جۇڭگو مەن رەسەيدىڭ ناقتىلى سەلبەستىگىنىڭ دارەجەسىن جوعارىلاتۋدى تىزە قوسا وتىرىپ ىلگەرىلەتىپ، جۇڭگو مەن رەسەيدىڭ جالپى بەتتىك ستراتەگيالىق سەلبەستىك، سەرىكتەستىك قاتىناسىنىڭ ءمانىن كۇشەيتۋدى ءبىر اۋىزدان قۇپتادى.
گازەتىمىزدىڭ تىلشىلەرى ۋ يۋەجۇن، چىن شاۋۋىي، شيە ياحۇڭدار 13-قازاندا ماسكەۋدەن حابارلايدى. مەملەكەتتىك كەڭەستىڭ زۇڭليى لي كىچياڭ جەرگىلىكتى ۋاقىت 13-قازان تۇستەن كەيىن ماسكەۋدە رەسەيدىڭ زۇڭليى مەدۆەدەۆپەن بىرلىكتە جۇڭگو-رەسەي زۇڭليلارىنىڭ 19-رەتكى مەرزىمدى كەزدەسۋىن باسقاردى. ەكى ەل زۇڭليلارى ناقتىلى سەلبەستىك جونىندە ىشكەرىلەي كەڭەس وتكىزىپ، جۇڭگو-رەسەي گۋمانيتارلىق سەلبەستىگى كوميتەتى، جۇڭگو-رەسەي زۇڭليلارىنىڭ مەرزىمدى كەزدەسۋ كوميتەتى، جۇڭگو-رەسەي قارجىلاندىرۋ سەلبەستىك كوميتەتى، جۇڭگو-رەسەي ەنەرگيا سەلبەستىگى كوميتەتى سىندى 4 سەلبەستىك تەتىكتەرىنىڭ قىزمەت دوكلاتىن تىڭداپ، ەكى ەلدىڭ كەلەر باسقىشتاعى جالپى بەتتىك سەلبەستىگىن بىرلىكتە پلاندادى.
(جۇڭگو ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى