عىلمي زەرتتەۋ قىزمەتكەرلەرى ءۇش جىلعا جۋىق قۇلشىنۋ ارقىلى ناشارلاعان جابايى جەمسى ورمانىن قالپىنا كەلتىرۋگە بەت بۇرعىزدى
تيانشان جابايى جەمىس ورمانىن قورعاۋ نىسانىن اتقارۋ العاشقى قادامدا ءونىم بەرە باستادى (نازار)
حالىق گازەتى، ۋ يۋەحۇي
2018.11.12 13:22 كەلۋ قاينارى : حالىق تورابى
تەگىننەن بەرى، ادامدار شينجياڭنىڭ جەمىس – جيدەگىنىڭ ءتىل ۇيىرەرلىك ءتاتتى بولاتىنىن بىلگەنىمەن، ول اراداعى تيانشان جاباي جەمىس ورمانى جايلى بىلەتىندەر از.
تيانشان جابايى جەمىس ورمانىن قورعاۋ ءۇشىن، 2016 – جىلى عىلىم – تەحنيكا مينيسترلىگى «تيانشان جابايى جەمىس ورمانىنىڭ ازىپ- ناشارلاعان ەكولوگيالىق جۇيەسىن قورعاۋ مەن اقاۋسىزدىعىن مەڭگەرۋ ءتۇيىندى تەحنيكاسى» نىسانىن (تومەندە تيانشان جابايى جەمىس ورمانىن قورعاۋ نىسانى دەپ اتالادى) ىسكە قوستى، اتالعان نىسان 5 جىل ۋاقىتپەن اتقارىلادى، ەل ىشىندەگى عىلمي زەرتتەۋ ورىندارىنان ون نەشە ورىن بىرلەسە وتىرىپ قامال الادى. قازىر عىلمي زەرتتەۋ قىزمەتكەرلەرىنىڭ 3 جىلعا جۋىق قۇلشىنۋىنىڭ ارقاسىندا، اتالعان نىسان ەكولوگيالىق ورتانىڭ ازعىنداۋى، دەرت – دەربەزدەردىڭ زيانداۋى، سونداي – اق، جاساندى جولمەن قالپىنا كەلتىرۋ سىندى جاقتارداعى زەرتتەۋدە كەلەلى ىلگەرىلەۋشىلىكتەرگە قول جەتكىزدى ءارى كوپتەگەن گەندىك ءوربىتۋشى زاتتارىنىڭ قاينارىن بايقادى.
تيانشان جابايى جەمىس ورمانى دۇنيە جۇزىندەگى كوپ ءتۇرلى جەمىس اعاشتارىنىڭ توركىندەرىنىڭ ءبىرى
تيانشان جابايى جەمىس ورمانى قازاقستان، قىرعىزستان جانە ەلىمىزدىڭ شينجياڭ ءوڭىرىن ەندەي ءوتىپ، 500 كيلومەتردەن استام اۋماققا سوزىلىپ جاتادى، جالپى اۋدانى 360 مىڭ مۋ. مۇندا ەلىمىز شەكاراسى ىشىندەگى تيانشان جابايى جەمىس ورمانى دۇنيە جۇزىندەگى جابايى جەمىس ورمانى اۋدانىنىڭ %40نە جۋىعىن ۇستايدى.
تيانشان جابايى جەمىس ورمانىندا جابايى الما، جابايى جاڭعاق، جابايى ورىك سىندى جابايى جەمىس اعاشتارى بايلىعىنان 60 نەشە ءتۇرى بار بولىپ، دۇنيە جۇزىندەگى كوپ ءتۇرلى جابايى جەمىس اعاشتارىنىڭ كەلۋ توركىنى ەسەپتەلەدى، سونداي – اق، دۇنيە جۇزىندەگى قوڭىرجاي بەلدەۋلىك جەمىس اعاشتارىنىڭ تۇقىم قۋالاۋ جانە گەندىك بىرتىندەي جەتىلۋدەگى ماڭىزدى ءوربىتۋشى گەن قامباسى ەسەپتەلەدى.
جۋىرداعى جىلداردان بەرى، ورماندى وڭىردە مولشەردەن ارتىق مال باعۋ جانە ەگىس اتىزدارىن اشۋ، دەرت – دەربەزدەردىڭ كۇرت كوبەيۋى، كليماتتىڭ قۇرعاق بولۋى سىندى كوپ جاقتىلى فاكتورلاردىڭ ىقپالىنا ۇشىراعاندىقتان، تيانشان جابايى جەمىس ورمانىنىڭ تارالۋ اۋماعى بىرتىندەپ تارايدى.
تيانشان جابايى جەمىس ورمانىنىڭ اسىلگى تارالۋ اۋماعى كەڭ بولاتىن، ىلە اڭعارىنان تارتىپ، تۇتاس باتىس تيانشان سىلەمىندە تۇگەل جابايى جەمىس اعاشتارى تارالعان.
تەكسەرۋ ناتيجەسىنە قاراعاندا، جەمىس اعاشتارىنىڭ اۋماق بويىنشا، زور مولشەردە ازعىنداۋى جانە قۋراۋى سىندى قۇبىلىس نەگىزىنەن شينجياڭ ىلە ءوڭىرى كۇنەس اۋدانىندا تۋىلعان. ىلە ورمان شارۋاشىلىعى تاراۋلارىنىڭ ساناعىنا قاراعاندا، 2015 – جىلعا دەيىن، كۇنەس اۋدانىنداعى جابايى جەمىس اعاشتارىنىڭ دەرت – دەربەز سەبەبىنەن قۋراۋ مولشەرى وتە جوعارى بولىپ، %80كە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved