كۇنميڭنىڭ جاڭا بەينە، تىڭ تىنىسى (رەفورما جاساپ، ەسىك اشۋدىڭ 40 جىلدىعىن قۇتتىقتايمىز اتىنداعى 100 قالا، 100 اۋدان، 100 كاسىپورىندى تەكسەرىپ – زەرتتەۋ ساپارى)
«حالىق گازەتىنىڭ» تىلشىلەرى جاڭ فان، ياڭ ۋىنميڭ، لي ماۋيىڭ
2018.11.13 16:42 كەلۋ قاينارى : حالىق تورابى
كۇنميڭ كولىنەن الگىندە عانا اكەلىنگەن سۋدى بۇرىنعىعا ۇقساس ساقتاپ، جىل رەتى بويىنشا ءتىزىپ قويساڭىز، لايىنىڭ تۇني باستاعانىن كورەر ەدىڭىز.
كۇنميڭدىكتەردىڭ اۋىل ساعىنىشى بۇكىلدەي وسى سۋدان باستالادى. ناشار Ⅴ تيبىنەن Ⅴ تيبىنە دەيىن، ودان تاعى بيىلدىڭ العاشقى 8 ايىنداعى Ⅳ تيبىنە دەيىن، كۇنميڭ كولىندەگى ءاربىر تامشى سۋ ساپاسىنىڭ وزگەرىسى كۇنميڭدىكتەردى قۋانىشقا بولەدى. 2016 – جىلدان بەرى قاجىماي – تالماي جونگە سالۋ ارقىلى كۇنميڭ كولىنىڭ سۋ ساپاسى ورنىقتىلىق بارىسىندا جاقسارۋعا بەتالىپ، قالانىڭ كەزىندەگى جاراقاتى قالانىڭ بايلىعىنا اينالدى.
«كۇنميڭ كولىنىڭ سۋى تۇنىسا، كۇللى كۇنميڭ شاتتانادى». كولدىڭ تۇنىق سۋىنان كۇنميڭنىڭ دامۋ تانىمىنىڭ ساۋلەسى بەينەلەنەدى. ەكونوميكانى ساپالى دامۋعا تياناقتاندىرۋدا، كۇنميڭ كاسىپ جەلىسىنىڭ تيبىن وزگەرتىپ دارەجەسىن جوعارىلاتۋدى جەدەلدەتىپ، رەفورمانى تەرەڭدەتۋ ارقىلى كوكتەم قالاسىن بەزەندىردى.
كونە كورىنىس شىت جاڭا بەينەگە وزگەرىپ، قالا وبرازىن جاڭعىرتتى
«50 – جىلدارى كۇرىش شايقاپ، كوگونىس جۋسا، 60 – جىلدارى بالىق – شايانىن جەپ تاۋىستى، 70 – جىلدارى سۋىنا مالتاپ اسىر سالسا، 80 – جىلدارى سۋى بۇكىلدەي لاستاندى، 90 – جىلدارى بۇرىنعى كەلبەت كەلمەسكە كەتىپ، قازىرگە دەيىن وسىنىڭ زاردابىن تارتىپ كەلەدى» - دەپ تاقپاقتاي جونەلدى كۇنميڭ كولىنىڭ سازداۋىت جەرىنەن بالىق اۋلاپ وتىرعان كۇنميڭ قالاسىنىڭ ورىنباسار باستىعى ۋ تاۋ، ول كۇنميڭدىكتەردىڭ كۇنميڭ كولىن جونگە سالۋداعى جاپالى ىزدەنىسىن تىلگە تيەك ەتكەن ەدى.
وتكەن عاسىردىڭ 90 – جىلدارىنىڭ سوڭىنان باستاپ، كۇنميڭ قالاسى كۇنميڭ كولىندەگى لاستانۋدى تەجەۋ ۇسىنىلىمىن ۇزدىكسىز ارتتىردى. قاينار كوزىندەگى لاستانۋدى جونگە سالۋدان اعار جۇيەسىن جونگە سالۋعا دەيىن، ىلگەرىندى – كەيىندى 50 ميلليارد يۋاننان استام قارجى قوسىپ، كۇنميڭ كولىندەگى «لاستانۋدىڭ ارتۋىن تەجەۋمەن بىرگە»، «ىركىندى لاستانۋدى ازايتۋعا» بەتالدىردى.
دامۋ كوزقاراسى دا بىرتىندەپ وزگەردى. «قالا سۋ مولشەرىمەن، دامۋ سۋ ساپاسىمەن ولشەندى»، كۇنميڭ كولىن قورعاپ، جونگە سالۋ ماڭداي الدى ءىرى جۇمىس جانە ءبىرىنشى باسشى جاۋاپتى بولاتىن نىسان ەتىلىپ، كۇنميڭ ەكولوگياسىن جاقسارتۋدىڭ، جاسىل دامۋدىڭ تياناعىنا اينالدى.
10 – ايدىڭ سوڭىندا حايگىڭ توسپاسىنداعى ەلەكتروندى ەكراننان كورسەتىلگەن كەسكىن كوپتەگەن ساياحاتشىلاردى باۋرادى، قىزىل ارىپپەن تاڭبالانعان تولىمسىز وزەن سۋلارى ەرەكشە كوزگە ءتۇسىپ تۇر. كۇنميڭ كولىنىڭ سۋ ساپاسىن ولشەمگە جەتكىزۋدى باستى نىسانا ەتۋدە كۇنميڭ قالاسى سۋ ساپاسىن باعالاۋدىڭ قيما بەتتىك كورسەتكىشىن قولدانىپ، «ءبىر وزەنگە ءبىر ساياسات» سىندى سۋ ساپاسىن جاقسارتۋدىڭ جوبا – جوسپارىن بەلگىلەدى.
2017 – جىلدىڭ سوڭىندا كۇنميڭ قالاسى وزەن باستىعى ءتۇزىمىن جاپپاي بەلگىلەپ، كۇنميڭ كولىنە قوسىلاتىن 35 اعاردىڭ بارلىعىنا وزەن باستىعىن سايلادى. وزەن اعارلارىنىڭ ەكولوگيالىق تولەم بەرۋ مەحانيزمى بەلگىلەندى، جونگە سالۋى ماردىمسىز بولعان رايون، اۋداندار كورشىلەس رايون، اۋداندارعا ەكونوميكالىق تولەم بەرسە، جاۋاپتى باسشىلاردىڭ جىلدىق نىسانالى باسقارۋىن باعالاۋ سيلىعىن تارتىپ قالدى. وسىلايشا 2017 – جىلى 4 – ايدان 2018 – جىلى 6 – ايعا دەيىن تۇتاس قالانىڭ اۋدان، رايوندارىندا تاپسىرۋعا ءتيىستى وزەن اعارلارى ەكولوگيالىق تولەم سوماسى جيىنى 935 ميلليون يۋانعا جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
