يۇن گۇڭمين ءبىرىنشى سوتتا ءولىم جازاسىنا ۇكىم ەتىلدى
2022.06.11 15:27 كەلۋ قاينارى : حالىق تورابى
جۇڭگو حۋاديان توبى سەرىكتەستىگى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى باس مەڭگەرۋشىسى يۇن گۇڭميننىڭ پارا الۋ دەلوسى جونىندە ءبىرىنشى سوتتا ۇكىم شىعارىلدى
2022 - جىلى 6 - ايدىڭ 9 - كۇنى ساعات 9دان 30 مينۋت وتكەندە جيلين ولكەسى چاڭچۇن قالالىق ورتا دارەجەلى حالىق سوت مەكەمەسى جۇڭگو حۋاديان توبى سەرىكتەستىگى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى باس مەڭگەرۋشىسى يۇن گۇڭميننىڭ پارا الۋ دەلوسىنا اشىق ۇكىم شىعاردى، ايىپكەر يۇن گۇڭميڭعا پارا الۋ قىلمىسى بويىنشا ءولىم جازاسىن بەرىپ، ەكى جىل كەشىكتىرىپ اتقارىپ، ساياسي ۇقىعىنان ومىرلىك ماحۇرىم ەتتى، وعان قوسا بارلىق جەكەلىك مال - مۇلكىن ءمۇسادىرالادى، ءولىم جازاسىن ەكى جىل كەشىكتىرىپ اتقارۋ مەرزىمى تولعاننان كەيىن زاڭ بويىنشا مەرزىمسىز قاماق جازاسىنا جەڭىلدەتىلگەننەن كەيىن، ومىرلىك اباقتىعا جابىلادى، جازاسىن جەڭىلدەتۋگە، شارتتى بوساتۋعا بولمايدى؛ پەشەتتەلگەن، ۇستاپ قالعان، مۇزداتىلعان دەلوعا ساياتىن، بارلىق پارادان تۇسكەن زاڭعا قايشى تابىسىن جانە ونىڭ وسىمدەرىن زاڭ بويىنشا مەملەكەت قازىناسىنا تاپسىرادى. يۇن گۇڭمين سوت ۇكىمىنە بويسۇناتىندىعىن، جوعارىعا ارىز بەرمەيتىندىگىن ءبىلدىردى.
تەكسەرىپ ارقىلى مىنالار انىقتالدى: 1992 - جىلدان 2016 - جىلى 8 - ايعا دەيىن، ايىپكەر يۇن گۇڭمين ىشكى موڭعۇل اۆتونوميالى رايونى يكىجاۋ ايماعىنىڭ ورىنباسار باستىعى، ايماق باستىعى، ايماقتىق پارتيا كوميتەتىنىڭ شۋجيى، ىشكى موڭعۇل اۆتونوميالى رايوندىق حالىق ۇكىمەتىنىڭ ورىنباسار ءتوراعاسى، سانشي ولكەلىك پارتكومنىڭ تۇراقتى مۇشەسى، تاييۋان قالالىق پارتكومنىڭ شۋجيى، ولكەلىك پارتكومنىڭ ورىنباسار شۋجيى، شىنحۋا توبى شەكتى جاۋاپكەرشىلىك سەرىكتىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار باس جوراسى، جۇڭگو حۋاديان توبى سەرىكتىگىنىڭ باس مەڭگەرۋشىسى، پارتيا باسشىلىق گرۋپپاسىنىڭ ورىنباسار شۋجيى قاتارلى مىندەتتەردى وتەگەن كەزىندە، قىزمەت قولايلىلىعى نەمەسە قىزمەت ۇقىعى، ورنى قالىپتاستىرعان قولايلى شارت - جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەت مىندەتى ارقىلى، قاتىستى ورىندار مەن جەكەلەردىڭ كاسىپورىن تيجاراتى، قۇرىلىستى كوتەرىپ الۋى، سونداي - اق كادرلاردى تاڭداپ ءوسىرۋ، مىندەتكە تاعايىنداۋ جاقتارىنا كومەك كورسەتكەن، تىكەلەي نەمەسە جاقىن تۋىستارى ارقىلى قاتىستى ورىندار مەن جەكەلەر بەرگەن مال - مۇلىكتى زاڭسىز العان، بارلىعىن حالىق اقشاسىنا سىندىرعاندا 468 ميلليون يۋاننان اسقان.
چاڭچۇن قالالىق ورتا دارەجەلى حالىق سوت مەكەمەسى بىلاي دەپ قارايدى: ايىپكەر يۇن گۇڭميننىڭ ارەكەتى پارا الۋ قىلمىسىنا جاتادى، ونىڭ ۇستىنە پاراعا العان سوماسى توتەنشە قوماقتى، قىلمىس سالماعى توتەنشە اۋىر، قوعامدىق ىقپالى ەرەكشە ناشار بولىپ، مەملەكەت پەن حالىقتىڭ مۇددەسىنە ەرەكشە اۋىر زيان جەتكىزگەن، قىلمىس جونىندە ءولىم جازاسىنا ۇكىم ەتۋ كەرەك. دەلو تۋىلعاننان كەيىن قىلمىسىن قاز - قالپىندا مويىنداپ، دەلو ءبىر جاقتى ەتۋ ورگانى ءالى يگەرمەگەن باسىم كوپ ساندى قىلمىس فاكتىلەرىن ىرىقتىلىقپەن تاپسىرىپ، شىنىن ايتقان؛ قىلمىسىن تانىپ رايىنان قايتۋ، ارام ولجانى بەلسەنە قايتارعان، ارام اقشا، ارام ولجا تۇگەلدەي قايتارىپ الىنعان، قۋزاپ قايتارىپ الىنعان سياقتى زاڭدا بەلگىلەنگەن جاعدايعا قاراي جەڭىل جازالاۋ جاعدايى بولعاندىقتان، ونى ءولىم جازاسىنا ۇكىم ەتىپ، دەرەۋ اتقارماۋ كەرەك. سونىمەن بىرگە، يۇن گۇڭميننىڭ قىلمىس فاكتىلەرى مەن جاعدايىنا نەگىزدەلىپ، ءولىم جازاسىن ەكى جىل كەشىكتىرىپ اتقارۋ مەرزىمى تولعاننان كەيىن زاڭ بويىنشا مەرزىمسىز قاماۋ جازاسىنا جەڭىلدەتىلگەننەن كەيىن، ومىرلىك اباقتىعا جابۋ كەرەك، جازاسىن جەڭىلدەتۋگە، شارتتى بوساتۋعا بولمايدى. سونىمەن سوت جوعارىداعى ۇكىمىن شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
