مەملەكەتتىك كەڭەس ىندەتتەن ساقتانۋدا قالىپتان تىس شارالاردى قولدانعان ءۇش جەردىڭ اتىن اتادى
مەملەكەتتىك كەڭەستىڭ زات اينالىمىنىڭ ىركىلىسسىزدىگىنە كەپىلدىك ەتۋ قىزمەتىنە باسشىلىق ەتۋ كەڭسەسى ەسكەرتۋ سيپاتتى حابارلاندىرۋ جاريالادى
2022.06.14 17:16 كەلۋ قاينارى : حالىق تورابى
4 - ايدىڭ 18 - كۇنى مەملەكەتتىك زات اينالىمىنىڭ ىركىلىسسىزدىگىنە كەپىلدىك ەتىپ، كاسىپ سالاسى تىزبەگىندەگىنىڭ، قامداۋ تىزبەگىنىڭ ورنىقتىلىعىن ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى، ءارقايسى جاقتاردىڭ ورتاق قۇلشىنۋىنىڭ ارقاسىندا، ەلىمىز بويىنشا قاتىناس تورابى جالپى جاقتان ىركىلىسسىز بولىپ، باستى زات اينالىمى كورسەتكىشتەرى ورنىقتىلىق بارىسىندا جاقساردى، ماڭىزدى تۇيىندەردە ءوندىرىس بىرتىندەپ قالپىنا كەلتىرىلدى، زات اينالىمىنىڭ ىركىلىسسىزدىگىنە كەپىلدىك ەتۋ قىزمەتىندە كەزەڭدىك ناتيجەلەرگە قول جەتكىزىلدى. الايدا، سونىمەن بىرگە، ءىشىنارا جەرلەردە ىندەتتەن ساقتانۋ - تىزگىندەۋ بارىسىندا قالىپتان تىس شارالاردى قولدانۋ، قايتا - قايتا نۋكلەين قىشقىلىن تەكسەرۋ قاتارلى ماسەلەلەر ءالى دە بىتىراڭقى تۇردە بايقالۋدا. جۋىردا، مەملەكەتتىك كەڭەستىڭ زات اينالىمىنىڭ ىركىلىسسىزدىگىنە كەپىلدىك ەتۋ قىزمەتىنە باسشىلىق ەتۋ كەڭسەسى ەسكەرتۋ سيپاتتى حابارلاندىرۋ باسىپ تاراتىپ، جۋىردان بەرى اڭىس ەتىلگەن كورنەكتى ماسەلەلەر جونىندە حابارلاندىرۋ جاريالادى:
ءبىرىنشى، حىبەي ولكەسى جاڭجياكوۋ قالاسى تومەنگى حۋايۋان باتىس جوعارى قارقىندى تاس جولىنىڭ شىعار اۋزىنداعى جۇقپالى اۋرۋلاردان ساقتانۋعا قاتىستى تەكسەرۋ جۇرگىزۋ پۋنكتى باسقا جەردەن كەلگەن بارلىق جۇك اۆتوموبيلدەرىنىڭ شوفەرلەرىنەن نۋكلەين قىشقىلى مەن انتيدەنەنى قايتالاي تەكسەرتۋدى تالاپ ەتكەن، ولاردىڭ نۋكلەين قىشقىلىن تەكسەرتۋ ناتيجەسى بولىمسىز بولعانى تۋرالى ىسپاتىنىڭ ۋاقىتى 48 ساعاتقا تولماسا دا وسىلاي ىستەگەن؛ شوفەرلەردىڭ ساپار كودىنەن * بەلگىسى بايقالماسا دا، ءبىرتۇتاس تىزىمگە العان، ويتپەگەندە، جوعارى قارقىندى تاس جولدان شىعۋىنا رۇقسات بەرمەگەن.
ەكىنشى، انحۇي ولكەسى انچيڭ قالاسى يشۋ رايونى شاڭحاي - چۇڭچيڭ جوعارى قارقىندى تاس جولى انچيڭ اقى الۋ بەكەتىندەگى (مەيشانداعى شىعار اۋىز) جۇقپالى اۋرۋلاردان ساقتانۋعا قاتىستى تەكسەرۋ جۇرگىزۋ پۋنكتى باسقا ولكەدەگى ىندەتكە قاتىستى حاۋىپ - قاتەر دارەجەسى تومەن وڭىرلەردەن كەلگەن جۇك اۆتوموبيلىنىڭ شوفەرلەرىنەن 48 ساعات ىشىندە نۋكلەين قىشقىلىن تەكسەرتكەن ىسپاتتى تالاپ ەتكەن؛ حىفەي قالاسى فاڭشيڭ جولىنداعى اقى الۋ بەكەتىنىڭ جۇقپالى اۋرۋلاردان ساقتانۋعا قاتىستى تەكسەرۋ جۇرگىزۋ پۋنكتى باسقا جەردەن كەلگەن بارلىق جۇك اۆتوموبيلدەرىنىڭ شوفەرلەرىنە «نۋكلەين قىشقىلىنىڭ ۇلگىسىن قالدىرۋ» دەگەن اتپەن ءتۇرى وزگەرگەن تۇردە نۋكلەين قىشقىلىن تەكسەرۋدى ورىستەتكەن.
ءۇشىنشى، شانشي ولكەسى شاڭلو قالاسى شاڭلو شىعىس جوعارى قارقىندى تاس جولىنىڭ شىعار اۋزىنداعى جۇقپالى اۋرۋلاردان ساقتانۋعا قاتىستى تەكسەرۋ جۇرگىزۋ پۋنكتى باسقا ولكەدەگى ىندەتكە قاتىستى وڭىرلەردەن كەلگەن جۇك اۆتوموبيلدەرىن تۇگەلدەي قايتىپ كەتۋگە ءناسيحاتتاپ، جۇك اۆتوموبيلدەرىنىڭ قاتىناۋىنا شەكتەمە قويعان.
حابارلاندىرۋدا مىنالار اتاپ كورسەتىلگەن: قاتىناس پەن زات اينالىمى — بازار ەكونوميكاسىنىڭ قان تامىرى، سونىمەن بىرگە، حالىق تۇرمىسىن قامتاماسىزداندىرىپ، ىندەتتەن ساقتانۋداعى ماڭىزدى تىرەك. بۇعان پارتيا ورتالىق كوميتەتى مەن مەملەكەتتىك كەڭەس وسكەلەڭ ءمان بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
