رەفورما جۇرگىزىپ، ەسىك اشۋدى ءتىپتى دە بيىك باستامادا ىلگەرىلەتىپ، اناعۇرلىم مول «كوكتەم حيكايالارىن» ۇزدىكسىز قۇلشىنا جازدى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى چىڭ يۋانجوۋ، ليۋ جىچياڭ
2022.06.15 16:36 كەلۋ قاينارى : حالىق تورابى
شىنجىن _ رەفورما جاساپ، ەسىك اشقاننان كەيىن پارتيا مەن حالىق ءوز قولىمەن قۇرعان شىت جاڭا قالا، جۇڭگوشا سوتسياليزمنىڭ اق قاعازداعى تاماشا بەينەسى. جاڭا ءداۋىر، جاڭا جورىقتا شىنجىن جۇڭگوشا سوتسياليزمدى الدىمەن دامىتۋدان ۇلگى كورسەتۋ رايونىن ويداعىداي قۇرۋ سىندى تاريحي اۋىر مىندەتتى ارقالاپ وتىر.
2012 - جىلى 12 – ايدا پارتيانىڭ 18 - قۇرىلتايىنان كەيىن تۇڭعىش رەت جەرگىلىكتى ورىنعا بارىپ قىزمەت تەكسەرگەندە باس شۋجي شي جينپيڭ شىنجىنگە كەلىپ، ليانحۋا تاۋىنا شىعىپ، دىڭ شياۋپيڭنىڭ مىس مۇسىنىنە گۇل شارباق قويدى ءارى فيكۋس اعاشىن ەكتى.
2020 – جىلى 10 - ايدىڭ 14 – كۇنى باس شۋجي شي جينپيڭ وسى اراعا تاعى كەلىپ، تاۋ باسىنداعى تەكشەدە تۇرىپ، وسى وسىزاماندانعان الىپ قالاعا كوز جىبەرىپ، ايرىقشا تەبىرەنىپ: «پارتيا ورتالىق كوميتەتى ەكونوميكالىق ەرەكشە رايونعا جاڭا ءمان جانە بورىش جۇكتەدى، شىنجىن، ءسوز جوق، اناعۇرلىم مول <كوكتەم حيكايالارىن> قۇلشىنا جازىپ، دۇنيە ءجۇزىن تاڭداي قاقتىراتىن جاڭا، اناعۇرلىم زور كەرەمەتتەر جاراتۋى كەرەك!» دەدى.
رەفورما كىدىرمەيدى، ەسىك اشۋ قادامى توقتامايدى، مۇندا «قامال الۋ» رۋحىن، «جاڭالىق اشۋ» جىگەرىن، «ىستەۋ» ستيلىن ماڭگى ساقتاۋعا تۋرا كەلەدى.
باس شۋجيدىڭ تاپسىرىعىن ەستە بەرىك ساقتاعان شىنجىن گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ارقاۋ، جۇڭگوشا سوتسياليزمدى الدىمەن جۇرگىزۋ ۇلگى رايونىن قۇرۋدى باس جەتەكشى، باس تالاپ، جالپىلىق رەفورمانى تۇيىندە سىناق ەتۋدى شەشۋشى تۇتقا ەتىپ، العان بەتىنەن قايتپايتىن كۇرەسكەرلىك بەينەمەن، بوران - شاشىنعا بوگەلمەيتىن رۋحاني كۇيمەن رەفورما جاساپ، ەسىك اشۋدى اناعۇرلىم جوعارى باستامادا ىلگەرىلەتىپ، الدىمەن اتقارۋدان، الدىمەن سىناق ەتۋدەن الدىمەن ۇلگى كورسەتۋگە دەيىنگى جاۋاپتاردى قايتارىپ وتىردى.
رەفورما كىدىرمەيدى، ەسىك اشۋ قادامى توقتامايدى، ءتۇزىم قۇرىلىسىنىڭ سالماعى ءتىپتى دە اۋىرلايدى.
«كەزىندەگى شىنجىدە <ءۇش كۇندە ءبىر قابات قۇرىلىس سالۋ> كەرەمەتىنەن چيانحايدا <ءۇش كۇندە ءبىر تۇزىمدىك جاڭالىق جاراتۋعا> بۇرىلىس جاسالدى». چيانحاي باسقارۋ مەكەمەسى باستىعىنىڭ ورىنباسارى ۋاڭ جينشيا بىلاي دەدى: چيانحاي وسى زامانعى قىزمەت وتەۋ كاسىبىندە جاڭالىق اشا دامۋ، عىلىم - تەحنيكانى دامىتۋ ءتۇزىلىس - مەحانيزمىندە جاڭالىق اشۋ سياقتى جاقتاردا جۇرەكتىلىكپەن ىزدەنىس جاساپ، جۇرەكتىلىكپەن سىناق جۇرگىزىپ، تۇزىمدە جاڭالىق اشۋدىڭ ءبىر توپ جەتىستىگىن جارىققا شىعاردى.
يگىلىك جاراتۋ تاقتاسى رەفورماسى جانە تىركەۋ ءتۇزىمىن تۇيىندە سىناق ەتۋ تياناقتانىپ، ونىمدىلىك كورسەتتى، «شىنجىن ەكونوميكالىق ەرەكشە رايونىنىڭ ساندى مالىمەت ەرەجەسى» سياقتى مەملەكەتتىك العاشقى جاسامپازدىق سيپاتىنداعى زاڭ - ەرەجەلەر جاريالانىپ اتقارىلدى ... شىنجىننىڭ جالپىلىق رەفورما سىناق تۇيىنىندە العاشقى توپتاعى 40 ءتۇرلى ۇقىق بەرىلگەن ىستەر جاپپاي تياناقتانىپ، اتقارىلىپ، ءبىر توپ ءتۇيىندى سالالار مەن شەشۋشى بۋىندارداعى رەفورمانىڭ ونىمدىلىگى ۇزدىكسىز كورنەكتىلەندى.
رەفورما كىدىرمەيدى، ەسىك اشۋ قادامى توقتامايدى، ساپالى دامۋ بارىسىندا جولىققان ءىس جۇزىندىك ماسەلەلەردى شەشۋگە نازار اۋدارۋ كەرەك.
«ءسوز جوق، جاڭالىق اشۋ − ءبىرىنشى قوزعاۋشى كۇش دەگەندە تاباندى بولىپ، دۇنيە جۇزىلىك عىلىم - تەحنيكا توڭكەرىسى مەن كاسىپ وزگەرىسى بارىسىندا ىرىقتىلىققا قول جەتكىزۋ كەرەك»، جۇڭگو عىلىم اكادەمياسى شىنجىن وزىق تەحنيكانى زەرتتەۋ ورنىنىڭ باستىعى فان جيانپيڭ اۋىر مىندەت ارقالاپ وتىرعانىن تەرەڭ سەزىندى. تاياۋ جىلداردان بەرى وسى جاڭاشا زەرتتەۋ - اشۋ قۇرىلىمى نازاردى شەشۋشى تەحنيكالاردان قامال الۋعا شوعىرلاندىرىپ، قاجەتسىنۋشى جاق سۇراۋ قويۋ، عىلىم - تەحنيكا سالاسى جاۋاپ قايتارۋ جاڭا مەحانيزمىن جانە عىلىم - تەحنيكا جەتىستىكتەرىن جوعارى ونىمدىلىكپەن كادەگە جاراتۋ مەحانيزمىن ورناتىپ، جيىنى ءبىر مىڭ 346 كاسىپورىندى جەتىلدىردى.
عىلىم - تەحنيكادا جاڭالىق اشۋدى جاڭا ءداۋىردىڭ تاريحي بورىشىن ارقالاۋدىڭ شەشۋشى تىرەگى ەتۋدە تاباندى بولدى، شىنجىن دۇنيە جۇزىلىك ىقپالعا يە عىلىم - تەحنيكا جانە كاسىپ سالاسى بويىنشا جاڭالىق اشۋ بيىگىنە قادام تاستادى: PCT حالىقارالىق پاتەنت ءوتىنىش ەتۋ مولشەرى بۇكىل ەلدەگى قالالاردىڭ الدىڭعى قاتارىنا ءوتتى، مەملەكەت دارەجەلى جوعارى، جاڭا تەحنيكا كاسىپورىندارى 21 مىڭعا جەتتى، جاڭا بۋىن ينفورماتسيالىق حابارلاسۋى سياقتى 4 شوعىر مەملەكەتتىڭ وزىق جاساۋ كاسىبى شوعىرىنا تاڭدالدى ...
ليانحۋا تاۋىندا باس شۋجي شي جينپيڭ ەككەن فيكۋس اعاشى بوي تارتىپ، قاۋلاپ ءوستى. «8 جىل كوزدى اشىپ - جۇمعانشا وتە شىقتى. بۇل جەردىڭ تاڭدالعانى وتە جاقسى بولدى، اعاش ماۋەسىن كەڭگە جايا الادى، اعاشتىڭ ءوسۋى دە تەز بولادى». شىنجىن ەكونوميكالىق ەرەكشە رايونى قۇرىلعانىنىڭ 40 جىلدىعىنىڭ ەرەكشە ساتىندە باس شۋجي شي جينپيڭنىڭ وسى ارادا سويلەگەن بۇل ءسوزىنىڭ تەرەڭ ءمانى بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
