مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى حيلۇڭجياڭدا ورتانى قورعاۋ زاڭىنىڭ اتقارىلۋ احۋالىن تەكسەردى
لي جانشۋ مىنالاردى دارىپتەدى: قورشاعان ورتانى قورعاۋ سالاسىنداعى زاڭ شىعارۋ، باقىلاۋ سياقتى قىزمەتتەردى ۇزدىكسىز ىشكەرىلەي جاقسى ىستەپ، زاڭمەن باسقارۋ كۇشى ارقىلى كورىكتى جۇڭگو قۇرىلىسىن قامتاماسىز ەتۋ كەرەك
2022.06.14 17:28 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 13 – كۇنى، حاربين. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 10 - كۇنىنەن 13 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسىن باستاپ حيلۇڭجياڭدا قورشاعان ورتانى قورعاۋ زاڭىنىڭ اتقارىلۋ جاعدايىن تەكسەردى ءارى قارا توپىراقتى قورعاۋعا بايلانىستى زاڭ شىعارۋ جونىندە تەكسەرۋ - زەرتتەۋ جۇرگىزدى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، قورشاعان ورتانى قورعاۋ سالاسىنداعى زاڭ شىعارۋ، باقىلاۋ سياقتى قىزمەتتەردى ۇزدىكسىز ىشكەرىلەي جاقسى ىستەپ، قورشاعان ورتانى قورعاۋ زاڭىنىڭ جاپپاي، ءونىمدى اتقارىلۋىن ىلگەرىلەتىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرىنىڭ، ورنالاستىرۋلارىنىڭ تەرەڭ تامىر تارتىپ، ناتيجە بەرۋىنە كەپىلدىك ەتىپ، زاڭمەن باسقارۋ كۇشى ارقىلى كورىكتى جۇڭگو قۇرىلىسىن قامتاماسىز ەتۋ كەرەك.
تەكسەرۋ گرۋپپاسى ىلگەرىندى – كەيىندى چيچيحار، جيامۋس، حاربينگە بارىپ تەكسەرۋ جۇرگىزدى، جۇڭگو ءبىرىنشى اۋىر ونەركاسىپ توبىنا، حاربين ونەركاسىپ داشۋەسى قالا سۋ بايلىعى جانە سۋ ورتاسى مەملەكەتتىك ءتۇيىندى تاجىريبەحاناسىنا بارىپ، ونەركاسىپ جاراقسىز سۋلارىن زالالسىزداندىرىپ ءبىر جاقتى ەتۋ، قورشاعان ورتانى قورعاۋ عىلىم - تەحنيكاسىن زەرتتەۋ - اشۋ جاعدايىن ۇعىستى، سونداي - اق حيشيازى ارالى، زالۇڭ جاراتىلىستىق قورىعى، تۇڭجياڭ ءۇش وزەننىڭ قۇيار جەرى سياقتى جەرلەرگە بارىپ، اۋىل شارۋاشىلىعىنىڭ بەتتىك لاستانۋىنان ساقتانۋ جانە ونى جونگە سالۋ، سۋ بايلىعى جانە سازدىقتى قورعاۋ سياقتى جاعدايلاردى ناق مايداندا تەكسەرىپ، قورشاعان ورتانى قورعاۋ زاڭىنىڭ اتقارىلۋىن تەكسەرۋ اڭگىمە ءماجىلىسىن اشىپ، زاڭنىڭ اتقارىلۋ جاعدايى جونىندەگى مالىمەت پەن قاتىستى پىكىر، ۇسىنىستاردى تىڭدادى. لي جانشۋ مىنالاردى اتاپ كورسەتتى: حيلۇڭجياڭ ولكەسى قورشاعان ورتانى قورعاۋ زاڭىن مۇقيات دايەكتى اتقارىپ، ەكولوگيالىق ورتانى كورنەكتى جاقسارتتى، بۇل جاڭا داۋىردەگى كورىكتى جۇڭگو قۇرىلىسى تابىستارىنىڭ ىقشام كورىنىسى سانالادى.
