مەملەكەتتىك كەڭەس گۋاڭجوۋ نانشادا دۇنيە جۇزىنە بەت العان گۋاڭدۇڭ، شياڭگاڭ، اۋمىننىڭ جاپپاي سەلبەستىك جاساۋىن تەرەڭدەتۋ جالپى تۇلعالىق جوباسىن باسىپ تاراتتى
2022.06.15 16:34 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 14 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «گۋاڭجوۋ نانشادا دۇنيە جۇزىنە بەت العان گۋاڭدۇڭ، شياڭگاڭ، اۋمىننىڭ جاپپاي سەلبەستىك جاساۋىن تەرەڭدەتۋ جالپى تۇلعالىق جوباسىن» (تومەندە قىسقاشا «جوبا» دەلىنەدى) باسىپ تاراتتى.
«جوبادا» بىلاي دەپ اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، جاڭا دامۋ يدەياسىن تولىق، دۇرىس، جاپپاي دايەكتىلەندىرىپ، جاڭا دامۋ جۇيەسىن قۇرۋدى تەزدەتىپ، رەفورما جاساپ، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋدە تاباندى بولىپ، ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، «ءبىر ەل، ەكى ءتۇزىم» باعىتىن بۇلجىتپاي دايەكتىلەندىرىپ، گۋاڭدۇڭ، شياڭگاڭ، اۋمىننىڭ ءوزارا پايدا جەتكىزىپ، تەڭ يگىلىككە كەنەلۋ سەلبەستىگىن تەرەڭدەتىپ، تاريحي مادەنيەت استارىن بەكەمدەپ، عىلىم - تەحنيكادا جاڭالىق اشۋ كاسىبى سەلبەستىك بازاسىن، جاستاردىڭ يگىلىك جاراتۋ، جۇمىستانۋ سەلبەستىك تۇعىرىن، جوعارى دەڭگەيدەگى سىرتقا ەسىك اشۋ قاقپاسىن، ەرەجەنى مەحانيزممەن ۇشتاستىرۋ بيىگىن جانە ساپالى قالا دامۋىنىڭ ۇلگىسىن جەدەل قالىپتاستىرىپ، نانشانى شياڭگاڭ مەن اۋمىننىڭ مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋىنىڭ ماڭىزدى دانەكەرى جانە پارمەندى تىرەگى ەتىپ قۇرىپ شىعۋ كەرەك.
«جوبادا» مىنالار ايقىن بەلگىلەندى: 2025 - جىلعا بارعاندا نانشا گۋاڭدۇڭ، شياڭگاڭ، اۋمىن بىرلەسكەن عىلىم - تەحنيكادا جاڭالىق اشۋ ءتۇزىلىس، مەحانيزمىن اناعۇرلىم كەمەلدەندىرىپ، كاسىپ سالاسى سەلبەستىگىن ۇزدىكسىز تەرەڭدەتىپ، وڭىرلىك جاڭالىق اشۋ جانە كاسىپ سالاسىندا بۇرىلىس جاساۋ جۇيەسىن العاشقى ادىمدا قالىپتاستىرۋ؛ جاستاردىڭ يگىلىك جاراتۋ، جۇمىستانۋ سەلبەستىك دەڭگەيىن ونان ارى جوعارىلاتىپ، وقۋ - اعارتۋ، ەمدەۋ سياقتى ساپالى الەۋمەتتىك بايلىقتى جەدەل شوعىرلاندىرىپ، شياڭگاڭدىق، اۋمىندىق جاستار تىنىش ءومىر، شات - شادىمان تىرشىلىك كەشىرەتىن جاڭا مەكەن قۇرىپ شىعۋ؛ بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن نەگىزىنەن قالىپتاستىرىپ، «ءبىر بەلدەۋ، ءبىر جول» قۇرىلىسىنا قول ۇستاسا ات سالىسۋدا كورنەكتى ونىمدىلىككە قول جەتكىزۋ؛ جاسىل، تومەن كومىرتەكتى باقشا رايونى قۇرىلىسىنىڭ اينالىس مودەلىن نەگىزىن قالىپتاستىرىپ، الدىمەن اتقارىلاتىن رايوندا ماڭىزدى ىلگەرىلەۋشىلىككە قول جەتكىزۋ كەرەك. 2035 - جىلعا بارعاندا، نانشا وڭىرىندەگى جاڭالىق اشۋ جانە كاسىپ سالاسىندا بۇرىلىس جاساۋ جۇيەسىن اناعۇرلىم كەمەلدەندىرىپ، حالىقارالىق عىلىم - تەحنيكا جەتىستىكتەرىن وندىرگىش كۇشكە اينالدىرۋ قۋاتىن كورنەكتى جوعارىلاتۋ؛ ءوندىرىس، تۇرمىس ورتاسىن كۇن سايىن كەمەلدەندىرۋ، الەۋمەتتىك قىزمەت وتەۋدە دۇنيە ءجۇزىنىڭ وزىق دەڭگەيىنە جەتىپ، وڭىردەگى شياڭگاڭ، اۋمىن تۇرعىندارىنىڭ سانىن كورنەكتى جوعارىلاتۋ؛ حالىقارالىق ماڭداي الدى ساۋدا ورتاسىن ونان ارى كەمەلدەندىرىپ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ حالىقارالىق سەلبەستىك باسەكەسىنە قاتىناسۋ بارىسىندا جەتەكشىلىك رول اتقارىپ، شياڭگاڭمەن، اۋمىنمەن قول ۇستاسىپ، جوعارى دەڭگەيدەگى سىرتقا ەسىك اشۋ تەرەزەسىن قۇرىپ، گۋاڭدۇڭ، شياڭگاڭ، اۋمىننىڭ جاپپاي سەلبەستىك جاساۋىنىڭ ماڭىزدى تۇعىرىنا اينالۋ كەرەك.
