ەكولوگيانى الدىمەن ەسكەرۋدە تاباندى بولىپ، چاڭجياڭ ەكونوميكالىق بەلدەۋىنىڭ جاسىل دامۋىن ىلگەرىلەتتى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى فان حاۋتيان، سۇڭ جيڭسى
2022.06.13 16:33 كەلۋ قاينارى : حالىق تورابى
چاڭجياڭ وزەنىنىڭ ورتا اعارىنا ورنالاسقان حۋبەي ولكەسى چاڭجياڭ وزەنىنىڭ ەكولوگياسىن قورعاۋ مەن جاسىل دامۋدى ىلگەرىلەتۋ بارىسىندا «ورتا اعارداعى ولكەلەردىڭ جوعارعى اعار جاۋاپكەرلىگىنەن» جازباي، جاسىل ءتۇستى ساپالى دامۋدىڭ نەگىزىنە اينالدىرىپ، «چاڭجياڭ وزەنى سۋىنىڭ شىعىسقا قاراي تۇنىق كۇيدە اعۋىنا» كەپىلدىك ەتتى.
2018 - جىلى 4 - ايدىڭ 24 - كۇنى باس شۋجي شي جينپيڭ چاڭجياڭ ەكونوميكالىق بەلدەۋىن دامىتۋ ستراتەگياسىنىڭ اتقارىلۋ جاعدايىن تەكسەرۋدىڭ 1 - بەكەتى شيڭفا توبىنىڭ ي - چاڭ جاڭا ماتەريالدار كاسىپ باقشاسىنا كەلىپ، چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ قىزمەتىنىڭ ماڭىزدى ورنىنا قويۋدا تاباندى بولىپ، جاپپاي قورعاۋدى بىرگە يگەرۋدى، قاۋىرت اشۋعا سالىنباۋدى تاپسىردى.
«ءبىز باس شۋجيدىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، ‹جابۋ، توقتاتۋ، تيبىن وزگەرتۋ، كوشىرۋ، لاستانۋدى تىزگىندەۋ، جاسىلداندىرۋدى قالپىنا كەلتىرۋ› سىندى 5 ءىرى ينجەنەريانى جاپپاي اتقاردىق». شيڭفا توبى پارتكومىنىڭ شۋجيى، باسالقاسى لي گوجاڭ بىلاي دەپ تانىستىردى: شيڭفا توبى كونە دامۋ وي جەلىسىنەن تۇبەگەيلى ارىلىپ، بارلىق تىكە ىعىستىرۋ اۋىزدارىن بىتەپ، چاڭجياڭ وزەنى جاعالاۋىنداعى 32 حيميا ونەركاسىپ قۇرىلعىسىن بۇزدى، كوشىردى.
چاڭجياڭ وزەنى توسپاسىنىڭ جاعالاۋىندا جۇرسەڭىز، قالانىڭ باقشاسىنا كىرگەندەي سەزىنەسىز. بىرنەشە جىلدىڭ الدىندا بۇل جەر ءالى دە ءوندىرىس سەحى بولاتىن، ال قازىر شيڭفا توبىنىڭ جاسىل كورىنىس بەلدەۋىنە اينالعان، جاعالىق سىزىعىنىڭ ۇزىندىعى ءبىر كيلومەترگە تايايدى، اۋماعى 800 مۋدان اسادى.
«قاۋىرت اشۋعا سالىنباۋ اشپاۋ دەگەندىك ەمەس، قايتا ويرانداۋ سيپاتتى اشۋمەن اينالىسپاۋ، ەكولوگيانى الدىمەن ەسكەرۋ، جاسىل دامۋ جولىمەن ءجۇرۋ كەرەك دەگەندىك». شيڭفا توبى تەحنولوگيانى جاقسارتۋدى جانە قورشاعان ورتانى قورعاۋ ورەسىن جوعارىلاتۋدى ىلگەرىلەتىپ، باقشا رايونىنداعى جالپىلىق ىعىستىرۋدى %30 ازايتىپ، «4 جاراقسىزدى» جان - جاقتى پايدالانۋ شاماسىن %95 تەن اسىردى؛ كاسىپ سالاسىنىڭ جاسىل تيپكە بۇرىلىس جاساپ، دارەجەسىن جوعارىلاتۋدى جەدەلدەتىپ، ميكرو ەلەكتروندىق جاڭا ماتەريال، ورگانيكالىق كرەمني جاڭا ماتەريالى، جاسىل ەكولوگيالىق ءشوپ وتاعىش سياقتى 3 ءىرى ابزال كاسىپتى ءساتتى جەتىلدىرىپ، ەلەكترون دارەجەلى، ءدارى - دارمەك دارەجەلى، ازىق - تۇلىك دارەجەلى 15 جەلىدەگى 591 ءتۇرلى ءونىم ءوندىردى، نازىك ونىمدەردىڭ ءوندىرىس قۋاتىن ءبىر ميلليون 500 مىڭ توننادان اسىرىپ، جوعارى، جاڭا تەحنيكالى ونىمدەردىڭ %60 ىن دۇنيە جۇزىندەگى 100 دەن استام مەملەكەت پەن رايونعا ەكسپورت ەتتى. 2021 - جىلى تيجارات ناتيجەسى تاريحتاعى ەڭ جاقسى ناتيجەگە قول جەتكىزدى، پايدا «13 – بەسجىلدىق» جوبا مەزگىلىنىڭ جالپى جيىنتىعىنان اسىپ، پايدا سالىعى 2017 - جىلداعىدان 4.12 ەسە ارتتى.
چاڭجياڭ ەكونوميكالىق بەلدەۋىنىڭ جاسىل دامۋىن ىلگەرىلەتۋدىڭ تەتىگى تۇنىق سۋ، جاسىل تاۋ مەن باعالى بايلىقتىڭ قاتىناسىن ويداعىداي شەشۋدە.
تاياۋ جىلداردان بەرى حۋبەي ولكەسى ءار جىلى چاڭجياڭ ەكونوميكالىق بەلدەۋىنىڭ دامۋىن ىلگەرىلەتۋ قىزمەتىنىڭ ماڭىزدى تۇيىندەرىن بەلگىلەپ، چاڭجياڭ وزەنىن قورعاۋ سىندى 10 ءىرى نىشاندىق شايقاستى كۇش سالا ىلگەرىلەتتى. بۇكىل ولكە بويىنشا چاڭجياڭ جاعالاۋىنداعى جابىلعان، وزگەرتىلگەن حيميا ونەركاسىپ كاسىپورىندارى 439 بولدى، وزەن جاعالاۋىنداعى ءبىر كيلومەتر اۋماقتاعى 118 حيميا ونەركاسىپ كاسىپورنى تۇگەلدەي «اداقتالدى». چاڭجياڭ وزەنىنە قۇياتىن 12 مىڭ 480 لاس زاتتاردى ىعىستىرۋ اۋزىنىڭ تەكسەرۋگە تيىستىلەرى تۇگەل تەكسەرىلىپ، چاڭجياڭ وزەنىنىڭ نەگىزگى ارناسىنداعى ءبىر مىڭ 211 زاڭسىز كەمەجاي كۇشىنەن قالدىرىلىپ، 30 مىڭنان استام بالىقشىنىڭ بالىق اۋلاۋىنا تيىم سالىندى ... قازىر حۋبەي وڭىرىندەگى چاڭجياڭ، حانجياڭ، چيڭجياڭ وزەندەرىنىڭ نەگىزگى اعارلارىنىڭ سۋ ساپاسى جوعارىلاپ، Ⅱ ءتۇر ساپاسىن ساقتاپ، سيرەك كەزدەسەتىن باعالى سۋ ورگانيزمدەرى شوعىرى ۇزدىكسىز قالپىنا كەلدى.
چاڭجياڭ وزەنىن قاۋىرت قورعاۋدىڭ قىسىمىندا حۋبەي ولكەسى كاسىپتەردىڭ تيبىن وزگەرتىپ، دارەجەسىن جوعارىلاتىپ، ساپالى دامۋعا قادام تاستادى. 2017 - جىلدان 2021 - جىلعا دەيىن حۋبەي ولكەسى 22 مىڭ 400 تەحنيكا جاڭالاۋ نىسانىن اتقارىپ، تەحنيكا جاڭالاۋ قارجىسىنىڭ ونەركاسىپكە قارجى قوسۋداعى ارا سالماعىن %39.9 تەن %47.1 كە جوعارىلاتتى. سونىمەن بىرگە، ينتەگرالدى تىزبەك، جاڭا تۇرپاتتى كورسەتكىش بولشەكتەر، جاڭا بۋىن ينفورماتسيا تورابى، بيولوگيالىق ءدارى - دارمەك سياقتى ستراتەگيالىق جاڭادان گۇلدەنگەن كاسىپتەردىڭ كولەمى مەن قۋات دەڭگەيى ۇزدىكسىز جوعارىلادى. 2021 - جىلى بۇكىل ولكەدەگى كولەمدەنگەن ونەركاسىپتىڭ ستراتەگيالىق جاڭادان گۇلدەنگەن كاسىپ سالاسىنىڭ جالپى تيجارات مولشەرى تۇڭعىش رەت تريلليون يۋاندىق وتكەلدەن ءوتتى. «حۋبەي ولكەسىنىڭ چاڭجياڭ ەكونوميكالىق بەلدەۋىن جاسىل دامىتۋدىڭ ‹14 – بەسجىلدىق› جوباسىندا»: «14 – بەسجىلدىق» جوبا مەزگىلىندە حۋبەيدىڭ چاڭجياڭ ەكونوميكالىق بەلدەۋىن جاسىل جولمەن كوركەيتۋدە الدىمەن اتقارىلاتىن رايون قۇرۋعا كۇش سالاتىنى العا قويىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
