مايدانا دامۋ قىزىنىڭ كاسىپتەنۋى

2018.11.08 16:13   كەلۋ قاينارى : حالىق تورابى

　　سۋرەتتە: مايدانا دامۋ قىزى 11 – ايدىڭ 6 – كۇنى حىبەي ولكەسى شىجياجۋاڭ قالاسىنداعى عاسىرلىق شەبەرلىك اتىنداعى اعاش ويما قولونەرى شەبەرحاناسىندا سۋرەت سالۋدا.


　　حىبەي ولكەسى شىجياجۋاڭ قالاسىنداعى عاسىرلىق شەبەرلىك اتىنداعى اعاش ويما قولونەرى شەبەرحاناسىندا قوس بىلەگىنەن ايىرىلعان قازاق بويجەتكەن قيىستىرما اعاش تاقتاعا سۋرەت سالۋدا. ونىڭ ەسىمى مايدانا دامۋ قىزى، ول 21 جاستاعى اشىق جارقىن، ءوزىن الۋەتتەندىرگەن تىرىسشاڭ بويجەتكەن، قوس بىلەگىمەن ءوز ارمانىنىڭ اسەم سۋرەتىن سالۋدا. مايدانا دامۋ قىزى 6 ايلىق بولعان كەزىندە قوس قولى ءۇسىپ قالعان، اكەسىنىڭ قامقورلىعى مەن مەيىرى جانە مەيىربان جانداردىڭ كومەگىندە باستاۋىش مەكتەپ پەن ورتالاۋ مەكتەپتى تاۋىسقان. 2017 – جىلى 11 – ايدا مايدانا دامۋ قىزى وقىپ جاتقان شينجياڭ مۇگەدەكتەر كاسىپتىك ورتا تەحنيكۋم مەكتەبى ونى حىبەي ولكەسىندەگى عاسىرلىق شەبەرلىك اتىنداعى اعاش ويما قولونەرى شەبەرحاناسىنا كۋرسقا جىبەرەدى. ۇيرەنۋ مەزگىلىندە مايدانا دامۋ قىزى سۋرەت سالۋعا بۇكىلدەي جاڭا تانىم قالىپتاستىرىپ، بۇدان بىلاي كاسىپتىك سۋرەتشى بولۋعا بەل بايلايدى. 2018 – جىلى 6 – ايدا وقۋ تاۋىسقان مايدانا دامۋ قىزى كاسىپتىك شەبەرلىك باعالاۋىندا تولىمدى بولىپ، حىبەي ولكەسى شىجياجۋاڭ قالاسى عاسىرلىق شەبەرلىك اتىنداعى اعاش ويما قولونەرى شەبەرحاناسىنا جۇمىسقا قابىلدانادى. شينحۋا اگەنتتىگى (چىن چيباۋ فوتوسى)


　　كەلۋ قاينارى: حالىق تورابى