«ۇلتتار ادەبيەتى» جۋرنالى قازاقشا باسىلىمىنىڭ جازۋشى - اۋدارماشىلار كۋرسى جۇڭشان قالاسىندا وتكىزىلدى
2018.11.07 15:41 كەلۋ قاينارى : حالىق تورابى
حالىق تورابى، 11 - ايدىڭ 7 - كۇنى، بەيجيڭ. ورتالىقتان جارىق كورەتىن «ۇلتتار ادەبيەتى» جۋرنالىنىڭ قازاق تىلىندەگى باسىلىمىنىڭ وقىرماننىڭ كىتاپ سورەسىنەن ورىن العانىنا التى جىلدان استى، جۋرنالدىڭ ساپاسىن ۇزدىكسىز جوعارىلاتۋدى ماقسات ەتكەن رەداكسيا ۇجىمى جازۋشىلار مەن اۋدارماشىلارعا جىل سايىن قىسقا مەرزىمدىك كۋرس اشىپ، بىلىكتى مامانداردى ساباق بەرۋگە ۇسىنىس ەتۋمەن بىرگە، جازۋشىلار مەن اۋدارماشىلاردىڭ جۋرنالدى مۇنان دا ساپالى شىعارۋ جونىندەگى ورەلى ويلارىن ورتاعا سالۋىنا وراي جاراتىپ بەرۋدى ادەتكە اينالدىرعان بولاتىن. 2018 - جىلعى كۋرس گۇلگە ورانعان تۇستىك وڭىردە، سۇن جۇڭشان مىرزانىڭ اتا مەكەنى گۋاڭدۇڭ ولكەسى جۇڭشان قالاسىندا وتكىزىلدى.
كۋرستى ۇيىمداستىرۋدىڭ وڭاي – وسپاق جۇزەگە اسپايتىن شارۋا ەكەنى ايتپاي – اق تۇسىنىكتى. «بىتەر ءىستىڭ باسىنا، جاقسى كەلەر قاسىنا» دەمەكشى، ۇلتتار ادەبيەتى جۋرنال رەداكسياسى مەن ساياسي كەڭەس گۋاڭدۇڭ ولكەسى جۇڭشان قالالىق كوميتەتى تىزە قوسا ۇيىمداستىرعان يگى شارۋاعا گۋاڭدۇڭ - ىنشاڭ قور قوعامى زور قولداۋ كورسەتىپ، شاشاۋىن شىعارماي وتكىزۋدى ءوز مىندەتتەرىنە العان ەكەن. جۇڭگو از ۇلت جازۋشىلارى عىلمي قوعامى، گۋاڭدۇڭ ولكەسى جۇڭشان قالاسى ادەبيەت – كوركەمونەرشىلەر بىرلەستىگى، جۇڭشان قالالىق جازۋشىلار وداعى، جۇڭشان قالالىق حۋبەي ىنشى ساۋداگەرلەر قوعامى اتسالىسقان 2018 – جىلعى «ۇلتتار ادەبيەتى» قازاقشا باسىلىمىنىڭ جازۋشى - اۋدارماشىلار كۋرسى، بۇكىل ەلىمىزدەگى ءار ۇلت جازۋشىلارىنىڭ جۇڭشانداعى ساپارى، جۇڭشان قالالىق حۋبەي ىنشى ساۋداگەرلەر قوعامىنىڭ 3 – رەتكى ۇلتتىق مادەنيەت مەرەكەسى سىندى بىرنەشە قيمىل قاراشانىڭ 11 - ايدىڭ 3 - كۇنى شىمىلدىعىن اشتى.
جۇڭگو جازۋشىلار وداعى ءتوراعاسىنىڭ ورىنباسارى حى جيانميڭ، جۇڭگو جازۋشىلار وداعى ءتوراعالار القاسىنىڭ مۇشەسى، جۇڭگو از ۇلت جازۋشىلارى عىلمي قوعامى باستىعىنىڭ ۇنەمىلىك ىستەرگە جاۋاپتى ورىنباسارى يە مەي، جۇڭگو جازۋشىلار وداعى ءتوراعالار القاسىنىڭ مۇشەسى، حىنان ولكەلىك ادەبيەت – كوركەمونەرشىلەر بىرلەستىگىنىڭ ءتوراعاسى، حىنان ولكەلىك جازۋشىلار وداعىنىڭ ءتوراعاسى شاۋ لي، «ۇلتتار ادەبيەتى» جۋرنالىنىڭ باس رەداكتورى شى ينيڭ، گۋاڭدۇڭ ولكەلىك جازۋشىلار وداعى ءتوراعاسىنىڭ ورىنباسارى، جۇڭشان قالالىق ساياسي كەڭەس ءتوراعاسى چيۋ شۋحۇڭ، گۋاڭدۇڭ - ىنشاڭ قور قوعامىنىڭ القالار باستىعى، جۇڭشان قالالىق ىنشى ساۋداگەرلەر قوعامىنىڭ باستىعى لۋ يۇنچۋان، سونداي – اق، ەلىمىزدىڭ جەر – جەرىنەن كەلگەن ءىشىنارا از ۇلتتاردىڭ جازۋشىلارى مەن اۋدارماشىلارى، جۇڭشان قالالىق ساياسي كەڭەس مۇشەلەرى، گۋاڭدۇڭ - ىنشاڭ قور قوعامىنىڭ جارناگەرلەرى بولىپ جۇزگە جۋىق ادام 11 - ايدىڭ 3 - كۇنى وتكىزىلگەن اشىلۋ سالتىنا قاتىناستى.