«جوبادا» باستى مىندەتتەر 5 جاقتان ورنالاستىرىلدى. ءبىرىنشى، عىلىم - تەحنيكادا جاڭالىق جاراتۋ كاسىبى سەلبەستىك بازاسىن قۇرۋ. گۋاڭدۇڭ، شياڭگاڭ، اۋمىننىڭ عىلىم - تەحنيكادا بىرلەسىپ جاڭالىق اشۋىن كۇشەيتىپ، كەلەلى عىلىم - تەحنيكادا جاڭالىق اشۋ تۇعىرىن ورناتىپ، جوعارى، جاڭا تەحنيكالىق كاسىپتەردى جەتىلدىرىپ جانە دامىتىپ، حالىقارالانعان جوعارى دەڭگەيلى دارىندىلاردىڭ شوعىرلانۋىن ىلگەرىلەتۋ كەرەك. ەكىنشى، جاستاردىڭ يگىلىك جاراتۋ، جۇمىستانۋ سەلبەستىك تەكشەسىن قۇرۋ. جاستاردىڭ جاڭالىق اشۋىن، يگىلىك جاراتۋىن سايكەستى ىلگەرىلەتىپ، پراكتيكالىق جۇمىستاندىرۋدى قامتاماسىزداندىرۋ دەڭگەيىن جوعارىلاتىپ، جاستار مەن ورەندەردىڭ گۋمانيتارلىق اۋىس - كۇيىسىن كۇشەيتۋ كەرەك. ءۇشىنشى، جوعارى دەڭگەيدەگى سىرتقا ەسىك اشۋ تەرەزەسىن بىرگە قۇرۋ. جۇڭگو كاسىپورىندارىنىڭ «سىرتقا شىعۋ» جالپىلىق قىزمەت وتەۋ بازاسىن قۇرىپ، حالىقارالىق تەڭىز تاسىمالى زات اينالىمى تورابى فۋنكتسياسىن كۇشەيتىپ، حالىقارالىق ەكونوميكالىق سەلبەستىكتى كۇشەيتىپ، حالىقارالىق بارىس - كەلىستىڭ جاڭا تۇعىرىن قۇرۋ كەرەك. ءتورتىنشى، ەرەجەمەن ۇشتاستىرۋ مەحانيزمىنىڭ بيىگىن قالىپتاستىرۋ. حالىقارالىق ماڭداي الدى ساۋدا ورتاسىن قالىپتاستىرىپ، فينانس بازارىنىڭ ءوزارا بايلانىسىن ءتارتىپتى ىلگەرىلەتىپ، الەۋمەتتىك قىزمەت وتەۋ مەن قوعامدىق باسقارۋدىڭ ءوزارا ۇشتاسۋ دەڭگەيىن جوعارىلاتۋ كەرەك. بەسىنشى، ساپالى قالا دامۋىنىڭ ۇلگىسىن ورناتۋ. قالا پلانى قۇرىلىسى سالاسىنداعى سەلبەستىكتى كۇشەيتىپ، زەردەلى قالا قۇرىلىسى مەن گۋاڭدۇڭ - شياڭگاڭ - اۋمىن وقۋ - اعارتۋ سەلبەستىگىن ورنىقتى ىلگەرىلەتىپ، شياڭگاڭ، اۋمىن تۇرعىندارىنىڭ ەمدەلۋ، زەينەتكەرلىك ىستەرىنە قولايلىلىق جاساپ، ەكولوگيالىق ورتانى بىرلەسىپ قۇرۋدى، بىرلەسىپ قورعانۋدى، بىرلەسىپ جونگە سالۋدى كۇشەيتۋ كەرەك.
«جوبادا» مىنالار تالاپ ەتىلدى: پارتيانىڭ باسشىلىعىن جاپپاي كۇشەيتىپ، قارجى، فاكتور سياقتى ساياساتتىق قولداۋدى كۇشەيتىپ، سەلبەستىك ۇلگىسىندە جاڭالىق اشىپ، شياڭگاڭ مەن اۋمىننىڭ نانشا اشۋ قۇرىلىسىنا بەلسەنە ات سالىسۋىنا قولداۋ كورسەتۋ كەرەك. ۇيىمداستىرىپ اتقارۋدى كۇشەيتىپ، قاتىستى تاراۋلار كەلەلى ساياساتتاردى اتقارۋ، كەلەلى نىسانداردى ورنالاستىرۋ، ءتۇزىلىس، مەحانيزمدە جاڭالىق اشۋ سياقتى جاقتاردا جەتەكشىلىك ەتىپ، قولداۋ كورسەتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا باسشىلىق ەتۋ گرۋپپاسى كەڭسەسى ءبىر تۇتاس سايكەستىرۋدى، وكشەلەي قىزمەت وتەۋدى جانە قۋزاۋ - تياناقتاندىرۋدى كۇشەيتىپ، گۋاڭدۇڭ ولكەسىنىڭ شياڭگاڭمەن، اۋمىنمەن قاتىناسىن، سايكەسۋىن كۇشەيتىپ، گۋاڭجوۋ قالاسى تۇلعالىق جاۋاپكەرلىكتى تياناقتاندىرىپ، ءتۇرلى مىندەتتەردىڭ تياناقتانۋىن شىنايى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
