شينجياڭ التاي قالاسى پويەز قاتىناماۋ تاريحىنا قوش ايتتى

2017.06.12 14:12   كەلۋ قاينارى : حالىق تورابى

　　حالىق تورابى، 12 – ماۋسىم، بەيجيڭ. 10 – ماۋسىم ساعات 9دا، پويەز گۋدوگى داۋىسىمەن، سولتۇستىك شينجياڭ التاي ايماعىنان وڭتۇستىك شينجياڭ اقسۋ ايماعىنا قاتىنايتىن Ｋ9772／3 كەزەكتى جولاۋشىلار پويەزى التاي بەكەتىنەن جولعا شىقتى، سونىمەن شينجياڭنىڭ ەڭ سولتۇستىگىندەگى شاعىن قالا التاي قالاسى پويەز قاتىناماۋ تاريحىنا قوش ايتىپ، تەمىر جول تورابىنا رەسمي قوسىلدى.

　　ءۇرىمجى تەمىر جول مەكەمەسىنىڭ تانىستىرۋىنا قاراعاندا، شينجياڭ تەمىر جول تورابى جوسپارىنىڭ ماڭىزدى بولەگى رەتىندە، بەيتۇن – التاي تەمىر جولى وڭتۇستىكتە كۇيتۇن – بەيتۇن تەمىر جولىنا تۇتاسسا، شىعىستا سالىنۋ ۇستىندەگى التاي – كوكتوعاي – شىعىس جۇڭعار تەمىر جولىنا تۇتاسپاق. بەيتۇن – التاي تەمىر جولى بەيتۇن قالاسىنان جولعا شىققاننان كەيىن، بەيتۇن قالاشىعىن، ەرتىس وزەنىن، قىران وزەنىن باسىپ ءوتىپ التاي قالاسىنا جەتەدى، لەنيانىڭ جالپى ۇزىندىعى 67.05 كيلومەتر بولىپ، بۇكىل لەنيا بويىنشا بالباعاي بەكەتى مەن التاي بەكەتى سياقتى ەكى بەكەت قۇرىلعان.

　　كەلۋ قاينارى: حالىق تورابى