سۋرەتتى اڭگىمە: جولاۋشىلار تاماعىن جاساۋ بارىسى

2016.02.23 15:15   كەلۋ قاينارى : حالىق تورابى

　　حالىق تورابى، 23 – اقپان، بەيجيڭ. ءتىلشى 21 – اقپان كۇنى شيامىن اۆياتسيا فۋجوۋ بولىمشە سەرىكتىگىنىڭ تاماق دايىنداۋ بولىمىنە بارىپ، ۇشاقتاعى جولاۋشىلار تاماعىن جاساۋدىڭ تۇتاس بارىسىن ەستەلىككە الدى. تاڭەرتەڭ ساعات 8دە تاماق دايىنداۋ ءبولىمنىڭ قىزمەتكەرلەرى كيىم الماستىرۋ بولمەسىنە كىرىپ، اق قالەتتەرىن كيىپ، ماسكىلارىن تاعىنىپ، اياق كيىمدەرىن الماستىرىپ، ديزەنفەكسيالاۋ بولمەسىنە كىرىپ، قولدارىن ديزەنفەكسيالاعاننان كەيىن، تاماق جاساۋ ۇيىنە كىرەدى. ادام نانعىسىز...بۇل بولمەنى تاماق جاساۋ ءۇيى دەگەننەن كورى، تاجىربيەحانا دەگەن جاقسىراق شىعار.

　　ادەتتەگى اسحانالاردىڭ تاماعىمەن سالىستىرعاندا، ۇشاق تاماعىن جاساۋ ءبىرشاما كۇردەلى بولىپ، تەكسەرۋدەن وتكەن تولىمدى شيكىزاتتار تۇرگە ءبولىنىپ، ءتۇر بويىنشا سۋىق ساقتاۋ قويماسىنا جەتكىزىلەدى. ونان سوڭ شيكىزات العاشقى قادامدا مانەرلەنەدى. توتە جەۋگە بولاتىن شيكىزاتتار مەن ىستەتىلەتىن ىدىس – اياقتاردىڭ بارلىعى ديزەنفەكسيالانادى. جاڭا عانا قازاننان ءپىسىرىلىپ شىققان تاماقتار دەركەزىندە تەمپەراتۋراسى تومەندەتىلىپ، ىلە – شالا قوراپتالىپ، سۋىق جەرگە قويىلادى. ۇشاق جەرگە قونا باستاعان كەزدە، قىزمەتكەرلەر تاماقتاردى تاماق جەتكىزەتىن كولىككە سالىپ، ۇشاققا جەتكىزىپ، ۇشاقتىڭ اسحانا ۇيىنە قويىپ ۇلگىرەدى.

　　كەلۋ قاينارى: حالىق تورابى