شي جينپيڭ: رەفورما جاساپ، ەسىك اشۋ، جورىققا تاعى دا اتتانۋ سەنىمى مەن بەكىمىن بەكەمدەپ، قالانىڭ الەۋەتى مەن وزەكتى باسەكەلىك قۋاتىن جەدەل جوعارىلاتۋ كەرەك
2018.11.08 16:58 كەلۋ قاينارى : حالىق تورابى
«حالىق گازەتى»، 11 – ايدىڭ 7 – كۇنى، شاڭحاي. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شاڭحاي قالاسىندا قىزمەت تەكسەرگەندە مىنالاردى دارىپتەدى: جاڭا داۋىردەگى جۇڭگوشا سوتسياليزىم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ شەشىم، ورنالاستىرۋىن باتىل دايەكتەندىرىپ، رەفورما جاساپ، ەسىك اشۋدى اناعۇرلىم تەبىندى ورىستەتۋ جونىندەگى سەنىم مەن بەكىمدى نىعايتىپ، ورنىقتىلىق بارسىندا العا باسۋداي قىزمەت باستى اۋەنىنەن جازباي، جاڭا دامۋ تانىمىن جالپى بەتتىك دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدەن اۋىتقىماي، وسىزامانعى شارۋاشىلىق جۇيەسىن قۇرۋدى تەزدەتىپ، ءۇش ءىرى شايقاستان قامال الۋ كۇرەسىن ويداعىداي جۇرگىزىپ، قالانىڭ الەۋەتى مەن وزەكتى باسەكەلىك قۋاتىن جوعارىلاتىپ، ەلىمىزدىڭ رەفورما، دامۋ جالپى جاعدايىنا ويداعداي قىزمەت وتەۋىمىز كەرەك.
باس شۋجي شي جينپيڭ 11 - ايدىڭ 6 -، 7 - كۇندەرى تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتى مەن قاتىستى قيمىلدارعا قاتىناسقانىنان كەيىن ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭ جانە قالا باستىعى يىن يۇڭنىڭ سەرىك بولۋىندا شاڭحايداعى كاسپورىندارعا، الەۋمەتتىك رايونعا، قالانىڭ اينالىمىن جالپى بەتتىك باسقارۋ وزەگىنە، جوعارى عىلىم - تەحنيكا باقشا رايونىنا بارىپ، پارتيا 19 - قۇرىلتايىنىڭ رۋحىن دايەكتى تياناقتاندىرۋ جانە قازىرگى شارۋاشىلىق اۋقىمى، عىلىم - تەحنيكادا جاڭالىق جاراتۋدى جەبەۋ، قالانى باسقارۋدى كۇشەيتۋ، سونداي - اق الەۋمەتتىك رايوندى جونگە سالۋ قىزمەتى جونىندە تەكسەرىپ - زەرتتەۋ جۇرگىزدى.
لۋجيازۇيگە ورنالاسقان شاڭحاي ورتالىق سارايى قۇرىلىسىنىڭ بيىكتىگى 632 مەتر، بۇل جۇڭگودا ءبىرىنشى، دۇنيە جۇزىندە ەكىنشى بيىك عيمارات، شاڭحايدىڭ بوگەنايلىق قۇرىلىسى سانالادى. 2007 - جىلى شي جينپيڭ شاڭحايدا قىزمەت ىستەگەن كەزىندە شاڭحاي ورتالىق سارايىنىڭ قۇرىلىسىنا ايرىقشا نازار اۋدارىپ، كوپ رەت لۋجيازۇي وڭىرىنە بارىپ تەكسەرىپ - زەرتتەۋ جۇرگىزىپ، لۋجيازۇي ءوڭىرىنىڭ جوسپارىنا باس بولىپ زەرتتەۋ جۇرگىزىپ، شاڭحاي ورتالىق سارايىنىڭ جوباسىن ءوزى قاراپ بەكىتىپ، قاتىستى قىزمەتتەردى ىلگەرىلەتىپ، شاڭحاي ورتالىق سارايىن جاسىل، پاراساتتى، مادەنيەتتى حالىقارالىق وزىق ورەدەگى ساۋلەتتى قۇرىلىس رەتىندە جۇرگىزۋدى تالاپ ەتكەن بولاتىن.
سارايدىڭ 22 - قاباتىنداعى لۋجيازۇي فينانس ورتالىعى پارتيا قۇرىلىسىنا قىزمەت وتەۋ ورتالىعى لۋجيازۇي فينانس ساۋدا رايونىنىڭ جالپىلىق پارتيا كوميتەتى قۇرعان عيماراتتاعى پارتيا قۇرىلىسى شەبى ەسەپتەلەدى.
