- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭداعى 7 رەتكى زورلىقتى كۇش لاڭكەستىك دەلوسىنا قاتىستى 13 ادامعا ءولىم جازاسى اتقارىلدى
2014.06.17 15:09 كەلۋ قاينارى : ءتاڭىرتاۋ تورابى
ەڭ جوعارى حالىق سوتى مەكەمەسىنىڭ تەكسەرىپ بەكىتۋىمەن، شينجياڭداعى اقسۋ، تۇرپان، حوتان سياقتى 3 جەردەگى ورتا حالىق سوتى مەكەمەلەرى لاڭكەستىك ۇيىم قۇرۋ، وعان باسشىلىق ەتۋ، قاتىناسۋ قىلمىسىمەن، قاساقانا كىسى ءولتىرۋ قىلمىسىمەن، ءورت قويۋ قىلمىسىمەن، جارىلعىش زاتتاردى زاڭسىز تۇردە جاساۋ، ساقتاۋ، تاسۋ قىلمىسىمەن، ۇرلىق ىستەۋ قىلمىسىمەن 7 دەلوداعى احمەتنياز سىدىق، ابدۇجىلىل ءماتناسىر قاتارلى 13 قىلمىسكەرگە زاڭ بويىنشا ءولىم جازاسىن اتقاردى.
7 دەلودا، 13 قىلمىسكەر جەكە - جەكە لاڭكەستىك ۇيىم قۇرىپ، وعان باسشىلىق ەتىپ، قاتىناسىپ، زورلىقتى كۇش لاڭكەستىك شابۋىلىن جوسپارلاپ جانە تۋدىرىپ، حالىق ساقشىلارىن، كادرلاردى جانە بەيكۇنا بۇقارانى قاتىگەزدىكپەن ءولتىرىپ، حالىق جۇرتشىلىعىنىڭ ءومىرى مەن مال - مۇلكىنە اۋىر زيان سالىپ، الەۋمەتتىك حاۋىپسىزدىككە اۋىر قاتەر ءتوندىردى.
حالىق سوتى مەكەمەسىنىڭ تەكسەرىپ انىقتاۋىمەن، 2013 - جىلى 26 - ماۋسىمدا احمەتنياز سىدىق، ابدوللا سىراپىل، يبىراھيم ءالي قاتارلى 3 ايىپكەر لاڭكەستىك ۇيىم مۇشەلەرىن ۇيىمداستىرىپ جانە ولارعا باسشىلىق ەتىپ، ىلگەرىندى - كەيىندى ءپىشان اۋدانى لۇكچۇن قالاشىعىنداعى ساقشى بولىمشەسىنە، مەيمانحاناعا، ەرەكشە مىندەت وتەيتىن ساقشى اترەتىنە، قالاشىق ۇكىمەت عيماراتىنا، شاشتارازحاناعا، بەيقۇت ءۇي سالىپ حالىقتى اۋقاتتاندىرۋ ينجەنەرياسىنىڭ قۇرىلىس ورنىنا، ونەركاسىپ - ساۋدا اكىمشىلىك باسقارۋ بولىمشەسىنە، قالاشىق ۇكىمەتتىڭ تۇرعىندار اۋلاسىنا شابۋىل جاساپ، نەگىزگى ساتى حالىق ساقشىلارى مەن بەيكۇنا بۇقارادان 24 ادامدى ءولتىرىپ، 23ادامدى جارالادى ءارى ۇكىمەتتىڭ جانە جەكەلەردىڭ مال - مۇلكىنە دە اۋىر زيان سالدى. حالىق سوتى مەكەمەسى زاڭ بويىنشا وسى 3 ادامدى ءولىم جازاسىنا ۇكىم ەتتى.
حالىق سوتى مەكەمەسىنىڭ تەكسەرىپ انىقتاۋىمەن، 2012 - جىلى اقپاندا ابدۇجىلىل ءماتناسىر ءدىني ۇشقارى يدەيانىڭ ىقپالىنا ۇشىراپ، لاڭكەستىك ۇيىمعا مۇشە بولىپ، وسى ۇيىمنىڭ زاڭسىز ءدىني قيمىلدارىنا جانە زورلىقتى كۇش لاڭكەستىك جاتتىعۋىنا قاتىناسقان؛ 2012 - جىلى مامىردا قىلمىسكەر ابدۇجىلىل ءماتناسىر ۇيىمدىق باسقارۋعا باعىنباي، ۇيىمنان شەگىنبەك بولعان 2 مۇشەنى لاڭكەستىك ۇيىمنىڭ مۇشەلەرىمەن بىرلەسىپ ولتىرگەن، اۋىل كادرلارىن استىرتىن ءولتىرۋ ارەكەتىن جوسپارلاعان ءارى تۋدىرعان، ايتسە دە ماقساتىنا جەتە الماعان؛ 2012 - جىلى ماۋسىم ايىندا ابدۇجىلىل ءماتناسىر لاڭكەستىك ۇيىمنىڭ بۇيرىعى بويىنشا جارىلعىش جابدىق جاساپ ءارى ازىرلەپ، زاڭسىز شاريعات وقىتۋ ورنىنداعى ءبىر بالانى ءولتىرىپ، 17 بالانى جارالاعان. حالىق سوتى مەكەمەسى ابدۇجىلىل ءماتناسىردى ءولىم جازاسىنا ۇكىم ەتتى.
دەلو تەكسەرىلۋ بارىسىندا، ءار دارەجەلى حالىق سوتى مەكەمەسى ايىپكەردىڭ اقتالۋ ۇقىعىن، ءوز ۇلتىنىڭ ءتىل - جازۋىنان پايدالانىپ ارىز - شاعىم ايتۋ ۇقىعىن، جوعارىعا ارىزدانۋ ۇقىعىن جانە ارىز - شاعىمعا قاتىناساتىن باسقا ادامداردىڭ ارىز - شاعىم ايتۋ ۇقىعىن زاڭ بويىنشا تولىق قامتاماسىزداندىردى.
اۆتونوميالى رايوندىق جوعارى حالىق سوتى مەكەمەسىنىڭ قاتىستى جاۋاپتىسى بىلاي دەدى: اۋىر زورلىقتى كۇش لاڭكەستىك قىلمىسكەرلەرىنە زاڭ بويىنشا ءولىم جازاسىن اتقارۋ ءار ۇلت حالقىنىڭ ۇنىنە اڭىس قايتارىپ، قىلمىسكەرلەردىڭ ساعىن سىندىرىپ، پارتيا مەن ۇكىمەتتىڭ زورلىقتى كۇش لاڭكەستىك قىلمىستارىنا سوققى بەرۋدەگى باتىل سەنىمىن ايگىلەدى. رايونىمىزداعى سوتتاۋ ورگاندارى سوتتاۋ رولىن تولىق ساۋلەلەندىرىپ، زاڭ قارۋىنان پايدالانىپ، زورلىقتى كۇش لاڭكەستەرىن قاتاڭ جازالاپ، زاڭنىڭ بەدەلىن، ادىلدىك پەن اقيقاتتى قورعاپ، قوعامنىڭ جاراسىمدىلىعى مەن ورنىقتىلىعىن قامتاماسىزداندىرا بەرەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
