لي كىچياڭ: ماكرولىق تەڭشەۋدە جاڭالىق جاراتىپ، ەكونوميكالىق ارتۋدى ساقتايىق

2014.06.11 15:35   كەلۋ قاينارى : حالىق تورابى

　　گازەتىمىز 10 - ماۋسىمدا بەيجيڭنەن حابارلايدى. 10 - ماۋسىمدا ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جۇڭگو عىلىم اكادەمياسىنىڭ 17 - رەتكى اكادەميكتەر جينالىسىندا جانە جۇڭگو تەحنيكالىق عىلىمدار اكادەمياسىنىڭ 12 - رەكتى اكادەميكتەر جينالىسىندا ەكونوميكالىق جاعداي جونىندە بايانداما جاسادى.

　　لي كىچياڭ كەزەكتەگى ەكونوميكالىق جاعدايعا تەرەڭ تالداۋ جاسادى. ول بيىل جىل باسىنان بەرى ىشكى – سىرتقى ورتا اسا كۇردەلى بولىپ، قيىنشىلىقتار مەن ماسەلەلەر ءوزارا ارالاسىپ، بۇكىل ەل بويىنشا جوعارى مەن تومەن ورتاق قۇلشىنىپ، پارتيا ورتالىق كوميتەتىنىڭ جانە مەملەكەتتىك كەڭەستىڭ شەشىمدەرى مەن ورنالاستىرۋلارىن جاپپاي دايەكتىلەندىردى، ەكونوميكالىق اينالىم جالپى جاعىنان ورنىقتى، نەگىزگى كورسەتكىشتەر ۇيلەسىمدى كولەمدە بولدى، قۇرىلىمدىق رەتتەۋلەردە بەلسەندى وزگەرىستەر بولىپ، بازاردىڭ مەجەلى مەرزىمى سياقتى ءىشىنارا جاقتاردا ورنىقتى جاقسارۋ جاعدايى جارىققا شىقتى. ءبىراق مىنانى دا كورە ءبىلۋىمىز كەرەك: ەكونوميكانىڭ قۇلدىراۋ قىسىمى ءالى دە ءبىرشاما زور، جەر - جەردىڭ دامۋى بىركەلكى ەمەس، دامۋعا كەدەرگى بولىپ وتىرعان ءتيىمسىز فاكتورلار ءالى دە ءبىرشاما زور. وسىلاردى سەرگەكتىكپەن تانىپ جەتۋىمىز جانە ءداپ باسىپ مەڭگەرۋىمىز ءارى سەنىمدى بەكەمدەپ، سالماقتى بولىپ، ماكرولىق تەڭشەۋ ساياساتىنىڭ نەگىزگى باعىتىنا جالعاستى تاباندى بولۋىمىز ءارى وعان نەمقۇرايدى قاراماي، ماسەلەلەرگە تىكەلەي مامىلە جاساپ، جوسپارلاۋ مەن ونى ورىنداۋعا شەبەر بولىپ، ماكرولىق تەڭشەۋ وي جەلىسىندە جانە تاسىلىندە ۇزدىكسىز جاڭالىق جاراتىپ، ساياساتتىق قۇرالداردى ارتتىرىپ، ساياساتتىڭ ءوزارا ۇشتاسۋىن ساپالىلاندىرىپ، وڭىرلىك تەڭشەۋگە تاباندى بولۋ بارىسىندا باعىتتامالى تەڭشەۋگە اناعۇرلىم ءمان بەرىپ، اينالىمداعى كورنەكتى ماسەلەلەردى تەڭشەۋدىڭ «نىساناسى» ەتىپ، ءدال، دەركەزىندە، لايىقتى بولۋ جاعىندا قۇلشىنىستار جاساپ، الدىن الا بولجاپ، الىس پەن جاقىندى ۇشتاستىرىپ، حاۋىپ - قاتەردىڭ الدىن الىپ، ەكونوميكالىق اينالىمنىڭ ۇيلەسىمدى بولۋىنا كەپىلدىك ەتۋ كەرەك. رەفورمانى، قۇرىلىمدى رەتتەۋدى، حالىق تۇرمىسىنا يگىلىك جاراتۋدى قوزعاۋشى كۇش ەتۋگە تاباندى بولىپ، ساياساتتىڭ ناقتى ونىمىن ساۋلەلەندىرىپ، تۇتاس جىلداعى ەكونوميكالىق، قوعامدىق دامۋ نىسانا - مىندەتتەرىنىڭ ورىندالۋىنا شىنايى كەپىلدىك ەتۋ كەرەك.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى