جۇڭگونىڭ جاڭا دامۋى ارقىلى دۇنيە جۇزىنە جاڭا وراي ازىرلەيىك
− ءتوراعا شي جينپيڭنىڭ 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ماڭىزدى ءسوزى تۋرالى
«حالىق گازەتىنىڭ» شولۋشىسى
2022.11.07 16:11 كەلۋ قاينارى : حالىق تورابى
«جۇڭگونىڭ جاڭا دامۋى ارقىلى دۇنيە جۇزىنە ۇزدىكسىز جاڭا وراي ازىرلەيمىز»، 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ماڭىزدى سوزىندە ءتوراعا شي جينپيڭ جۇڭگونىڭ ءار جاقتىڭ جۇڭگونىڭ ءىرى بازار ورايىنان بىرگە يگىلىكتەنۋىن، تۇزىمدىك ەسىك اشۋ ورايىنان بىرگە يگىلىكتەنۋىن، حالىقارالىق سەلبەستىكتى تەرەڭدەتۋ ورايىنان تەڭ يگىلىكتەنۋىن ىلگەرىلەتەتىنىن سالتاناتپەن جاريالادى ءارى ءبىرقىدىرۋ ناقتى شارانى ايقىن العا قويدى. بۇل جۇڭگونىڭ جوعارى دەڭگەيدە سىرتقا ەسىك اشۋدى تاباندىلىقپەن ىلگەرىلەتىپ، دۇنيە جۇزىنە اناعۇرلىم كوپ جاڭا وراي اكەلەتىن سەنىمىن، بەكىمىن تولىق ايگىلەدى، جۇڭگونىڭ اشىق دۇنيە ءجۇزى ەكونوميكاسىن قۇرۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جاۋاپكەرلىگىن تولىق ايگىلەدى.
ەسىك اشۋ − زامانىمىزداعى جۇڭگونىڭ ايقىن بەلگىسى. رەفورما جاساپ، ەسىك اشقان 40 نەشە جىلدان بەرى جۇڭگو مەملەكەت ەسىگىن اشىپ قۇرىلىس جۇرگىزۋدە تاباندى بولىپ، ءوزىن دامىتىپ قانا قويماي، دۇنيە جۇزىنە دە باقىت جاراتتى. اسىرەسە، وتكەن 10 جىلدان بەرى جۇڭگو اناعۇرلىم بەلسەندى، ىرىقتى ەسىك اشۋ ستراتەگياسىن اتقارىپ، بۇكىل دۇنيە جۇزىنە بەت العان جوعارى ولشەمدى ەركىن ساۋدا رايونى تورىن قۇرىپ، ەركىن ساۋدا سىناق رايونى، حاينان ەركىن ساۋدا پورتى قۇرىلىسىن جەدەل ىلگەرىلەتتى، «ءبىر بەلدەۋ، ءبىر جولدى» بىرگە قۇرۋ قىزۋ قارسى الۋعا بولەنگەن حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالدى. جۇڭگو 140 تان استام مەملەكەت پەن رايوننىڭ نەگىزگى ساۋدا سەرىگىنە اينالدى، زات ساۋداسىنىڭ جالپى سوماسى دۇنيە ءجۇزى بويىنشا ءبىرىنشى ورىندا تۇرادى، شەتەل قارجىسىن باۋراۋى مەن شەتەلگە قارجى قوسۋى دۇنيە ءجۇزى بويىنشا الدىڭعى قاتاردا تۇرادى، اناعۇرلىم كەڭ كولەمدە، اناعۇرلىم كەڭ سالادا، اناعۇرلىم تەرەڭ ساتىدا سىرتقا ەسىك اشۋ جاعدايى قالىپتاستى. جۇڭگونىڭ جاساۋ كاسىبى دۇنيە ءجۇزىنىڭ كاسىپ تىزبەگى مەن قامداۋ تىزبەگىنىڭ ماڭىزدى قۇرامداس بولەگىنە اينالدى، ەكونوميكا جاعىندا دۇنيە ءجۇزى ەكونوميكاسىنىڭ ارتۋىنا قوسقان ۇلەس شاماسى ءۇرتىس كوپ جىل %30 تەن اسقان جۇڭگو ءار ەلگە ءتىپتى دە كوپ بازار ورايىن، قارجى قوسۋ ورايىن، ارتۋ ورايىن ازىرلەدى. جۇڭگو جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، سىرتقى ساۋدانىڭ جاڭالىق اشا دامۋىن ىلگەرىلەتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قامتاماسىز ەتىپ، دۇنيە ءجۇزى ەكونوميكاسىنىڭ قالپىنا كەلۋىن ىلگەرىلەتۋگە ماڭىزدى ۇلەس قوستى. اماليات جۇڭگونىڭ ەسىك اشۋدى ۇزدىكسىز كەڭەيتۋى جۇڭگونىڭ دامۋىنا پارمەندى دەم بەرگەنىن، سونداي - اق دۇنيە ءجۇزى ەكونوميكاسىن دا جانداندىرعانىن تولىق دالەلدەدى.
