40 مىڭ جىلدىڭ الدىنداعى ادامزات جاساعان «ۇڭگىر مەكەن»

2017.08.22 15:15   كەلۋ قاينارى : حالىق تورابى

　　حالىق تورابى، 22 – تامىز، بەيجيڭ. 15 – تامىزدان 17 – تامىزعا دەيىن، جۇڭگو قوعامدىق عىلىم اكادەمياسى ارحەولوگيا زەرتتەۋ ورنى، جۇڭگو عىلىم اكادەمياسى ەرتە زامانعى ومىرتقالى جانۋارلار مەن ەرتە زامانعى ادامزاتتى زەرتتەۋ ورنى، بەيجيڭ ۋنيۆەرسيتەتى، جۇڭگو حالىق ۋنيۆەرسيتەتى، استانا پەداگوگيكا ۋنيۆەرسيتەتى قاتارلى عىلىمي زەرتتەۋ قۇرىلىمى مەن جوعارى مەكتەپتەردەن كەلگەن ماماندار جەمەنەي اۋدانىندا اۋليە ۇڭگىرى ەسكى جۇرتى قىزمەتى جيىنىن اشتى.

　　جۇڭگونىڭ باتىس سولتۇستىگىندەگى شينجياڭ جەمەنەي اۋدانى ساۋىر تاۋىنداعى «اۋليە ۇڭگىرىنەن» جۇڭگو ارحەولوگتارى 40 مىڭ جىلدىڭ الدىنداعى ادامزات جاساعان ەسكى جۇرت قالدىعىن بايقاعان. مامانداردىڭ ايتۋىنشا، اۋليە ۇڭگىرى ەسكى جۇرتى تۇڭعىش رەت شينجياڭنان بايقالعان كونە تاس قۇرالدار داۋىرىندەگى ۇڭگىرلى ەسكى جۇرت بولىپ، تىزبەگى انىق جينالعان، ءداۋىر اتتاۋ مەرزىمى ۇزاق بولىپ، شينجياڭ تاريحىنداعى ۇڭگىرلى ارحەولوگيانىڭ بوستىق ورنىن تولىقتاپ قالماستان، جۇڭگو كونە تاس قۇرالدار داۋىرىندەگى ۇلكەن بايقاۋ ەكەنىن، شينجياڭ وڭىرىندەگى 40 ~ 50 مىڭ جىلدىڭ الدىنداعى ەرتە زامانداعى ادامزاتتىڭ وزگەرۋ دامۋ بارىسىن ٴتۇسىنۋ، وڭىرلىك مادەنيەت دامۋ تاريحىن ايشىقتاۋدا ەرەكشە ءمان الاتىنىن اتاپ وتكەن. ەسكى جۇرت تابىلعان جاعراپيالىق ورىن مەن قازىپ الىنعان تيپتىك موست مادەنيەت جابدىقتارى ازيا – ەۆروپا قۇرلىعى شىعىس – باتىس ەكى جاعالاۋىنداعى تاريحتاعى ادامزاتتىڭ قونىس اۋدارۋى، قارىم – قاتىناس جاساۋى، تارالۋى قاتارلى ماسەلەلەردى ىشكەرىلەي زەرتتەۋدە ماڭىزدى دەرەكتەرمەن قامدادى.

　　كەلۋ قاينارى: حالىق تورابى