداستۇرلى كاسىپتەردى جاڭالاۋ، دارەجەسىن جوعارىلاتۋ اياق الىسى تەزدەپ، سيفرلاندىرۋعا، جاسىلداندىرۋعا بۇرىلىس جاساۋ جاپپاي ىلگەرىلەتىلدى. ءىشىنارا سالالارداعى زەردەلى جاساۋ كاسىبى حالىقارالىق وزىق دەڭگەيدە تۇر، جوعارى تەحنيكالى جاساۋ كاسىبى مەن جابدىق جاساۋ كاسىبىنىڭ كولەمنەن جوعارى ونەركاسىپتىڭ ارتقان قۇنىنداعى سالىستىرماسى جەكە - جەكە 2012 - جىلعى %9.4 تەن، %28 تەن 2021 - جىلى %15.1 كە، %32.4 كە جوعارىلادى. وڭىرلىك ورنالاستىرۋ ۇزدىكسىز ساپالىلانىپ، ءتۇيىندى وڭىرلەردىڭ جەتەكشىلىك رولى ونان ارى كۇشەيىپ، ەلەكتروندىق ينفورماتسيا، رەليستى قاتىناس سياقتى سالالاردا ءبىر توپ وزىق جاساۋ كاسىبى شوعىرى قالىپتاستى.
10 جىلدان بەرى جاڭالىق اشۋ ارقىلى دامۋعا دەم بەرۋ ستراتەگياسى كۇش سالا اتقارىلىپ، ءتۇيىندى سالالاردا جاڭالىق اشۋ تىڭ ساتىعا كوتەرىلدى. چاڭ - ى ايدى بارلادى، جۋ رۇڭ مارستى بارلادى، شيحى كۇنگە تاياپ باردى، جەتىقاراقشى جەلى قۇرادى ... ءبىر توپ كەلەلى نىشاندىق جاڭالىق اشۋ جەتىستىگى جۇڭگونىڭ جاساۋ كاسىبىنىڭ ۇزدىكسىز تىڭ بيىككە كوتەرىلۋىنە جەتەكشىلىك ەتتى.
جاساۋ كاسىبىندەگى كاسىپورىنداردىڭ ناقتى قۋاتى كورنەكتى ارتتى، ورتا، شاعىن، ۇساق كاسىپورىنداردىڭ وزەكتى باسەكەلىك قۋاتى كورنەكتى جوعارىلادى
ەلىمىز 10 جىلدان بەرى ساپالى كاسىپورىنداردى كۇش سالا جەتىلدىرىپ، جاساۋ كاسىبىندەگى كاسىپورىنداردىڭ ناقتى قۋاتى مەن باسەكەلىك قۋاتىن كورنەكتى كۇشەيتتى. دۇنيە جۇزىندەگى 500 قۋاتتى كاسىپورىن قاتارىنا كىرگەن ونەركاسىپ كاسىپورىندارى 73 كە جەتىپ، كولەمدەنگەن ونەركاسىپ كاسىپورىندارىنىڭ مال - مۇلىك كولەمى ەسەلەپ ارتىپ، 40 مىڭنان استام «ارنايىلانلعان، سارالانعان، ەرەكشە، جاڭا» ورتا، شاعىن كاسىپورىن، 4 مىڭ 762 «شاعىن الپاۋىت» كاسىپورىن، 848 جاساۋ كاسىبىنىڭ جەكە تۇرىندە اعا جۇلدەگەر كاسىپورىن جەتىلدىرىلدى. كولەمدەنگەن ونەركاسىپ كاسىپورىندارىنىڭ زەرتتەۋ - اشۋ قاراجاتىنىڭ جالپى ۇسىنىلىمى ەسەلەپ ارتىپ، جاڭا ونىمدەردىڭ ساتىلۋ كىرىسىنىڭ كاسىپتىك كىرىستەگى سالىستىرماسى %11.9 تەن %22.4 كە جوعارىلادى، 570 تەن استام ونەركاسىپ كاسىپورنى دۇنيە جۇزىلىك زەرتتەۋ – اشۋ ۇسىنىلىمى جاعىنداعى 2 مىڭ 500 مىقتىنىڭ قاتارىنا كىردى.