لي جانشۋ مىنالاردى دارىپتەدى: شي جينپيڭ ەكولوگيالىق وركەنيەت يدەياسىن قورشاعان ورتانى قورعاۋ زاڭىن دايەكتىلەندىرۋدىڭ، اتقارۋدىڭ ءتۇبىرلى تياناعى ەتۋدە تاباندى بولىپ، ەكولوگيالىق ورتانى قورعاۋ سالاسىنداعى زاڭ - تۇزىمدەردى كەمەلدەندىرۋگە، دامىتۋعا جەتەكشىلىك ەتىپ، زاڭ - ەرەجەلەردىڭ ىشكەرىلەي، ءونىمدى اتقارىلۋىن ىلگەرىلەتۋ كەرەك. ەكونوميكالىق، قوعامدىق دامۋ مەن قورشاعان ورتانى قورعاۋدى ءوزارا سايكەستىرۋدى زاڭدى دايەكتىلەندىرۋدىڭ، اتقارۋدىڭ ماڭىزدى پرينسيبى ەتۋدە تاباندى بولىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ەكولوگيانى الدىمەن ەسكەرەتىن، جاسىل، تومەن كومىرتەكتى ساپالى دامۋدىڭ جاڭا جولىن اشۋ كەرەك. حالىقتى وزەك ەتكەن دامۋ يدەياسىن زاڭدى دايەكتى اتقارۋدىڭ شىعار ءتۇيىنى جانە تابان تىرەر تياناعى ەتۋدە تاباندى بولىپ، حالىقتىڭ كۇن سايىن ارتىپ وتىرعان تاماشا ەكولوگيالىق ورتا قاجەتىن قاناعاتتاندىرۋ كەرەك. زاڭدا بەلگىلەنگەن قىزمەت جاۋاپكەرلىگىن تياناقتاندىرۋدى زاڭدى دايەكتىلەندىرۋدىڭ، اتقارۋدىڭ ماڭىزدى تۇتقاسى ەتۋدە تاباندى بولىپ، اركىم ءوز مىندەتىن اتقاراتىن، بىرگە يگەرىپ، بىرگە باسقاراتىن قورشاعان ورتانى جونگە سالۋ جاعدايىن قالىپتاستىرۋ كەرەك. قورشاعان ورتانى قورعاۋ زاڭ جۇيەسىن ۇزدىكسىز كەمەلدەندىرىپ، جەرگىلىكتى ورىنداردىڭ زاڭ شىعارۋ رولىن بەلسەنە ساۋلەلەندىرىپ، ەكولوگيالىق ورتانى قورعاۋ زاڭ - ءتۇزىمىنىڭ ەگجەي - تەگجەيلى تياناقتانۋىن ىلگەرىلەتىپ، زاڭ جۇيەسىنىڭ جالپىلىق ونىمدىلىگىن كۇشەيتۋ كەرەك.
لي جانشۋ حيلۇڭجياڭ ولكەسىنىڭ قارا توپىراقتى قورعاۋ، پايدالانۋ زەرتتەۋ ورنى، بيداحۋاڭ تىڭ يگەرۋ توبى جيانسانجياڭ سياقتى جەرلەرگە بارىپ، قارا توپىراقتى قورعاۋعا بايلانىستى زاڭ شىعارۋ جونىندە تەكسەرۋ - زەرتتەۋ جۇرگىزىپ، اڭگىمە ءماجىلىسىن اشىپ، عىلمي زەرتتەۋ قىزمەتكەرلەرىنىڭ، استىق ەگەتىن وتباسىلاردىڭ، حالىق قۇرىلتايى ۋاكىلدەرىنىڭ ۇسىنىس - پىكىرلەرىن تىڭدادى. ول بىلاي دەدى: قارا توپىراق − ۇلى تابيعاتتىڭ ادامزاتقا سيلاعان باعالى تارتۋى. قارا توپىراقتى ويداعىداي قورعاۋ مەملەكەتتىڭ استىق حاۋىپسىزدىگىنە، ەكولوگيا حاۋىپسىزدىگىنە، جۇڭحۋا ۇلتىنىڭ باياندى دامۋىنا سايادى. ۇكىمەتتىڭ، اۋىل شارۋاشىلىق ءوندىرىس تيجاراتشىلارىنىڭ، قوعامنىڭ ءارقايسى جاعىنىڭ قورعاۋ جاۋاپكەرلىگىن تياناقتاندىرىپ، قارا توپىراقتىڭ جالپى مولشەرىنىڭ ازايماۋىنا، يقۋاتىنىڭ ازعىنداماۋىنا، ساپاسىنىڭ جوعارىلاۋىنا، ءوندىرىس قۋاتىنىڭ باياندى بولۋىنا كەپىلدىك ەتىپ، قارا توپىراق سىندى «ەگىستىك جەردىڭ مىسىق ايۋىن» شىنايى قورعاۋ كەرەك.
حيلۇڭجياڭداعى كەزىندە لي جانشۋ حاربين جاڭا رايونىنداعى شىنجىن حاربين كاسىپ باقشاسىنىڭ، تۇڭجياڭ جۇڭگو - رەسەي حيلۇڭجياڭ تەمىر جول كوپىرىنىڭ قۇرىلىس جاعدايىن تەكسەردى ءارى ولكەلىك حالىق قۇرىلتايى ورگانىنا بارىپ تەكسەرۋ - زەرتتەۋ جۇرگىزدى. لي جانشۋ بىلاي دەدى: حيلۇڭجياڭ جاپپاي گۇلدەنۋدىڭ، جان - جاقتى گۇلدەنۋدىڭ شەشۋشى كەزەڭىندە تۇر، باس شۋجي شي جينپيڭنىڭ حيلۇڭجياڭ قىزمەتى جونىندەگى ماڭىزدى نۇسقاۋلارى مەن تالاپتارىن جاپپاي دايەكتىلەندىرىپ، ساياسي جاۋاپكەرلىكتى ويداعىداي اتقارىپ، ساپالى دامۋدى ىلگەرىلەتىپ، شىعىس سولتۇستىكتى گۇلدەندىرۋ جالپى جاعدايىندا جاڭا بەينە، جاڭا جاۋاپكەرلىك، جاڭا ىسكەرلىك كورسەتۋ كەرەك. ورتالىقتىڭ حالىق قۇرىلتايى قىزمەتى ءماجىلىسىنىڭ رۋحىن تياناقتاندىرىپ، «4 ورگان» تالابىن امالياتتا ايگىلەپ، جاڭا داۋىردە حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، پارتيا مەن مەملەكەت قىزمەتىنىڭ جالپى جاعدايىنا اناعۇرلىم ويداعىداي قىزمەت ەتۋ ءۇشىن ءتيىستى ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
