حالىق تورابى، 16 – جەلتوقسان، بەيجيڭ. 15 – جەلتوقسان كۇنى، UFC سايىس شەبەرى جۇمابەك تۇرسىن ۇلى MMA ءتۇرى بويىنشا كۇنلۇن سايىسىنداعى تۇڭعىش رەتكى جارىسىن وتكىزدى، تالاي بەلەستى باعىندىرعان ءتاڭىرتاۋ بارىسى ــ جۇمابەكتىڭ قارسىلاسى ارقاسى جەرگە تيمەگەن گرۋزيالىق سايىس شەبەرى پاتا روباكيدزە ەدى. سايىس باستالا سالىپ، پاتا روباكيدزە سۇراپىل شابۋىلعا ءوتىپ اۋىر سوققىلار جىبەردى، جۇمابەك سايىس تاجىريبەسىنە سۇيەنىپ، وتە بايسالدىقپەن قارسىلاسىنان قورعانا ءبىلدى.
العاشقى راۋندتا قارسىلاسىنىڭ قارىمىن مۇقيات بايقاعان جۇمابەك، ەكىنشى راۋندتان باستاپ شابۋىلعا ءوتتى، ءبىر نەشە اۋىر سوققىلارىن قارسىلاسىنا ءدال دارىتتى. ءبىر كەزەك ارپالىستان كەيىن، جۇمابەكتىڭ ءبۇيىر تۇستان سەرپىگەن اۋىر تەپكىسى قارسىلاسىنا ءدال ءتيىپ، قارسىلاسى پاتا روباكيدزە ەس – تۇسىن بىلمەي قالدى، سونىمەن ەكىنشى راۋندتا 2 مينۋت 19 سەكۋند ۋاقىت جۇمساپ، جۇمابەك قارسىلاسىن نوكاۋدقا جىبەردى. وسىلايشا، جۇمابەكتىڭ MMA ءتۇرى بويىنشا كۇنلۇن سايىسىنداعى تۇڭعىش كەزەك جارىسى جەڭىسپەن اياقتالدى.
كەلۋ قاينارى: حالىق تورابى