حالىق ءانى ــ قازىنام(3)

2012.12.10 16:00   كەلۋ قاينارى : حالىق تورابى

　　شارانىڭ سىرگە جيارى كەزىندە ءسوز كەزەگىن العان تۇرسىن جۇرتباي ۇلى: «بۇل كەشتە سەرىكتىڭ داۋىسى ارقىلى سوناۋ ەدىل مەن جايىق، ارقانىڭ اندەرى، جەتىسۋدىڭ اندەرى، سارى ارقانىڭ اندەرى، التايدىڭ اندەرى، ىلەنىڭ اندەرى شىرقالىپ ءبارىمىزدىڭ جۇرەك قىلىمىزدى شەرتىپ ءوتتى، وسى اندەر ءتۇرلى كوڭىل كۇيدى، ءتۇرلى داۋىستى، اسا ءبىر سارىندى قاجەت ەتەتىنى شىندىق، مىنە بۇل ءبىزدىڭ رۋحانيات الەمىمىز، ءبىز مۇنى ماڭگى جادىمىزدا ساقتاۋىمىز، ۇرپاقتان-ۇرپاققا جالعاستىرۋىمىز كەرەك. بۇل، وسى زالدا وتىرعان ءاربىر ستۋدەنت جاستار، سىزدەرگە سىن. سىزدەر ەرتەڭ ءوز ۇيالارىڭىزدان شار-تاراپقا شاشىلىپ، ءارقايسىلارىڭ ءوز تاڭداعان بايتەرەكتەرىڭىزگە ۇيا سالىپ، سايرايتىن بولاسىزدار... سول ساتتە سەرىك سالعان وسى اندەرىمىز جادىلارىڭدا ساقتالاتىن بولسىن!»-دەگەن اقجارما تىلەگىن ءبىلدىردى.

　　ءيا، ءيلايىم ...

　　ءان سالساڭ، اسەتتەي سال اڭىراتىپ،

　　جايلانتىپ، قوڭىرلاتىپ، جامىراتىپ.

　　اققۋداي اسپانداعى ءاندى ورلەتىپ،

　　قوندىرىپ قوڭىر قازداي مامىرلاتىپ»،-دەپ اسەت، ءبىرجان سال، اقان سەرى، سياقتى قازاق ءان الەمىنىڭ جارىق جۇلدىزدارىن ۇستاز تۇتىپ، ومىرگە وزىنشە ورنەك سالىپ جۇرگەن سەكەڭنىڭ بەرگەنىنەن بەرەرى كوپ بولسىن دەگىمىز كەلەدى.