يگى ءىستىڭ باستاماسىن «ۇلتتار ادەبيەتى» جۋرنالى رەداكتورىنىڭ ورىنباسارى چىن ياجۇن جۇرگىزدى. گۋاڭدۇڭ ولكەلىك جازۋشىلار وداعى ءتوراعاسىنىڭ ورىنباسارى، جۇڭشان قالالىق ساياسي كەڭەس ءتوراعاسى چيۋ شۋحۇڭ، «ۇلتتار ادەبيەتى» جۋرنالىنىڭ باس رەداكتورى شى ينيڭ، جۇڭگو جازۋشىلارى وداعى ءتوراعالار القاسىنىڭ مۇشەسى، جۇڭگو از ۇلت جازۋشىلارى عىلمي قوعامى باستىعىنىڭ ۇنەمىلىك ىستەرگە جاۋاپتى ورىنباسارى يە مەي، جۇڭگو ۇلتتار اۋدارما مەكەمەسى پارتكومىنىڭ شۋجيى لان جىچي، گۋاڭدۇڭ - ىنشاڭ قور قوعامىنىڭ القالار باستىعى، جۇڭشان قالالىق ىنشى ساۋداگەرلەر قوعامىنىڭ باستىعى لۋ يۇنچۋان، جۇڭگو جازۋشىلار وداعى ءتوراعاسىنىڭ ورىنباسارى حى جيانميڭ ءسوز كەزەگىندە ىستىق ىقىلاستى لەبىزدەرىن ءبىلدىردى. جازۋشى – اۋدارماشىلار اتىنان نۇراش ايتىكەن قىزى سوزگە شىعىپ، قاتىستى ورىندارعا راحىمەت بىلدىرە كەلە، ادەبيەت جانە اۋدارما جونىندەگى ءوز ويلارىن ورتاعا سالدى.
كۋرس رەسمي باستالعان سوڭ، جۇڭگو جازۋشىلار وداعى ءتوراعاسىنىڭ ورىنباسارى حى جيانميڭ «ادەبيەت پەن وسىزامانعى قوعام» اتىندا لەكسيا سويلەپ، ادەبي اۋدارمانىڭ ءمان – ماڭىزى جونىندە توقتالدى، قالامى قارىمدى جازۋشىنىڭ ەڭبەكتەرىن وزگە تىلدەگى وقىرمانعا ءوز دەڭگەيىندە جەتكىزۋدە اۋدارماشىنىڭ زور رول اتقاراتىنىن ايتا كەلىپ، وسى تۇرعىدان، ادەبي اۋدارماشىلاردىڭ مىندەتىنىڭ داڭقتى دا جاپالى بولاتىنىن، ۇنەمى ۇيرەنىپ، وي جۇگىرتىپ، وي ورەسىن ءوسىرىپ وتىرۋى قاجەت ەكەنىن ايتتى، ءىشىنارا جازۋشىلاردىڭ بۇگىنگى قوعامدىق جاعدايدى، شىنايى تۇرمىستى ىشكەرىلەي زەردەلەمەۋى سەبەبىنەن بۇگىنگى تاڭداعى قوعامدىق تاقىرىپتار تۋرالى قالام تەربەۋگە قارىمدارى جەتپەيتىنىنە سىن ايتتى. حىنان ادەبيەت – كوركەمونەرشىلەر بىرلەستىگىنىڭ ءتوراعاسى، حىنان جازۋشىلار وداعىنىڭ ءتوراعاسى شاۋ لي ءوزىنىڭ ۇزاق جىلدىق ادەبي جاسامپازدىق تاجىريبەلەرىنەن قورىتقان ادەبيەت جونىندەگى ورەلى ويلارىن نانىمدى مىسالدارمەن جەتكىزدى، ادەبي تۋىندىنىڭ ومىرشەڭدىك قۋاتىنا تىكەلەي ىقپال جاسايتىن فاكتورلاردى اتاپ ءوتتى. تانىمالى سىنشى، زەرتتەرمەن ساعيدوللا قابىش ۇلى پوەزيا جاسامپازدىعى جونىندە لەكسيا سويلەپ، جاس اقىنداردىڭ ولەڭدەرىنە ءوز تۇرعىسىنان تارتىمدى تالداۋ جۇرگىزدى، كۋرسانتتاردىڭ كوكەيىندە جۇرگەن سۇراۋلارىنا جاۋاپ قايتاردى، جۇڭگو ۇلتتار اۋدارما مەكەمەسى قازاق ءبولىمىنىڭ مەڭگەرۋشىسى باۋىرجان نۇرمولدا ۇلى ادەبي اۋدارما مەن ساياسي اۋدارما اراسىنداعى پارىق پەن اۋدارما بارىسىندا كوڭىل بولۋگە ءتيىستى تۇيىندەردى اتاپ ءوتتى. سوڭىنان جازۋشى – اۋدارماشىلار ادەبيەت پەن اۋدارما، «ۇلتتار ادەبيەتى» جۋرنالىنىڭ كەلەشەگى جونىندە كەلەلى كەڭەس وتكىزدى. كۋرس ارەدىگىندە «ۇلتتار ادەبيەتى» جۋرنالىنىڭ جازۋشى – اۋدارماشىلارى سۇن جۇڭشاننىڭ تۋعان جەرىندەگى تۇراعى سىندى جەرگىلىكتى مادەني ورىنداردى ەكسكۋرسيالاپ، جۇڭشان قالاسىنىڭ جاعدايىمەن تانىستى. ءۇش كۇن وتكىزىلگەن كۋرس تابىسپەن اياقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