ونەركاسىپ جانە ينفورماتسيالاندىرۋ مينيسترلىگى مينيسترىنىڭ ورىنباسارى شۇي شياۋلان بىلاي دەپ تانىستىردى: 10 جىلدان بەرى ەلىمىزدىڭ ورتا، شاعىن كاسىپورىنداردىڭ دامۋىن جەبەۋ سەرپىنىنىڭ كۇشتىلىگى، ساياسات شىعارۋىنىڭ كوپتىگى، ساپالىق دەڭگەيى بۇرىن بولىپ كورمەگەن دارەجەدە جوعارىلادى. ەلىمىزدىڭ ورتا، شاعىن، ۇساق كاسىپورىندارىنىڭ وزەكتى باسەكەلىك قۋاتى كورنەكتى جوعارىلاپ، حالىق شارۋاشىلىعى مەن قوعامدىق دامۋداعى ماڭىزدىلىعى مەن ۇلەسى بارعان سايىن كورنەكتىلەندى.
ءبىرىنشى، ارتۋى تەز بولدى. 2021 – جىلدىڭ سوڭىنا دەيىن بۇكىل ەلدەگى كاسىپورىنداردىڭ سانى 48 ميلليون 420 مىڭعا جەتىپ، 1.7 ەسە ارتتى، مۇنىڭ %99 تەن استامى ورتا، شاعىن كاسىپورىندار. ەلىمىزدىڭ كولەمدەنگەن ونەركاسىپ ورتاشا، شاعىن كاسىپورىندارىنىڭ سانى 400 مىڭعا جەتىپ، تيجارات كىرىسى 75 تريلليون يۋاننان اسىپ، پايدا جالپى سوماسى 4 تريلليون 700 ميلليارد يۋانعا جەتىپ، 2012 - جىلداعىدان جەكە - جەكە %23.5، %38.7، %37.1 ارتتى.
ەكىنشى، ۇلەسى زورايدى. 4 – رەتكى ەكونوميكانى جاپپاي تەكسەرۋ ساندى مالىمەتىندە كورسەتىلۋىنشە، ورتا، شاعىن كاسىپورىنداردىڭ كاسىپپەن شۇعىلدانۋشىلارىنىڭ جالپى كاسىپورىنداردىڭ كاسىپپەن شۇعىلدانۋشىلارىنداعى سالىستىرماسى %80 كە جەتكەن. 2021 – جىلى ەلىمىزدە جەكەلەر باسقارۋىنداعى كاسىپورىنداردا كاسىپتەنگەندەردىڭ جالپى سانى 400 ميلليونعا جەتىپ، 2012 – جىلداعىدان 200 ميلليوننان استام ادام كوبەيگەن. ورتا، شاعىن، ۇساق كاسىپورىنداردى نەگىز ەتكەن حالىقتىق كاسىپورىندار − ەلىمىزدىڭ ءبىرىنشى ۇلكەن سىرتقى ساۋدا تيجارات تۇلعاسى، 2021 - جىلى سىرتقى ساۋدانىڭ ارتۋىنا قوسقان ۇلەسى %58.2 تەن استى.
ءۇشىنشى، ومىرشەڭدىك كۇشى نىعايدى. ارنايىلانلعان، سارالانعان، ەرەكشە، جاڭا «شاعىن الپاۋىت» كاسىپورىنداردىڭ ىشىندە %60 تەن استامى ونەركاسىپ نەگىزدىك سالاسىنا جاتادى، %70 تەن استامىنىڭ كاسىپتى باستاعانىنا 10 جىلدان اسقان، %80 تەن استامى ستراتەگيالىق جاڭادان گۇلدەنگەن كاسىپ تىزبەگىنە كىرەدى، 90 %تەن استامى ەل ءىشى - سىرتىنداعى ايگىلى ءىرى كاسىپورىنداردىڭ سايكەستى «ماماندارى». «شاعىن الپاۋىت» كاسىپورىنداردىڭ ورتاشا زەرتتەۋ - اشۋ كۇشەمەلىلىگى %10.3 كە جەتىپ، بازارعا شىققان كاسىپورىنداردىكىنەن 1.8 پايىز جوعارى بولدى.
