تۇركيا استاناسىندا تۋىلعان اۆتوكولىك جارىلىس شابۋىلىندا كەمىندە 27 ادام قازا بولدى

2016.03.14 13:33   كەلۋ قاينارى : حالىق تورابى

　　حالىق تورابى، 14 – ناۋرىز، بەيجيڭ. شينحۋا اگەنتتىگىنىڭ حابارلاۋىنشا، تۇركيا انكارا ولكەلىك ۇكىمەتى 13 – ناۋرىز كۇنى تۇركيا استاناسى انكارا قالاسىنىڭ ورتالىعىنداعى قىزىل اي الاڭىنداعى الەۋمەتتىك اۆتوبۋز بەكەتىندە سول كۇنى اۆتوكولىك جارىلىس شابۋىلى تۋىلىپ، كەمىندە 27 ادامنىڭ قازا بولىپ، 75 ادامنىڭ جارالانعانىن جاريالادى.

　　انكارا ولكەلىك ۇكىمەت جاريالاعان مالىمەتكە قاراعاندا، سول كۇنى ساعات 18دەن 35 مينۋت وتكەندە، انكارا قالاسىنىڭ ورتالىعىنداعى قىزىل اي الاڭى «سەنىم باقشاسىنىڭ» ماڭىنداعى اۆتوبۋز بەكەتىندە اۆتوكولىك جارىلىس شابۋىلى تۋىلىپ، كەمىندە 27 ادام قازا بولىپ، 75 ادام جارالانعان، جارالانعاندار سول ماڭداعى ەمحاناعا جەتكىزىلىپ ەمدەلگەن. ساقشى جاقتىڭ تەكسەرۋ ارەكەتى قازىر ورىستەتىلۋ ۇستىندە.

　　قوپارىلىس تۋىلعاننان كەيىن، تۇركيا ۇكىمەتى قۇتقارۋعا قولايلى بولۋ جانە ەكىنشى رەت تۋىلۋى مۇمكىن دەپ قارالعان قوپارىلىستا جارالانۋدان ساقتاندىرۋ ءۇشىن كوپ مولشەردەگى اسكەرلەر مەن ساقشىلاردى اتتانىسقا كەلتىرىپ، وقيعا تۋىلعان جەر مەن سول ماڭايدى قۇرساۋلاعان، ساقشى جاقتىڭ تىك ۇشاقتارى اۋەدەن شارلاۋ جۇرگىزگەن.

　　كەلۋ قاينارى: حالىق تورابى