حالىق ىستەرى مينيسترلىگى: اتا - اناسى قوسىلعان جاعدايدا دا، ازامات جاسىنا تولماعانداردىڭ دەنەسىنە ورنەك شەگۋگە بولمايدى
2022.06.14 17:15 كەلۋ قاينارى : حالىق تورابى
حالىق ىستەرى مينيسترلىگىنىڭ حابارلاۋىنشا، حالىق ىستەرى مينيسترلىگى بالالارعا قامقورلىق جاساۋ مەڭگەرمەسى 6 - ايدىڭ 10 - كۇنى توراپتاستاردىڭ «ازامات جاسىنا تولماعانداردىڭ دەنەسىنە ورنەك شەگۋدى جونگە سالۋ قىزمەتى جونىندەگى ءادىس» تۋرالى كۇماندى سۇراۋلارىنا جاۋاپ قايتارىپ، اتا - اناسى ماقۇل بولعان جاعدايدا دا، ازامات جاسىنا تولماعانداردىڭ دەنەسىنە ورنەك شەگۋىنە قىزمەت وتەۋگە بولمايتىنىن، اتا - اناسى دەنەگە ورنەك شەگۋ دۇكەنىن اشقان كۇننىڭ وزىندە دە ءوز بالاسىنىڭ دەنەسىنە ورنەك شەگۋىنە بولمايتىنىن ايقىن جاريالادى.
ءبىر توراپتاس 6 - ايدىڭ 7 - كۇنى حالىق ىستەرى مينيسترلىگىنىڭ تورابىنا لەبىز قالدىرىپ بىلاي دەگەن: قاتىستى ماتەريالداردى وقىپ كورگەن سوڭ، بۇدان بۇرىن ازامات جاسىنا تولماعانداردىڭ دەنەسىنە ورنەك شەگۋىنە قاتىستى قولداۋ كورسەتەتىن نەمەسە تەرىستەيتىن ايقىن ولشەم بولماي كەلگەنىن بايقادىم، جۋىردا جاڭادان ورتاعا قويىلعان «ازامات جاسىنا تولماعانداردىڭ دەنەسىنە ورنەك شەگۋىن جونگە سالۋ قىزمەتى جونىندەگى ادىستە» (تومەندە «ءادىس» دەپ اتالادى) ازامات جاسىنا تولماعانداردىڭ دەنەسىنە ورنەك شەگۋىنە قىزمەت وتەۋگە ايقىن تيىم سالىنعان، بۇل رەتكى ايقىن بەلگىلەمە جونىندە، كوكەيىمدە بىرنەشە سۇراقتار تۋىندادى: 1. دەنەگە ورنەك شەگۋ ارەكەتىنە بايلانىستى، ازامات جاسىنا تولماعانداردىڭ ءوز قالاۋىن بۇكىلدەي ويلاستىرماۋ كەرەك پە، جوق پا؟ 2. اتا - اناسىنىڭ ماقۇلداۋىنا يە بولعان سوڭ، ازامات جاسىنا تولماعاندار دەنەسىنە ورنەك شەكتىرمەكشى بولسا، وندا ونىڭ ارەكەتىن قۇپتاۋ كەرەك پە، جوق پا؟ نەمەسە بالانىڭ اتا - اناسى دەنەگە ورنەك شەگۋ دۇكەنىن اشقان بولسا، ازامات جاسىنا تولماعان ءوز پەرزەنتىنىڭ دەنەسىنە ورنەك شەگۋىنە قىزمەت وتەسە بولا ما، جوق پا؟ 3. دەنەسىنە ورنەك شەككەن ازامات جاسىنا تولماعان بالانىڭ ۇقىق - مۇددەسىنىڭ زيانعا ۇشىراعانىن ىسپاتتاۋعا مۇمكىندىك بولماعان جاعدايدا، دەنەگە ورنەك شەگۋگە قىزمەت ەتكەندەردىڭ جاۋاپكەرشىلىگىن قۋزاستىرۋ كەرەك پە، جوق پا؟
حالىق ىستەرى مينيسترلىگى بالالارعا قامقورلىق جاساۋ مەڭگەرمەسى 6 - ايدىڭ 10 - كۇنى بىلاي دەپ جاۋاپ قايتارعان: ازامات جاسىنا تولماعاندار — ازاماتتىق ىستەرگە ساياتىن ارەكەت قابىلەتى جوق نەمەسە ازاماتتىق ىستەرگە قاتىستى ارەكەت قابىلەتى شەكتەمەگە ۇشىرايتىن ادامدار، دەنەگە ورنەك شەگۋ ازامات جاسىنا تولماعانداردىڭ تۇسىنە الاتىن نەمەسە بايسالدىلىقپەن تۇجىرىم جاسايتىن كولەمىنەن اسىپ كەتەدى، سوندىقتان، ولاردى ەرەكشە قورعاۋ، الدىمەن قورعاۋ كەرەك. «ازامات جاسىنا تولماعانداردى قورعاۋ زاڭىنىڭ» 17 - تارماعىندا بىلاي دەپ بەلگىلەنگەن: اتا - اناسى نەمەسە قامقورشىسى ازامات جاسىنا تولماعانداردىڭ دەنساۋلىعىنىڭ اقاۋسىزدىعىنا سۇعاناقتىق جاسايتىن ارەكەتتەردى ىستەمەۋى كەرەك، اتا - اناسى ماقۇل بولعان جاعدايدا دا، ازامات جاسىنا تولماعانداردىڭ دەنەسىنە ورنەك شەگۋىنە قىزمەت وتەۋگە بولمايدى. اتا - اناسى ءوزى اشقان دەنەگە ورنەك شەگۋ دۇكەنىندە ءوز پەرزەنتىنىڭ دەنەسىنە ورنەك شەگۋىنە دە بولمايدى. ورنەك شەگۋ قىزمەتىمەن قامداۋشىلاردىڭ جاۋاپكەرشىلىگىن قۋزاستىرۋدا، ءتۇرلى دەلولاردىڭ جاعدايىنا قاراي وتىرىپ، قاتىستى ادىستەر مەن تارتىپتەر بويىنشا دەلو ءبىتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
