قوي جىلىنىڭ قىزىعى وسىندا

سۋرەتتەردى تۇسىرگەن: گۇلميرا داۋلەتبەك قىزى

2015.01.04 14:09   كەلۋ قاينارى : حالىق تورابى

　　گۇلميرا داۋلەتبەك قىزى حابارلايدى. مىناۋ قوڭىراۋلاپ جەتكەن قوي جىلىنىڭ قۇلىنداپ اتقان ءبىر تاڭىندا ياعىني 2015 - جىلى 1-قاڭتاردا، 2015 – جىلعى جۇڭگو دەنە تاربيە سيلىقتى بەلەتى مەملەكەتتىك بيىككە شىعۋ، دەنە شىنىقتىرۋ قيمىلى (كوكتوعاي بولىمشە مايدانى) جانە جۇڭگو سۋىق ۇيەك كوكتوعاي اۋداندىق قار – مۇز ساياحات مەرەكەسى كوكتوعاي اۋدانىندا وتكىزىلدى.

　　تابيعات انا كۇمىس تۇسكە ەنگەن كەڭ پەيىلى مەن قاتۋلى مىنەزى، دارقاندىعى مەن ايباتى سايما-ساي ءدانىشپان ىسپەتتى قىراۋلى قىستا، تاۋ دالاسىن اق مامىق قار قىمتاعان تۇرعىن ساحاراسىندا، قاراتكول كولىنىڭ جاعاسى جازيرالى كوكتال جازىعىندا كوكتوعاي اۋداندىق 1-كەزەكتى قىزىقتى دا ءداستۇرلى ساياتشىلار مەرەكەسى، ات شانا جارىسى جانە التىن نەكەنى تويلاۋ، جاستاردىڭ توپتىق توي سالتى، 2015-جىلعى شينجياڭ سۋىق ۇيەك قار ۇستىندە ونەر كورسەتۋ اۆتوموبيىل جارىسى وتكىزىلىپ، ەگىنشى - مالشىلاردى ويىن قىزىعىنا باتىردى.

　　بۇل رەتكى قيمىلدا اتادان قالعان اسىل مۇرا، ۇلتىمىزدىڭ ماڭداي الدى بەگزادا ونەرى قۇسبەگىلىك پەن ات باپتاۋ، شانا جارىسى سىندى جارىستارىمەن قوسا، توپتىق توي، ۇلتتىق كيىم - ۇلگىلەرىن كورسەتۋ، بايىرعى قار شاڭعىمەن سىرعاناۋ قاتارلى قيمىلداردى وتكىزدى.

　　كوكتوعاي اۋدانى «ساياحاتتى قۇدىرەتتەندىرىپ، شارۋاشىلىق ارقىلى حالىقتى اۋقاتتاندىرۋ» دامۋ ستراتەگيالىق جوباسىن بار كۇشپەن اتقارۋ ارقىلى، كوكتوعاي اۋدانى ساياحات ىستەرىن دامىتۋدىڭ دەڭگەيى مەن ورەسىن ۇزدىكسىز جوعارىلاتىپ، ىلگەرىندى – كەيىندى «جۇڭگوداعى ەرەكشە مادەنيەتكە يە ەكولوگيا ساياحات اۋدانى»، «جۇڭگوداعى تاستى تاماشالايتىن ورىن» قاتارلى ماراپاتتارعا يە بولسا، كوكتوعاي AAAAA دارەجەلى كورىنىس رايونى مەملەكەتىمىزدەگى 13 كورىنىس رايوننىڭ ىشىندەگى «2014 – جىلى ەڭ ۇزدىك ەكولوگيا ساياحات دەمالاتىن ورىننىڭ» ءبىرى بولىپ باعالاندى.

　　كەلۋ قاينارى: حالىق تورابى