2017 – جىلعى التاي دۇنيە جۇزىلىك جاپان تۇزدەن ءوتۋ جارىسى وتكىزىلدى

2017.06.07 14:37   كەلۋ قاينارى : حالىق تورابى

　　حالىق تورابى، 7 – ماۋسىم، بەيجيڭ. ءتاڭىرتاۋ تورابىنىڭ حابارلاۋىنشا، 2017 – جىلعى التاي دۇنيە جۇزىلىك جاپان تۇزدەن ءوتۋ جارىسى 5 – ماۋسىمدا قاناس كورىنىس رايونىندا باستالدى. 16 مەملەكەتتەن كەلگەن 170كە جۋىق سپورتشى سىناققا تولى جارىسقا قاتىناستى.

　　بۇل كۇندىز بەن تۇندە ءۇزىلىس جاسامايتىن جارىس، سول كۇنى ساعات 11دەن 15 مينۋتتا باستالىپ، 9 – ماۋسىم كۇنى ساعات 18دە اياقتايدى. جارىسقا قاتىناسقان سپورتشىلار بۇكىلدەي وزدەرى جول تاۋىپ، وزدەرىن – وزدەرى ازىقپەن قامداي وتىرىپ، 550 كيلومەترلىك جارىس جولىن ءجۇرىپ وتەدى، باتىس باعىتتان قاناس كولى كورىنىس رايونىنان شىعىسقا قاراي جولعا شىعىپ، التاي قالاسىنا كەلەدى، بۇل جولدىڭ جارىمىنان استامى تۇڭعىش رەت سىرتقا اشىق ۇستالىپ وتىر.

　　كورىكتى كورىنىس، كۇردەلى جەر بەدەرى 16 مەملەكەت پەن رايوننان كەلگەن ۇزدىك سپورتشىلاردى كەلىپ قاتىناسۋعا باۋرادى. جارىس جولىندا ەر – ايەلدەردەن قۇرام تاپقان 4 شاباندوز ءبىر گرۋپپا بولىپ، جاپان تۇزدە ءتۇرلى سىناقتاردان وتەدى، مۇندا جۇگىرۋ، ەسكەكتى قايىق ەسۋ، اعىنمەن قالقۋ، باعىتتامالى تۇردە جاپان تۇزدەن ءوتۋ، تاۋلى جەردە ۆەلوسيپەت ايداۋ، ارقانمەن سىرعۋ قاتارلى تۇرلەر قامتىلادى، جارىستىڭ تۇتاس جولىن باسۋعا 100 ساعاتتان ارتىق ۋاقىت كەتەدى.

　　كەلۋ قاينارى: حالىق تورابى