شيان شيڭحاي مەن بايقاداموۆتى ەسكە ءتۇسىرۋ مۋزيكا كەشى قازاقستاندا وتكىزىلدى
جۇڭگو مەن قازاقستاننىڭ دوستىق حيكاياسى مۋزيكا ۇنىمەن باياندالدى
حالىق گازەتىنىڭ قازاقستاندا تۇراتىن ءتىلشىسى جوۋ حانبو
2018.11.08 16:50 كەلۋ قاينارى : حالىق تورابى
شيان شيڭحاي مەن بايقاداموۆتى ەسكە ءتۇسىرۋ مۋزيكا كەشى جۋىردا قازاقستاننىڭ الماتى قالاسىندا سالتاناتپەن وتكىزىلدى. بۇل رەتكى قيمىل «ءبىر بەلدەۋ، ءبىر جول» دارىپتەمەسى ورتاعا قويىلعانىنىڭ 5 جىلدىعىن ەسكە الۋ، جۇڭگو مەن قازاقستاننىڭ ءداستۇرلى دوستىعىن جالعاستىرۋ جاعىنداعى ماڭىزدى قيمىل بولىپ، مۋزيكا كەشىندە جۇڭگونىڭ ايگىلى كومپوزيتورى شيان شيڭحاي مەن قازاقستاننىڭ كومپوزيتورى بايقاداموۆ ورتاسىنداعى دوستىق كورەرمەنگە قايتالاي كورسەتىلىپ، كورەرمەندەردىڭ قىزۋ قول شاپالاعىنا يە بولدى.
1941 – جىلى شيان شيڭحاي الماتىنى ارالاعان. تۋىس – تۋعانىنان شالعايدا كەدەيلىك پەن ناۋقاس مەڭدەتكەن كەزدە بايقاداموۆ وعان كومەك قولىن سوزىپ، مەيىرلى شاڭىراعىنان جىلى ورىن بەردى. «شيان شيڭحاي مەن بايقاداموۆتىڭ تاريحي دوستىعى — جۇڭگو مەن قازاقستاننىڭ دوستىعىنىڭ سيمۆولى»، — دەيدى جۇڭگونىڭ الماتى قالاسىندا تۇراتىن باس كونسۋلى جاڭ ۋەي مۋزيكا كەشى باستالار الدىندا سويلەگەن سوزىندە، جۇڭگو مەن قازاقستاننىڭ ۇرپاقتان - ۇرپاققا جالعاسقان دوسىتىعى ەكى ەل مەن ەكى ەل حالقىنىڭ ءتۇبىرلى مۇددەسىنە سايكەسەدى، وسى ءوڭىر مەن دۇنيە ءجۇزىنىڭ مۇددەسىنە سايكەسەدى.
قازاقستاننىڭ ايگىلى كومپوزيتورىنىڭ «شيان شيڭحاي» اتتى كىشى سكريپكالىق جەكە كۇيىمەن مۋزيكا كەشىنىڭ شىمىلدىعى اشىلدى. سوڭىنان بايقاداموۆ پەن شيان شيڭحايدىڭ ۋاكىلدىك شىعارمالارى رەتىمەن ورىندالدى. «اقباي»، «ىستىق قان»، «سۋ تاسۋشى قىز»، «قازاق ءبيى»، «بۇلبۇل» سىندى جان تەبىرەنتەر مۋزيكا ءۇنى مۋزيكا زالىن كەرنەدى. «امانگەلدى» — شيان شيڭحايدىڭ قازاق باتىرىنا ارناپ شىعارعان سيمفونيالىق داستانى، بۇل مۋزيكا ورىندالا باستاعاندا – اق كورەرمەن قىزۋ قول شاپالاق سوقتى. سىرگە جيار رەتىندە ورىندالعان «حۋاڭحى حورى» مۋزيكا كەشىن جاڭا ورلەۋگە كوتەردى. قازاقستان كوركەمونەرشىلەرى بۇل مۋزيكانى تاسقىنداعان رۋحپەن، اسقاق اۋەنمەن ورىندادى. كوڭىل تولقۋىن باسا الماعان كوپشىلىك مۋزيكا ىرعاعىنا ىلەسە قول سوعىپ، ءىشىنارا كورەرمەندەر حوردى ىلەسىپ ايتتى.
الدىڭعى عاسىردىڭ 90 – جىلدارىندا لانجوۋ ۋنيۆەرسيتەتىندە ساباق بەرگەن قازاقستاننىڭ ايگىلى حانزۋ تانۋشى مامانى كلارا حافيزوۆا اسەرلەنگەن سەزىممەن تىلشىگە: بۇل رەتكى مۋزيكا كەشىندە قازاقستان مەن جۇڭگو اراسىنداعى دوستىق حيكاياسى مۋزيكا ارقىلى باياندالدى. «حۋاڭحى حورىن» ەستىگەن كەزدە، مەن بەينە حۋاڭحى وزەنىنىڭ جاعالاۋىندا تۇرعانداي سەزىمدە بولدىم، بۇل مۋزيكانى تاعى ءبىر رەت ەستىگەنىمدە، حۋاڭحى جاعالاۋىنىڭ كورىنىسى مەن جۇڭگوداعى دوستارىم ەسىمە ءتۇستى. شيان شيڭحاي قازاقستان مەن جۇڭگو دوستىعىنىڭ سيمۆولىنا اينالدى»، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
