حالىق تورابى، 3 – قاڭتار، بەيجيڭ. تۇركيا «ەركىندىك گازەتىنىڭ» حابارلاۋىنشا، ۇشقارى ۇيىم __ «يسلام مەملەكەتى» 2 – قاڭتار كۇنى مالىمدەمە جاريالاپ، 1 – قاڭتار كۇنى تاڭعا جاقىن ستامبولداعى تۇنگى كلۋبتا تۋىلعان لاڭكەستىك شابۋىلعا جاۋاپتى ەكەنىن جاريالادى.
1 – قاڭتار تاڭعا جاقىن، قولىنا قارۋ العان جەندەت ستامبول قالا ورتالىعىنداعى «رەينا» اتتى تۇنگى كلۋبقا باسا كوكتەپ كىرىپ، جاڭا جىلدى تويلاپ جاتقان نەشە ءجۇز ادامعا وق جاۋدىرىپ، سوڭىنان قاشىپ كەتكەن. بۇل رەتكى لاڭكەستىك شابۋىلدا 39 ادام قازا بولىپ، 69 ادام جارالانعان، مۇنىڭ ىشىندە 4 ادامنىڭ جاراقاتى اۋىر بولعان. قازىر ساقشىلار جەندەتتى ۇستاۋ ءۇشىن كەڭ كولەمدە ءتىنتۋ جۇرگىزۋدە.
كەلۋ قاينارى: حالىق تورابى