بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

«ۇلى دالا قازىناسى» اتتى كورمە بەيجيڭدە وتكىزىلدى

2013.11.11 09:30   كەلۋ قاينارى : حالىق تورابى



  جۋىردان بەرى قازاقستاننىڭ جۇڭگوداعى مادەنيەت كۇندەرىنە وراي، بەيجيڭ، شاڭحاي، ءۇرىمجى قاتارلى قالالاردا قاتىستى شارالار وتكىزىلۋدە. مادەنيەت كۇندەرى اياسىندا بەيجيڭدەگى مەملەكەتتىك مۇراجايدا وتكىزىلىپ جاتقان «ۇلى دالا قازىناسى» اتتى كورمە قالىڭ جۇرتتىڭ قارسى الۋىنا بولەنۋدە. اتالعان كورمە 5-قاراشادا باستالعان، 15-قاراشادا اياقتالادى. تومەندە سىزدەردى كورمەنىڭ جاعدايىمەن تانىستىرۋ ءۇشىن، كورمەدەن تۇسىرىلگەن فوتوسۋرەتتەر مەن كورمە جايلى تۇسىندىرمەنى ۇسىنامىز:

  «ۇلى دالا قازىناسى» اتتى كورمە ەجەلگى زاماننان باستاپ بۇگىنگى كۇنگە دەيىنگى قازاق حالقىنىڭ تاريحىمەن، باي رۋحاني جانە ماتەريالدىق مادەنيەتىمەن، زەرگەرلىك جانە قولدانبالى ونەر تۋىندىلارىنىڭ ۇلگىلەرىمەن تانىستىرادى.

  كورمەنى ساقتاردىڭ «جانۋارلار ستيلىندەگى» زەرگەرلىك ونەرىنىڭ ۇزدىك تۋىندىسى بولىپ تابىلاتىن «التىن ادام» جادىگەرى ايشىقتايدى.

  الەمگە ايگىلى بولعان بۇل جادىگەر 1969-، 1970-جىلدارى الماتى قالاسى جانىنداعى ەسىك قورعانىنان بەلگىلى ارحەولوگ كەمال اقىشەۆتىڭ جەتەكشىلىگىمەن جۇرگىزىلگەن ارحەولوگيالىق زەرتتەۋلەر كەزىندە تابىلدى جانە تاۋەلسىز قازاقستاننىڭ سيمۆولىنا اينالدى.

  ساق جاۋىنگەرلەرىنىڭ التىن اشەكەيلەرى شامامەن ءبىزدىڭ زامانىمىزعا دەيىنگى IV-V عاسىرلاردا جاسالعان دەپ بولجانادى. «التىن ادامنىڭ» كيىمى ءتورت مىڭنان استام التىن اشەكەيلەردەن تۇرادى جانە ءارقيلى تەحنيكادا: قۇيۋ، سوعۋ، قالىپتاۋ، ناقىشتاۋ، تۇيىرشىكتەۋ، بەدەرلەۋ ادىستەرىمەن جاسالعان. بۇل اشەكەي زاتتار ەجەلدەن زەرگەرلىك ونەردىڭ جوعارى دەڭگەيدە دامىعانىن كورسەتە وتىرىپ، ءبىرىڭعاي كەمەلدى كومپوزيتسيانى قۇرايدى.

  «قازاق حالقىنىڭ ەتنوگرافيالىق بۇيىمدارى» بولىمىندە قازاقستان مۇراجايلارىندا ساقتاۋلى ۇلتتىق كيىمدەردىڭ ۇلگىلەرى، سونداي-اق، 19-، 20-عاسىرلاردا كۇمىستەن جاسالعان زەرگەرلىك بۇيىمدار قويىلعان.

  «قازاقستاننىڭ قازىرگى زامانعى ساندىك-قولدانبالى ونەرى» ءبولىمى ــ ەجەلگى قازاق زەرگەرلىك ونەرىنىڭ ءداستۇرىن جالعاستىرىپ كەلە جاتقان قازىرگى زامانعى شەبەر-زەرگەرلەردىڭ تۋىندىلارىن ۇسىنادى.

  جەكە بولىمدە ءداستۇرلى قولونەردىڭ كوركەمدىك-قولدانبالى جانە بەدەرلەۋ شەبەرلىكتەرىنىڭ الەمەتتەرىن ەسكەرە وتىرىپ ورىندالعان قازىرگى زامانعى ۇلتتىق كيىمدەردىڭ ۇلگىلەرى ۇسىنىلدى.

  جالپى كورمەدە التىننان جانە كۇمىستەن جاسالعان 400دەن استام بىرەگەي جادىگەرلەر قويىلعان.

  كەلۋ قاينارى: حالىق تورابى

【1】 【2】 【3】 【4】 【5】 【6】 【7】 【8】 【9】 【10】 【11】 【12】 【13】 【14】 【15】 
【16】 【17】 【18】 【19】 【20】 【21】 【22】 【23】 【24】 【25】 【26】 【27】 【28】 【29】 【30】 
【31】 【32】 【33】 【34】 【35】 【36】 【37】 【38】 【39】 【40】 【41】 【42】 【43】 【44】 【45】 
【46】 【47】 【48】 
جاۋاپتى رەداكتورى : نۇرعيسا قۇرمانجان ۇلى

 سۋرەت