جالعان «گەنەرال» 15 جىل الدامشىلىقپەن شۇعىلدانعان

200 مىڭ يۋان تاپسىرعانداردى اسكەري مەكتەپكە كىرگىزەمىن دەپ جۇرتتى الداعان

2013.10.30 14:00   كەلۋ قاينارى : حالىق تورابى

　　29-قازاندا ورتالىق تەلەۆيزيانىڭ «وي تولعاۋى» ايدارىندا «گەنەرال» اتىن جالعاننان جامىلىپ الدامشىلىقپەن شۇعىلدانۋعا قاتىستى ەكى رەتكى دەلونى اشكەرەلەدى. الدامشىلاردىڭ بىرەۋىنىڭ اتى دۇڭ داۋەي، ول ءوزىن «بەيجيڭ اسكەري رايونى كادرلار ءبولىمى كەڭسەسىنىڭ كوميسسارىمىن، اسكەري بولىمدەرگە قاراستى جوعارى مەكتەپتەرگە وقۋشى قابىلداۋ قىزمەتىن ارناۋلى باسقارامىن» دەپ تانىستىرادى ەكەن. ونىڭ ايتۋىنشا، 200 مىڭ يۋان تاپسىرعان وقۋشىلار ىشكى جاقتاعى سان ارقىلى اسكەري مەكتەپتەرگە تىكەلەي قابىلدانادى ءارى وقۋ تاۋىسقاننان كەيىن اسكەري بولىمدەرگە قىزمەتكە ورنالاستىرىلادى ەكەن. 15 جىل بويى الدامشىلىقپەن شۇعىلدانعان ول، «اعا پولكوۆنيك» دارەجەسىنەن «گەنەرال» دارەجەسىنە كوتەرىلگەن. تاعى ءبىر تەكسەرۋ ناتيجەسىنە قاراعاندا، 2005-جىلدان بەرى دۇڭ داۋەي وقۋشى قابىلداۋ، دارەجەسىن جوعارىلاتۋ، قىزمەتىن ءوسىرۋ جانە جوتكەۋ قاتارلى ات-اتاقتارمەن بۇكىل ەلدىڭ جەر-جەرىندە الدامشىلىقپەن شۇعىلدانىپ، 3 ميلليون 800 مىڭ يۋان اقشانى الدام قالتاسىنا باسقان.

　　كەلۋ قاينارى: حالىق تورابى