- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«28 - قازان» زورلىقتى كۇش لاڭكەستىك شابۋىلداۋ دەلوسى جونىندە 1 - سوتتا اشىق ۇكىم شىعارىلدى
2014.06.17 15:16 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 16 - ماۋسىمدا ۇرىمجىدەن بەرگەن حابارى. شينجياڭ ءۇرىمجى قالالىق ورتا دارەجەلى حالىق سوتى مەكەمەسى بەيجيڭدەگى «28 - قازان» زورلىقتى كۇش لاڭكەستىك شابۋىلداۋ دەلوسى جونىندە 16 - ماۋسىمدا 1 - سوتتا اشىق ۇكىم شىعارىپ، لاڭكەستىك ۇيىم ۇيىمداستىرۋ جانە وعان باسشىلىق ەتۋ قىلمىسى، قاتەرلى تاسىلمەن الەۋمەتتىك اماندىقتى ءبۇلدىرۋ قىلمىسى سىندى بىرنەشە قىلمىستى بىرىكتىرىپ جازالاۋ بويىنشا، ايىپكەر ۇسەنجان وشۇرعا، ءۇيسىپ ومارنيازعا، ءۇيسىپ احىمەتكە جەكە - جەكە ءولىم جازاسى ۇكىم ەتىلىپ، ساياسي ۇقىقتارىنان ماڭگىلىك ماقرۇم ەتىلدى؛ لاڭكەستىك ۇيىمعا قاتىناسۋ قىلمىسى، قاتەرلى تاسىلمەن الەۋمەتتىك اماندىقتى ءبۇلدىرۋ قىلمىسى سىندى بىرنەشە قىلمىستى بىرىكتىرىپ جازالاۋ بويىنشا، ايىپكەر گۇلنار توحتىنيازعا، بۇجاننات ابدىقادىرعا جەكە - جەكە مەرزىمسىز قاماۋ جازاسى جانە 20 جىلدىق مەرزىمدى قاماۋ جازاسى ۇكىم ەتىلدى؛ لاڭكەستىك ۇيىمعا قاتىناسۋ قىلمىسى بويىنشا توقتى ماحىمەتكە، تۇرسىنجان ابىلەزگە، ابىلا نيازعا جەكە - جەكە 10 جىلدا 5 جىل ارالىعىندا مەرزىمدى قاماۋ جازاسى ۇكىم ەتىلدى.
سوتتا تەرگەۋ ارقىلى مىنالار انىقتالدى: 2011 - جىلدان باستاپ، ايىپكەر ۇسەنجان وشۇر، ءۇيسىپ ومارنياز، ءۇيسىپ احىمەت وسمان اسەن سياقتىلارمەن استاسىپ، زورلىقتى كۇش لاڭكەستىك ارەكەتىن اتقارۋدى ماقسات ەتىپ، ادام توپتاپ، بىرتە - بىرتە لاڭكەستىك ۇيىمىن قالىپتاستىرعان.
2012 - جىلى جەلتوقساننان 2013 - جىلى قىركۇيەككە دەيىن، ايىپكەر ۇسەنجان وشۇر، ءۇيسىپ ومارنياز، ءۇيسىپ احىمەت وسمان اسەن سياقتىلارمەن بىرگە جەر - جەردەن قارۋ - جاراق جانە جارىلعىش زات قاراستىرىپ، زورلىقتى كۇش لاڭكەستىك دىبىس، بەينە جازبالارىن كورىپ، توپتاسىپ سەرت بەرىپ، بەيجيڭدە قوپارىلىس تۋدىرۋ، ادام ءولتىرۋ سياقتى لاڭكەستىك ارەكەتتەر وتكىزۋ قاستىعىن سايلاعان.
2013 - جىلى 7 - قازاندا ۇسەنجان وشۇر، ءۇيسىپ احىمەت سياقتى 4 ايىپكەر وسمان اسەن، گۇلقىز عىني، كۋانحان رايىمدارمەن بىرگە اۆتوكولىك ايداپ بەيجيڭگە بارعان، ايىپكەر ءۇيسىپ ومارنياز قاتارلىلار دا ىلە - شالا جەتىپ، ولارمەن باس قوسقان، سونداي - اق قارجى توپتاپ، اۆتوكولىك، بەنزين، قانجار، ۋلانۋدان ساقتانۋ تۇمىلدىرىعى سياقتى دەلو تۋدىرۋ سايماندارىن ساتىپ الىپ، تيان - انمىن الاڭىن كوپ رەت شيىرلاپ، دەلو تۋدىرۋ ورنىن تاڭداعان.
28 - قازان ساعات 12 مولشەرىندە وسمان اسەن قاتارلى 3 ادام دالالىق اۆتوكولىكتى ايداپ، تيان - انمىن الاڭىنا كىرىپ، جۇرگىنشىلەردى الدى - ارتىنا قاراماي سوعادى، دەلودا جازىقسىز 3 بۇقارا ءولىپ، 39 ادام جارالانادى. وسمان اسەن، گۇلقىز عىني، كۋانحان رايىم سول مايداندا ولەدى.
حالىق سوتى مەكەمەسى ماتەريالدىق سىپات، جازبا سىپات، كۋاگەردىڭ كۋالىك ءسوزى، زيانكەستىككە ۇشىراۋشىنىڭ پايىمداۋى، ايىپكەردىڭ مويىنداۋى، تەكسەرىپ تۇراقتاندىرۋ پىكىرى، دىبىس، بەينە ماتەريالدارى سياقتى سىپاتتارعا نەگىزدەلىپ، جوعارىداعىداي ۇكىم شىعاردى.
سوتتاۋ بارىسىندا ارىز - شاعىم ايىپكەردىڭ ءوز ءتىل - جازۋىندا جۇرگىزىلىپ، ايىپكەردىڭ ءتۇرلى ارىز - شاعىم ۇقىعى زاڭ بويىنشا تولىق قامتاماسىزداندىرىلدى. ايىپكەر تاپسىرعان جانە حالىق سوتى مەكەمەسى بەلگىلەگەن ادوۆوكاتتار سوتتا ايىپكەرلەردى اقتادى، ايىپكەرلەر ايىپتاۋ ورگانىنىڭ ايىپتاعان قىلمىس فاكتى جونىندە ءوزىن اقتادى. ايىپكەرلەردىڭ تۋىس - تۋعاندارىن قامتىعان ءار سالادان كەلگەن 400 نەشە ادام سوت ۇكىمىن سىرتتاي تىڭدادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