ينفورماتسيا، حابارلاسۋ كاسىبى ارت - ارتىنان قارىشتاپ دامۋدى جۇزەگە اسىرىپ، جاڭا ۇرپاق ينفورماتسيا تەحنيكاسى مەن جاساۋ كاسىبىنىڭ توعىسۋىندا باياندى ىلگەرىلەۋشىلىككە قول جەتكىزىلدى
فىڭي 10 جىلدان بەرى ەلىمىز ەكونوميكاعا، قوعامعا قىزمەت وتەۋ دەڭگەيىن كۇش سالا جوعارىلاتىپ، ينفورماتسيا، حابارلاسۋ كاسىبىندە ارت - ارتىنان قارىشتاپ دامۋدى جۇزەگە اسىردى. دۇنيە ءجۇزى بويىنشا كولەمى ەڭ ۇلكەن، تەحنيكاسى وزىق توراپ نەگىزدىك قۇرىلعىلارىن قۇرىپ، وپتيكالىق توراپتىڭ جالعانۋ كەڭدىگى 10 مەگابايتتان 100 مەگابايتقا، ودان مىڭ مەگابايتقا كوتەرىلدى. جىلجىمالى توراپ 3G دان قامال الۋ، 4G مەن قادامداس بولۋ، 5G ارقىلى جەتەكشىلىك ەتۋ سىندى سەكىرىستى جۇزەگە اسىردى. بۇكىل ەلدەگى اكىمشىلىك قىستاقتارعا كەڭ ايالى توراپتى جالپىلاستىرۋ تاريحي سيپاتتى جۇزەگە اسىرىلىپ، كەدەيلىكتەن ارىلتۋدان قامال الۋ نىساناسى مەن مىندەتىن جاپپاي ورىنداۋعا بەلسەندى ۇلەس قوستى.
تاياۋ جىلداردان بەرى ەلىمىزدىڭ جاڭا بۋىن ينفورماتسيا تەحنيكاسى مەن جاساۋ كاسىبىنىڭ توعىسۋى قارىشتاپ دامىدى. توعىسپالى دامۋعا تىرەك بولۋ نەگىزى ۇزدىكسىز بەكەمدەلىپ، توعىسپالى دامۋ دەڭگەيى تىڭ ساتىعا كوتەرىلدى.
ءبىرىنشى، سيفرلانۋعا بۇرىلىس جاساۋ ارەكەتى ىشكەرىلەي ىلگەرىلەتىلدى. 2021 – جىلدىڭ سوڭىنا دەيىن بۇكىل ەلدەگى ونەركاسىپ كاسىپورىندارىنىڭ شەشۋشى جۇمىس تارتىپتەرىنىڭ سيفرلاندىرىلۋ شاماسى، سيفرلاندىرىلعان زەرتتەۋ – اشۋ، جوبالاۋ قۇرالدارىنىڭ جالپىلاسۋ شاماسى جەكە – جەكە %51.3 جانە %74.7 كە جەتىپ، 2012 – جىلداعىدان جەكە – جەكە 30.7 جانە 25.9 پايىز جوعارىلادى. جاڭا تەحنيكانىڭ، جاڭا قولدانىستىڭ اسەرىندە ەلىمىزدىڭ جاساۋ كاسىبىنىڭ ءوندىرىس تاسىلىندە، كاسىپورىن فورماتسياسىندا، كاسىپتىك ۇلگىسىندە جانە جۇمىستانۋ تاسىلىندە جەدەل وزگەرىس بولىپ، جاساۋ كاسىبىنىڭ ساپاسىن جوعارىلاتۋدى، وزىندىك قۇنىن تومەندەتۋدى، ونىمدىلىگىن ارتتىرۋدى، جاسىل، حاۋىپسىز دامۋىن پارمەندى جەبەدى.
