بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

قازاقستاننىڭ ونەر ۇيىرمەسى بەيجيڭدە كونسەرت قويدى، بەكبولات تىلەۋحانوۆ ءان شىرقادى

2013.11.06 15:28   كەلۋ قاينارى : حالىق تورابى



  حالىق تورابىنىڭ قازاقشا ارناسى بەيجيڭنەن حابارلايدى. 5-قاراشا كۇنى، جۇڭگونىڭ مادەنيەت مينيسترلىگى مەن قازاقستاننىڭ مادەنيەت جانە اقپارات مينيسترلىگى، قازاقستاننىڭ جۇڭگودا تۇراتىن باس ەلشىلىگىنىڭ ورتاق سايكەسۋىندە وتكىزىلگەن «قازاقستان مادەنيەت اپتالىعى» اتىنداعى ساۋىق كەش بەيجيڭدەگى مەملەكەتتىك تەاترحانادا ءوتتى. كونسەرتكە جۇڭگونىڭ مادەنيەت مينيسترى ساي-ۋ مەن قازاقستاننىڭ مادەنيەت جانە اقپارات مينيسترى مۇحتار قۇلمۇحاممەت قاتىناستى.

  كونسەرت باستالار الدىندا، جۇڭگونىڭ مادەنيەت مينيسترى ساي-ۋ مەن قازاقستاننىڭ مادەنيەت جانە اقپارات مينيسترى مۇحتار قۇلمۇحاممەت سوزگە شىقتى. الدىمەن ءسوز كەزەگىنە شىققان قازاقستاننىڭ مادەنيەت جانە اقپارات مينيسترى مۇحتار قۇلمۇحاممەت ەكى ەلدىڭ تاتۋ - ءتاتتى كورشى ەل ەكەنىن، ۇزاق جىلداردان بەرگى ديپلوماتيالىق بايلانىسىنىڭ قويۋ ەكەنىن، ەكى ەل باسشىلارىنىڭ شىنايى تۇرعىدا ىستەستىك جاساعانىن ايتا كەلە، بۇدان كەيىنگى ەكى ەلدىڭ مادەنيەت الماستىرۋ، ءار سالا جاقتاعى ىستەستىگى ودان ارمان كۇشەيەتىنە سەنىم ءبىلدىرىپ، جۇڭگو حالقىنا شىنايى سالەم ايتتى.

  بۇل جولعى كونسەرتكە قازاقستان رەسپۋبليكاسىنىڭ قۇرمانعازى اتىنداعى مەملەكەتتىك وركەسترى، قازاقستاننىڭ ەڭبەك سىڭىرگەن حالىق ءارتيسى بەكبولات تىلەۋحانوۆ، مايرا مۇحامەد قىزى قاتارلى دۇلدۇلدەر كەلىپ قاتىناستى، كونسەرتتىڭ باستالۋى قۇرمانعازى اتىنداعى مەملەكەتتىك وركەستردىڭ ورىنداۋىنداعى تۇركەشتىڭ كۇيى «كوڭىل اشارمەن» باستالىپ، بەكبولات تىلەۋحاننىڭ ورىنداۋىنداعى «سارى ارقا» جانە «اقتامبەردىنىڭ تولعاۋىمەن» جالعاسىپ، سوڭىندا مايرا مۇحامەد قىزىنىڭ قازاقتىڭ حالىق ءانى «گۇلدەر-ايىم» جانە حانزۋ تىلىندەگى «سۇيىكتى جۇڭگومەن» اياقتادى، زالعا جينالعان حالىق كونسەرتتىڭ كەرەمەتتىلىگىنە قايران قالىپ، تەبىرەندى.

  بۇل جولعى قازاقستان مادەنيەت اپتالىعى «قازاقستان ەرتە زامانعى اسىل قازىنالار كورگىزبەسى»، «قازاقستان كوركەمونەر توبىنىڭ ساۋىق كەشى» قاتارلى قيمىلداردى قامتىپ، جۇڭگونىڭ بەيجيڭ، شاڭحاي، ءۇرىمجى قالالارىن اينالىپ وتكىزىلمەك، بۇل ەكى ەل ديپلوماتيالىق قارىم - قاتىناس ورناتقاننان بەرگى ءبىر رەتكى كولەمدى مادەنيەت قيمىلى بولىپ، ەكى ەلدىڭ ىنتىماعىن جالعاستى كۇشەيتتى.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 
جاۋاپتى رەداكتورى : مۇحيت امانتاي ۇلى

 سۋرەت