حالىق گازەتىنىڭ 15-قازاندا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 15-قازان تۇستەن بۇرىن بەيجيڭدە ادەبيەت-كوركەمونەر قىزمەتى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى باسا دارىپتەدى، ادەبيەت-كوركەمونەر داۋىرلىك العا باسۋدىڭ ۇرانى، ول ءبىر ءداۋىردىڭ بەينەسىنە ۋاكىلدىك ەتەدى ءارى ءبىر ءداۋىردىڭ سالتىنا جەتەكشىلىك ەتەدى. «ەكى 100 جىلدىق» كۇرەس نىساناسىن، جۇڭحۋا ەلىنىڭ ۇلى گۇلدەنۋى سىندى جۇڭگو ارمانىن ورىنداۋدا ادەبيەت-كوركەموردىڭ ورنىن وگەيسىتۋگە بولمايدى، ادەبيەت-كوركەمونەرشىلەردەن زور ءۇمىت كۇتۋگە بولادى. قالىڭ ادەبيەت-كوركەمونەرشىلەر ادەبيەت-كوركەمونەردىڭ ورنى مەن رولىن، وزدەرىنىڭ ارقالاعان تاريحي بورىشى مەن جاۋاپكەرشىلىگىن وسىنداي بيىك مارەدەن تانۋى، حالىقتى وزەك ەتۋ سىندى جاسامپازدىق باعىتىندا تاباندى بولىپ، ءداۋىردىڭ ءۇمىتىن اقتايتىن اناعۇرلىم كوپ تاڭداۋلى تۋىندىلاردى جاراتۋعا قۇلشىنىپ، جۇڭگو رۋحىن ساۋلەلەندىرىپ، جۇڭگونىڭ كۇش-قۋاتىن توپتاپ، بۇكىل ەلدەگى ءار ۇلت حالقىن جالىندى جىگەرمەن بولاشاققا قادام تاستاۋعا شابىتتاندىرۋى ءتيىس.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى