شينحۋا تورابىنىڭ 25 – قاڭتاردا پاريجدان بەرگەن حابارى. فرانسيا زۇڭتۇڭى فرانسويس حوللاندە 25 – قاڭتاردا فرانسيا اقپارات اگەنتتىگى ارقىلى ۆالەريا تريەرۆەيلەرمەن ايىرىلىسقانىن جاريالادى.
فرانسيا اقپارات اگەنتتىگىنىڭ حابارلاۋىنشا، بۇل ءىس ونىڭ جەكەلىك تۇرمىسىنا قاتىستى بولعاندىقتان، حوللاندە مەملەكەت باسشىسىندىق سالاۋاتىمەن ەمەس، جەكە ءوز اتىنان: «مەن ۆالەريا تريەرۆەيلەرمەن بىرگە تۇرمىس كەشىرمەيتىن بولدىم»، - دەپ جاريالاعان.
بيىل 50 جاستاعى تريەرۆەيلەر كەزىندە فرانسياداعى ايگىلى ساياسي ءتىلشى بولعان، تەلەۆيزورلىق ساياسي پروگراممانى جۇرگىزگەن، «پاريج باسەكە سۋرەتتى جۋرنالىنىڭ» رەداكتورى بولعان. ول 2006 – جىلدان باستاپ حوللاندەمەن بىرلىكتە تۇرمىس كەشىرگەن، الايدا ەكەۋى ءالى نەكەلەنبەگەن. 2012 – جىلى حوللاندە فرانسيانىڭ زۇڭتۇڭى مىندەتىنە تاعايىندالعاننان بەرى، تريەرۆەيلەردى جۇرت «ءبىرىنشى حانىم» دەپ قابىلداپ كەلگەن.
بيىل 10 – قاڭتاردا فرانسيانىڭ «جۋىردا» اتتى جۋرنالى حوللاندەنىڭ جۋليا گايەت ەسىمدى ارتيس ايەلمەن ىلىك – شاتىسى بارلىعىن جاريالاعان. ىلە – شالا تريەرۆەيلەردىڭ جۇيكەسى جۇقارىپ، قان قىسىمى تومەندەپ، پاريجداعى ەمحانادا 10 كۇن ەمدەلگەن. ەمحانادان شىققاننان كەيىن ول ۆەرسالداعى زۇڭتۇڭ سارايىندا تىنىققان. وسەك – اياڭ تاراعاننان كەيىن حوللاندە «ءۇشىنشى جاقتىڭ» بار – جوقتىعىن راستاماعان، الايدا جارتى جىلدىڭ الدىنداعى تىلشىلەر جينالىسىندا ول تريەرۆەيلەرمەن اراداعى بايلانىسىنىڭ «بەينەتتى كەزەڭدە» تۇرعانىن مالىمدەگەن بولاتىن.
كەلۋ قاينارى: حالىق تورابى