ەكىنشى، زەردەلى جاساۋ ينجەنەرياسى كۇش سالا اتقارىلدى. زەردەلى جاساۋ كاسىبىنىڭ 42 ءتۇرلى حالىقارالىق ولشەمى، 300 دەن استام مەملەكەتتىك ولشەمى جاريالانىپ، نەگىزدىك ورتاقتىق پەن شەشۋشى تەحنيكالىق مەملەكەتتىك ولشەمنىڭ قامتۋ شاماسى %97.5 كە جەتتى. 700 دەن استام سيفرلاندىرۋ سەحى، زەردەلى زاۆود قۇرىلىپ، زەردەلى جاساۋدى تۇيىندە سىناق ەتۋدەن ۇلگى كورسەتۋ نىساندارىنىڭ ءوندىرىس ونىمدىلىگى ورتا ەسەپپەن %48 جوعارىلادى، ونىمدەردى زەرتتەپ جاساۋ اينالىم ۋاقىتى ورتا ەسەپپەن %38 قىسقاردى، ونىمدەردىڭ ساپاسىز ءونىم شاماسى ورتا ەسەپپەن %35 تومەندەدى.
ءۇشىنشى، ونەركاسىپ ينتەرنەتىندە جاڭالىق اشا دامۋ ارەكەتى ورىستەتىلدى. توراپ، تەكشە، حاۋىپسىزدىك سىندى ءۇش ۇلكەن جۇيە جەدەل قۇرىلىپ، ونەركاسىپ ينتەرنەتىنىڭ قولدانىلۋى 45 حالىق شارۋاشىلىعى ءىرى ءتۇرىن قامتىدى، ونەركاسىپ ينتەرنەتىنىڭ ساپالى سىرتقى تورابى بۇكىل ەلدەگى 300 دەن استام قالانى قامتىدى. ءىرى تۇرپاتتى ونەركاسىپ ينتەرنەت تۇعىرى 150 دەن اسىپ، ونەركاسىپ جابدىقتارى 78 ميلليوننان استى.
ءتورتىنشى، كاسىپ سالاسىنىڭ تىرەكتىك قۋاتى زور كۇشپەن جوعارىلاتىلدى. 2012 – جىلدان 2021 – جىلعا دەيىن ەلىمىزدىڭ ەلەكتروندى ينفورماتسيا جاساۋ كاسىبىنىڭ كولەمى 10 تريلليون 700 ميلليارد يۋاننان 14 تريلليون 100 ميلليارد يۋانعا، جۇمساق بولشەك كاسىبىنىڭ كولەمى 2 تريلليون 500 ميلليارد يۋاننان 9 تريلليون 500 ميلليارد يۋانعا ارتتى.
«كەلەسى قادامدا زەردەلى جاساۋدى نەگىزگى قامال الۋ باعىتى ەتۋدە تاباندى بولىپ، وزەكتى تەحنيكالاردان قامال الۋدى جەدەلدەتىپ، توعىسپالى دامۋدىڭ ساياساتتىق جۇيەسىن ۇزدىكسىز كەمەلدەندىرىپ، ونەركاسىپ ينتەرنەتى، زەردەلى جاساۋ كاسىبى سياقتى ارەكەتتەردى ىشكەرىلەي ىلگەرىلەتىپ، جاساۋ كاسىبىنىڭ سيفرلانعان، توراپتانعان، زەردەلىلەنگەن دامۋ دەڭگەيىن جوعارىلاتامىز» دەدى ونەركاسىپ جانە ينفورماتسيالاندىرۋ مينيسترلىگىنىڭ باس ينجەنەرى حان شيا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
