حالىق تورابى از ۇلت ءتىل - جازۋىنداعى نۇسقالارىنىڭ رەفورما جاساپ، ەسىك اشقان 40 جىلعا بايلانىستى جەلىلەس حابارلارى
جەڭىسگۇل نۇرداناقىن قىزى: قازاق كيىم – كەشەگىنىڭ ءداستۇرلى ۇلگىلەرىن ادەبي شىعارمالاردان ىزدەدىم
نۇرعيسا قۇرمانجان ۇلى
2018.11.01 14:28 كەلۋ قاينارى : حالىق تورابى
جەڭىسگۇل نۇرداناقىن قىزى (ورتادا)
ۇلتىمىزدىڭ بەيزاتتىق مادەنيەت مۇرالارىن ارداقتاپ، ۇرپاقتان – ۇرپاققا جالعاسقان بەگزات ونەرىمىزدىڭ جەلىسىن ۇزبەۋگە زور ەڭبەك ەتىپ جۇرگەن جەڭىسگۇل نۇرداناقىن قىزى تالاي ماراپاتتىڭ تورىنەن كورىنگەن تابىستى كاسىپكەر عانا ەمەس، بەيزاتتىق مادەنيەتتىڭ بەدەلدى مۇراگەرى، اتا مۇرانىڭ جوقتاۋشىسى مەن قورعاۋشىسىنىڭ ءبىرى. قازاقتىڭ ۇلتتىق كيىم – كەشەكتەرى مەن كيىز ءۇي مادەنيەتىنىڭ ءداستۇرلى ۇلگىلەرىنە مۇراگەرلىك ەتۋمەن بىرگە، ونى جاڭا زامانعا ساي دامىتىپ، الىس – جاقىنعا ايگىلى ەتىپ، ءار ۇلت جەلەكتىلەرىن كاسىپتەنۋگە جەبەگەن جەڭىسگۇل نۇرداناقىن قىزى بيىل مامىر ايىندا مەملەكەتتىك بەسىنشى توپتاعى بەيزاتتىق مادەني مۇرالاردىڭ ۋاكىلدىك نىسانى قازاق ۇلتتىق كيىم – كەشەكتەرىنىڭ ۋاكىلدىك مۇراگەرى بولىپ بەلگىلەندى، سونىمەن بىرگە، مامىر ايىنىڭ سوڭىندا مەملەكەتتىك مادەنيەت جانە ساياحات مەكەمەسى جاعىنان بەيزاتتىق مادەني مۇرالاردى قورعاۋ قىزمەتىندەگى ۇزدىك جەكە دەگەن داڭقتى اتاققا يە بولدى.
جەڭىسگۇل نۇرداناقىن قىزى 1998 – جىلى تۇراقتى قىزمەتىن تاستاپ، تاسبۇلاق اتىنداعى وتباسىلىق كيىم – كەشەك دۇكەنىن قۇرادى، كاسىپ كوزىن اشقان العاشقى كەزدەرى قارجىنىڭ تاپشىلىعى، تەحنيكا جاقتارىنداعى قيىنشىلىقتاردى جەڭە وتىرىپ، شاعىن عانا دۇكەندە اسقاق ارماننىڭ ساپارىنا قادام تاستايدى. وندىرگەن ۇلتتىق كيىم – كەشەكتەردىڭ ساپاسىن جوعارىلاتۋ جانە ءوزىنىڭ ءبىلىمىن تولىقتاۋ ماقساتىندا ءتۇرلى كىتاپتاردى اقتارىپ، ىسمەرلەردەن كەڭەس سۇراپ، قۇلشىنا ۇيرەنەدى، وسىنىڭ ارقاسىندا، 1999 – جىلى ىلە قازاق اۆتونوميالى وبلىستىق 12 – كەزەكتى اقىندار ايتىسىندا قازاق ۇلتىنىڭ كيىم – كەشەكتەرىن جوبالاۋ بويىنشا ءبىرىنشى دارەجەلى سيلىققا يە بولادى، 2001 – جىلى جەڭىسگۇل اتىنداعى ساۋدا ماركاسى مەملەكەتتىك ماركا مەكەمەسى جاعىنان ماقۇلدانىپ، وسى ماركاداعى ونىمدەرى تۇڭعىش كەزەكتى ەۆرازيا جىبەك جولى كيىم – كەشەك فەستيۆالىندا شينجياڭداعى ون ۇزدىك ۇلتتىق ماركانىڭ ءبىرى بولىپ باعالانادى. 2012 – جىلى تاسبۇلاق ۇلتتىق كيىم – كەشەك دۇكەنى قۇلجا قالاسى تاسبۇلاق ۇلتتىق كيىم – كەشەك شەكتى جاۋاپكەرشىلىك سەرىكتەستىگى بولىپ قۇرىلادى. قازاقتىڭ ۇلتتىق كيىم – كەشەكتەرىن، قولونەر بۇيىمدارىن جانە كيىز ءۇي مادەنيەتىن زەردەلەي كەلە، قۇلجا قالاسى اقساراي كيىز ءۇي جاساۋ شەكتى سەرىكتەستىگى مەن شينجياڭ جىبەك جولى ۇلتتىق قولونەر بۇيىمدارىن جاساۋ شەكتى جاۋاپكەرشىلىك سەرىكتەستىگىن تىزىمگە الدىرادى. وسىلايشا، جەڭىسگۇلدىڭ كاسىپكەرلىك ءومىرى تىڭ بەلەسكە كوتەرىلىپ، تابىس تالعارىنان كورىنىپ، وبلىس، اۆتونوميالى رايون، مەملەكەت دارەجەلى ماراپاتتارعا يە بولدى.
جەڭىسگۇل ۋنيۆەرسيتەتتە ادەبيەت كاسىبىنەن وقۋ تاۋىسقاندىقتان، قازاق ۇلتىنىڭ اۋىز ادەبيەتىنە، ولەڭ – جىرلارىنا قانىق بولاتىن، كاسىپ كوزىن اشقان العاشقى جىلدارى جەڭىسگۇل قازاق كيىم – كەشەگىنىڭ ءداستۇرلى ۇلگىلەرىن ادەبي شىعارمالارداعى سۋرەتتەۋلەردەن ىزدەدى. ەرتەگىلەردەگى باتىرلار مەن ارۋلاردىڭ كيىم - كەشەگى جونىندەگى سۋرەتتەۋلەردى مۇقيات زەردەلەپ، ونى قولداعى ناقتى ماتەريالدارمەن بىرلەستىرە وتىرىپ، قازاق – كيىم كەشەكتەرىنىڭ وشكىندەي باستاعان كەي تۇستارىن قايتادان سانادا جاڭعىرتتى. ىسمەر اناسىنان دارىعان قولونەردى بىلىكتى بىلىمىمەن ۇشتاستىردى. حالىق مۇراسىنىڭ اسىل قازىنالارىن جيناقتاۋ ءۇشىن قاربالاس جۇمىس ارەدىگىندە اۋىلعا، جايلاۋ توسىنە بارىپ، اسىل اجەلەردەن، دانا كاريالاردان كەڭەس الدى، ۇلتتىق مادەنيەتكە قاتىستى كىتاپتاردى، زاتتاردى جينادى. ول ۇنەمى ەنتسيكوپەديالىق كىتاپتاردى، رومانداردى، پوۆەستەردى وقىپ، كىتاپتاعى كەيىپكەرلەردىڭ بەينەسىن كوز الدىنا ەلەستەتەدى، سول بەينەلەردى ءىس جۇزىندە كورسەتۋگە قۇلشىنادى، وسىنداي سۋرەتتەۋلەر مەن ءداستۇرلى ۇلتتىق كيىم – كەشەك ۇلگىلەرىن ۇشتاستىرا وتىرىپ، 30 نەشە ءتۇرلى كيىم ۇلگىسىن جوبالاپ شىقتى.