11 - ايدىڭ 6 - كۇنى تۇستەن بۇرىن شي جينپيڭ وسى اراعا بارىپ، وزەكتىڭ پارتيا قۇرىلىسى قىزمەتى سياقتى جاعدايلاردى ىشكەرىلەي ۇعىستى. پارتيا قۇرىلىسىنا قىزمەت وتەۋ ورتالىعىنىڭ اشىق باقشاسىنداعى تالقى رايونىندا 3 كاسپورىننىڭ پارتيا ياچەيكاسى «فينانس قالاسىمەن بىرگە ەرجەتتىم» دەگەن تاقىرىپتا پارتيا كۇنى قيمىلىن ورىستەتىپ جاتقان بولاتىن. شي جينپيڭ ولاردىڭ قاسىنا كەلىپ، ىشكەرىلەي پكىرلەستى. شي جيينپيڭ شاڭحاي لۋجيازۇي فينانس ورتالىعىنىڭ كاسىپ ءتۇرى مول بولۋ، كاسپورىندار توپتاسۋ، دارىندىلار شوعىرلانۋ سىندى ناقتى جاعدايدى شىعار ءتۇيىن ەتىپ، پارتيا قۇرىلىسى وي جەلىسى مەن فورماسىندا جاڭالىق جاراتىپ، عيماراتتاعى ءتۇرلى مەنشىك تۇزىمىندەگى كاسپورىنداردىڭ نەگىزگى ساتى پارتيا ۇيىمى مەن پارتيا مۇشەلەرىنىڭ ۇيرەنۋىنە جەتەكشىلىك ەتۋ، باسقارۋ قىزمەت وتەۋ جانە قيمىل ورتاسىمەن قامداۋ ءادىسىن تولىق تۇراقتاندىردى.
شي جينپيڭ بىلاي دەدى: عيماراتتاعى پارتيا قۇرىلىسى جونىندە سىزدەر الدىڭعى لەكتە ءجۇرىپ، ءبىرشاما جۇيەلى زەرتتەۋ جۇرگىزدىڭىزدەر. مەنشە، سىزدەر بەلگىلى تابىسقا جانە ناقتى ونىمدىلىككە قول جەتكىزدىڭىزدەر، سىزدەردەن الداعى كەزدە دە وسى اۋەننەن جازباي، كۇش ۇستىنە كۇش قوسىپ، تىنباي زەرتتەۋ جۇرگىزۋدى ءۇمىت ەتەمىن.
شي جينپيڭ بىلاي دەدى: پارتيا قۇرىلىسىنىڭ قيىن ءتۇيىنى دە، كورىنەۋ ءتۇيىنى دە نەگىزگى ساتىدا. شارۋاشىلىق قۇرىلىمدارى مەن كاسىپتەنۋ فورماسىنىڭ بارعان سايىن تۇرلەنۋىنە ىلەسە، جاڭا شارۋاشىلىق ۇيىمدارى مەن جاڭا قوعامدىق ۇيىمداردا كاسىپتەنگەن پارتيا مۇشەلەرى كونىنەن - كۇنگە كوبەيىپ كەلەدى. پارتيا مۇشەلەرىن تاربيەلەۋ مەن باسقارۋ قىزمەتىن جاقسى ىستەپ، ولاردىڭ بەلسەندى رولىن ساۋلەندىرۋىنە جەتەكشىلىك ەتۋىمىز كەرەك. نەگىزگى ساتى پارتيا ۇيىمى ءداستۇرلى ابزالدىقتى ساۋلەلەندىرۋمەن بىرگە، داۋىرمەن جارىسا العا باسىپ، جاڭا جاعدايعا ۇزدىكسىز ۇيلەسىپ، نەگىزگى ساتى پارتيا ۇيىمىنىڭ ارناسىن كەڭەيتىپ، پارتيا مۇشەسى قايدا بولسا، پارتيا ۇيىمىنىڭ قىزمەتىن سول اراعا دەيىن ورىستەتىپ، پارتيا مۇشەلەرى مەيلى قايدا بولسا دا، ولارعا پارتيا ۇيىمىنىڭ مەيىرىن سەزىندىرۋ كەرەك. ءبىزدىڭ پارتيا مۇشەلەرى بار ءتۇرلى كاسپورىنداردا پارتيا ۇيىمىن قۇرۋداعى ماقساتىمىز − كاسپورىندارداعى پارتيا مۇشەلەرىن باسقارىپ جانە ولارعا قىزمەت وتەپ، قىزمەتكەلەردى زاڭعا، كاسپورىننىڭ ەرەجە - تۇزىمىنە بويسۇنۋعا ىنتىماقتاستىرىپ جانە ۇيىستىرىپ، پارتيا مۇشەلەرىنىڭ ۇلگىلىك رولىن ساۋلەلەندىرۋ. بۇل كاسپورىندى باسقارۋعا جانە كاسپورىننىڭ اقاۋسىز دامۋىنا سەپتىگىن تيگىزەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
