شينجياڭدىق جىگىت حابىر حۋناندا «چىنجوۋ قالاسىنىڭ ءمورال ۇلگىسى» اتاعىنا يە بولدى

2016.03.22 15:50   كەلۋ قاينارى : حالىق تورابى

　　حالىق تورابى، 22 – ناۋرىز، بەيجيڭ. ءتاڭىرتاۋ تورابىنىڭ حابارلاۋىنشا، 21 – ناۋرىز كۇنى حۋنان ولكەسى چىنجوۋ قالالىق پارتكوم مەن حالىق ۇكىمەتى سۋعا ءتۇسىپ كەتكەن ايەلدى ەرلىكپەن قۇتقارعان شينجياڭدىق حابىر احمەتكە «چىنجوۋ قالاسىنىڭ ءمورال ۇلگىسى» اتاعىن بەردى.

　　31 جاستاعى حابىر حوتان ايماعى قاراقاش اۋدانى تۋايت اۋىلىنىڭ ادامى، قازىر ول چىنجوۋ قالاسىنداعى شينجياڭ ابىلاجان كاۋاپشىلىق شەكتى سەرىكتىگىنىڭ جۇمىسكەرى، 7 – ناۋرىز كۇنى ول سول جەردەگى جوۋ زوزو ەسىمدى جىگىتپەن بىرگە، 20 نەشە مەتر تەرەڭدىكتەگى سۋ كولشىكتەگى سۋعا ءتۇسىپ كەتكەن ايەلدى قۇتقارىپ، ەرلىگى ەل اۋزىندا قالعان.

　　ماراپاتتاۋ ماجىلىسىندە ۇيعۇرشا تاقيا كيگەن حابىر: «مەن تەك ءوزىم ىستەۋگە ءتيىستى كىشكەنتاي ءىستى ىستەدىم. بىرەۋ سۋدا جانتالاسىپ، كومەك سۇراپ جاتقاندا، كورە تۇرىپ قۇتقارماسام بولا ما، قانشا قاتەرلى بولسا دا قۇتقارۋىم كەرەك قوي، بۇل مەنىڭ جاۋاپكەرشىلىگىم»، - دەدى.

　　كەلۋ قاينارى: حالىق تورابى