تاسبۇلاق ۇلتتىق كيىم – كەشەك سەرىكتەستىگى العاشىندا ساحنالىق كيىمدەردى وندىرۋمەن شەكتەلگەن بولسا، ءوندىرىس كولەمىنىڭ ۇلعايۋىنا، نارىقتىڭ قاجەتىنە بايلانىستى توي كيىمدەرىن، كۇندەلىكتى تۇرمىستا كيەتىن ۇلتتىق كيىم - كەشەكتەردى، ءتۇرلى جاستاعى ادامداردىڭ كيۋىنە ۇيلەسەتىن كيىم - كەشەكتەردى وندىرە باستادى. سونىمەن بىرگە، قازاقتىڭ ورەلى قۇرىلىس ونەرىن ايگىلەيتىن كيىز ءۇي مادەنيەتىنە دە دەن قويدى.
سەرىكتەستىكتىڭ ەكونوميكالىق قۇن جاراتىپ قانا قويماي، قوعامدىق مىندەتتەردى دە ارقالايتىنىن جەڭىسگۇل ۇنەمى اۋزىنان تاستامايدى. قۇرمەت پەن ماراپاتقا بولەنگەن كەزدە، الدا مۇنان دا كوپ شارۋالار تىندىرۋىم كەرەك، كوپ شاكىرت تاربيەلەۋىم كەرەك دەگەن وي مازالايدى.
جەڭىسگۇل نۇرداناقىن قىزى: ءبىزدىڭ كوڭىلىمىزدىڭ تۇكپىرىندە ءىرى باستامالارىمىزدىڭ تابىستى بولارىنا دەگەن سەنىم ۇدايى جەتەلەپ، جەبەپ وتىرادى. مۇنداي سەنىمدى ءبىز مەملەكەتتىڭ ءساليقالى ساياساتتارىنىڭ قولداۋىنان الامىز، مەملەكەتىمىز از ۇلتتاردىڭ ۇلتتىق مادەنيەت قازىنالارىن قورعاۋعا ايرىقشا ءمان بەرىپ كەلەدى، وتە – موتە، پارتيانىڭ 18 – قۇرىلتايىنان بەرى، قولداپ – قۋاتتاۋ پارمەنى ۇزدىكسىز ارتىپ، بەيزاتتىق مادەني مۇرالاردى قورعاۋ ىستەرى تىڭ بەلەسكە كوتەرىلدى، وسىنداي جاعدايدا ءبىزدىڭ سەرىكتەستىگىمىزدىڭ ءوندىرىس كولەمى ۇزدىكسىز كەڭەيىپ، ەل ىشىندە عانا تانىمالى بولىپ قالماستان، حالىقارالىق نارىققا دا قادام تاستادى، — دەيدى.
وسىنداي قولداۋلاردىڭ ارقاسىندا ءىسى ىلگەرى باسقان جەڭىسگۇلدىڭ العا قويىپ وتىرعان جوسپارلارى ءوز الدىنا ءبىر توبە، سونىڭ ءبىرى رەتىندە ءۇيسىن ءداستۇرلى مادەنيەت باقشاسىن قۇرۋ سىندى بولاشاعى جارقىن جوسپارىن اتاپ وتۋگە بولادى. ول وسى مادەنيەت باقشاسىن قۇرۋ ارقىلى قازاق ۇلتىنىڭ تۇرمىس – تىرشىلىگىن ايشىقتاپ، سالت – ءداستۇرىن تانىستىرىپ، ىلە حيكاياسىن، جۇڭگو حيكاياسىن ويداعىداي بايانداۋدى ءوز بورىشى دەپ سانايدى.
كەلۋ قاينارى: حالىق تورابى
قىسقا كەسكىن:
http://kazakh.people.com.cn/155427/15741119.html
تولىق كەسكىن:
http://kazakh.people.com.cn/155427/15741768.html
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
