شينحۋا اگەنتتىگىنىڭ 6 – قاراشادا حاربيننەن بەرگەن حابارى. 4 – قاراشادان 6 – قاراشاعا دەيىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حيلۇڭجياڭ ولكەسىنىڭ تۇڭجياڭ، فۋيۋان، حاربين سياقتى جەرلەرىن كوزدەن كەشىردى. ول جەرگىلىكتى كادرلارعا مىنالاردى ەرەكشە تاپسىردى: بۇل جەردىڭ قىسى وتە قاتتى، ەڭ تومەن تەمپەراتۋرا نولدەن تومەن 40 گرادۋىسقا دەيىن بارادى، تەكسەرۋ قىزمەتىن تىڭعىلىقتى، ويداعىداي ىستەپ، بۇقارا وتىرعان تۇرعىن ۇيلەردىڭ حاۋىپسىز بولۋىنا، جىلى بولۋىنا، ءبىر بۇقارانىڭ دا سۋىقتا قالماۋىنا، كوپشىلىكتىڭ جىلى، حاۋىپسىز ۇيدە تۇرۋىنا كەپىلدىك ەتۋ كەرەك. ول بىلاي دەدى: اۋىل – قىستاق رەفورماسى جاڭا كەزەڭگە ءوتتى، اۋىل شارۋاشىلىعىن وسىزامانداندىرۋدى ىلگەرىلەتۋدە تاعى دا رەفورماعا سۇيەنەمىز. اۋىل شارۋاشىلىق ءوندىرىسىن باسقارۋ تۇزىلىسىندە جاڭالىق جاراتۋعا كۇش سالىپ، وتباسىندىق كوتەرمەگە الۋ جاۋاپكەرلىگى تۇزىمىنە تاباندى بولۋ ، ديقانداردىڭ زاڭدى ۇقىق – مۇددەسىن قورعاۋ، ديقانداردىڭ تىلەگىنە قۇرمەت ەتۋ نەگىزىندە، جارنالىق سەلبەستىك سىندى ءتۇرلى فورماداعى، لايىقتى كولەمدەگى شارۋاشىلىق جۇرگىزۋ جولدارىن بەلسەنە قاراستىرۋىمىز كەرەك. وسىلاردى باستاما ەتە وتىرىپ، جەر باسقارۋ ءتۇزىمى رەفورماسىن جۇيەلى تۇردە جۇرگىزىپ، فينانس پەن قامسىزداندىرۋدىڭ اۋىل شارۋاشىلىعىنا قىزمەت وتەۋىنە اناعۇرلىم ويداعىداي قولداۋ كورسەتۋ جاعىندا جەتەكشى بولۋىمىز كەرەك.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى