ناراتتا اۋەلەگەن ءاز اۋەن

حابارىن جازىپ سۋرەتتەرىن تۇسىرگەن باقىتبەك ءجۇمادىل ۇلى 

2019.05.07 14:54   كەلۋ قاينارى : حالىق تورابى

　　جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قارسى الۋ، «1 - مامىر حالقارالىق ەڭبەكشىلەر مەرەكەسىن»، «4 - مامىر جاستار مەرەكەسىن» اتاپ ءوتۋدى وراي ەتىپ، كۇنەس اۋدانىنداعى «بەيجيڭگەر ساياحاتقا قىزمەت وتەۋ، مادەنيەت تاراتۋ شەكتى سەرىكتەستىگىنىڭ» ۇيىمداستىرۋىمەن «ناراتتا اۋەلەگەن ءاز اۋەن» اتتى كانسەرت 5 - ايدىڭ 4 - كۇنى، نارات ساحاراسىنداعى «قازاق ءبىرىنشى قىستاعى» الاۋ كەشى كانسەرت الاڭىندا بولىپ ءوتتى.

　　بۇل رەتكى كانسەرتكە مەملەكەتتىك ءبىرىنشى دارەجەلى ءانشى دالەلقان ادىلبەك ۇلى، حۇيزۋ حالقىنىڭ ايگىلى ءانشىسى زوردۇن، 1 - كەزەكتى كۇمىس كومەي ءان بايقاۋىنىڭ باس جۇلدەسىن جەڭىپ العان ايگىلى جاس ءانشى شالقار الىمبەك ۇلى، تانىمالى ءانشى ءديدار جۇمابەك قىزى قاتارلى ەلىمىز ءىشى – سىرتىنا اتى تانىس ءان شولپاندارى ارنايى شاقىرىلىپ، كانسەرتتىڭ مارەسىن اسىردى. كانسەرتتە تاعى كۇنەس اۋدانىنداعى تالاپتىڭ تايىن ءمىنىپ، ءوز ورتاسىندا تىڭدارماندارىنان جاقسى باعا الىپ جۇرگەن ماقسات نۇردانالى ۇلى، جايقال ءومىرۇزاق ۇلى، جانار دۇيسەنالى قىزى قاتارلى جاس انشىلەر دە ءان سالىپ، كانسەرتتى تاماشالاۋعا جينالعان جۇرتتىڭ قىزۋ قارسى الۋىنا يە بولدى.

　　انشىلەر ارت - ارتىنان ساحناعا كوتەرىلىپ، قىزۋ قول شاپالاق ءۇنى ىشىندە وزدەرىنىڭ اسقاق اۋەندەرىمەن بۇگىنگى باقىتتى زاماندى، ءار ۇلت حالقىنىڭ اناردىڭ دانىندەي تىعىز ۇيىسقان بەرەكەلى ىنتىماعىن جىرلايتىن اندەردى ورىنداپ، جاڭا جۇڭگو قۇرىلعاندىعىنىڭ 70 جىلدىق مەرەيلى ءساتىن قىزۋ قارسى الاتىندىقتارىن ءبىلدىرىپ، ونەرگە شولىركەگەن ءار ۇلت كورەرمەندەرىنىڭ كوڭىلىن توعايتتى.

　　كانسەرت ارەدىگىندە كۇنەس اۋدانىنداعى «تاڭدا توي كيىمدەرىن جوبالاۋ، تويعا قىزمەت وتەۋ ورنىنىڭ» سانگەرلەرى ساحناعا شىعىپ، كوزدىڭ جاۋىن الاتىن كيىم ۇلگىلەرىن كورسەتىپ، جينالعان جۇرتتى كوركەمدىكتەن كوزايىم ەتىپ، سۇلۋلىقتان ءلاززاتتاندىردى.

　　كەلۋ قاينارى: حالىق تورابى