ۋكراينانىڭ قىرىمداعى ەكى اسكەري ءبولىمى اسكەري لاگەردەن شەگىندى

2014.03.24 16:04   كەلۋ قاينارى : حالىق تورابى

　　شينحۋا تورابىنىڭ 22 – ناۋرىزدا كيەۆتەن بەرگەن حابارى. ۋكراينا قورعانىس مينيسترلىگىنىڭ اقپارات مەكەمەسى 22 – ناۋرىزدا مالىمدەمە جاريالاپ، رەسەيدىڭ ەرەكشە اسكەري ءبولىمى مەن «قىرىم قورعانىس اترەتىنىڭ» شابۋىلداۋىنا ۇشىراعاندىقتان، ۋكراينانىڭ قىرىمداعى ەكى اسكەري ءبولىمى لاجىسىزدان اسكەري لاگەردەن شەگىندىرىلدى،-دەدى.

　　ۋكراينا قورعانىس مينيسترى اقپارات مەكەمەسىنىڭ حابارلاۋىنشا، رەسەيدىڭ ەرەكشە اسكەري ءبولىمى مەن «قىرىم قورعانىس اترەتى» 22 – ناۋرىز كۇنى ۋكراينانىڭ 204 – ءنومىرلى اۋە قورعانىس اسكەري لاگەرىنە شابۋىلداعان. ءتورت BTR-80 ءتيىپتى اسكەري كولىكپەن قاقپانى ءبۇزىپ كىرىپ، اسكەري لاگەرگە وق اتقان، ءارى جاساۋراتقىش بومبا لاقتىرعان. بۇل بارىستا، ءبىر ءتىلشى مەن ءبىر ۋكراينالىق اسكەر جارالانعان.

　　كەلۋ قاينارى: حالىق تورابى