شاتتىققا شومعان ىلە

2014.08.19 14:03   كەلۋ قاينارى : حالىق تورابى

　　تامىزدىڭ 18 - كۇنى بايتاق ىلە شاتتىققا شومدى. قۇلجا قالاسىندا وسى كۇنى ىلە قازاق اۆتونوميالى وبلىسىنىڭ قۇرىلعانىنا 60 جىل تولعانىن قۇتتىقتاۋ جەلىلەس قيمىلى سالتاناتپەن وتكىزىلدى. تۇستەن بۇرىن ساعات 7 جارىمدا قۇلجا قالاسىنىڭ اقىمەتجان جولىندا، ازاتتىق باتىس جولىندا، مارقابات جولىندا، شينحۋا باتىس جولىندا مىڭداعان ادام كوشە ارالاپ ويىن نومىرلەرىن ورىنداپ، وبلىستىڭ 60 جىلدىق مەرەي تويىنا تىلەك ءبىلدىردى، ايبىندى شەرۋشى توپ قالانىڭ ءسانىن اسىردى. ساعات 8 جارىمدا قۇلجا قالاسىنىڭ كەمپىرقوساق الاڭى كورەرمەن قاۋىمعا لىق تولدى، وسىدان سوڭ تارتىمدى ادەبيەت - كوركەمونەر نومىرلەرى ورىندالىپ، مەرەكەنىڭ مەرەيى ارتا ءتۇستى. ساعات 10 دا قۇلجا قالاسىنىڭ مۋزىكا الاڭىندا ءار ۇلت، ءار سالانى قامتىعان 60 جۇپ جۇباي توپتىق ۇيلەنۋ سالتىنا قاتىناسىپ، ماحابباتتارىمەن ىلەگە باقىت تىلەدى. وبلىسىمىزدىڭ مەرەي تويىنا قۇتتى بولسىن ايتامىز!

　　(«ىلە كەشى» گازەتىنەن)