جۇڭگو ەكونوميكاسىنىڭ دامۋ جەتىستىكتەرىنە ەسىك اشۋ شارت - جاعدايىندا قول جەتتى، بولاشاقتاعى ەكونوميكانىڭ ساپالى دامۋى دا، ءسوز جوق، اناعۇرلىم اشىق شارت - جاعدايدا جۇرگىزىلۋى كەرەك. جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، دۇنيە جۇزىمەن دامۋ ورايىن ءبولىسۋ بەكىمى وزگەرمەيدى، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەپە - تەڭ، تەڭ يگىلىككە كەنەلۋ بەتالىسىنا قاراي دامۋىن ىلگەرىلەتۋ بەكىمى وزگەرمەيدى. ءتوراعا شي جينپيڭ بىلاي دەپ اتاپ كورسەتتى: «جۇڭگو سىرتقا ەسىك اشۋ سىندى نەگىزگى مەملەكەت ساياساتىندا تاباندى بولىپ، ءوزارا تيىمدىلىك جەتكىزىپ، تەڭ يگىلىككە كەنەلۋ سىندى ەسىك اشۋ ستراتەگياسىن باتىل اتقارىپ، ەكونوميكا جاھاندانۋىنىڭ دۇرىس بەتالىسىندا تاباندى بولىپ، ەل ءىشى جانە حالىقارا سىندى ەكى بازاردىڭ، ەكى بايلىقتىڭ ىقپالداستىق اسەرىن كۇشەيتەدى»، بۇل ءار ەلگە اناعۇرلىم كوپ جاڭا وراي اكەلىپ، دۇنيە ءجۇزى ەكونوميكاسىنا اناعۇرلىم كوپ جاڭا قوزعاۋشى قۋات ۇستەيدى. جۇڭگو دۇنيە جۇزىلىك دامۋ باستاماسىن العا قويىپ، دۇنيە جۇزىلىك دامۋدىڭ سەرىكتەستىك قاتىناسىن ورناتۋدى ىلگەرىلەتىپ، تەپە - تەڭ، سايكەستى، سيىسىمدى، سەلبەسىپ تەڭ يگىلىككە كەنەلەتىن، بىرگە گۇلدەنىپ - كوركەيەتىن دامۋ جاعدايىن بىرگە جاراتىپ، اناعۇرلىم پارمەندى، جاسىل، اقاۋسىز دۇنيە جۇزىلىك دامۋدى جۇزەگە اسىردى. ءبىز اناعۇرلىم اشىق جۇڭگونىڭ دۇنيە جۇزىمەن اناعۇرلىم ءتيىمدى ىقپالداستىق قالىپتاستىرىپ، اناعۇرلىم العا باسقان جانە گۇلدەنگەن جۇڭگو مەن دۇنيە ءجۇزىن قالىپتاستىراتىنىنا كامىل سەنەمىز.
اقيقات توتەنشە قاراپايىم بولادى، ناقتى ىستەۋ ماڭىزدى ورىندا تۇرادى. جاڭا دامۋ ارقىلى دۇنيە جۇزىنە جاڭا وراي جاراتۋدا جۇڭگو ءبىرقىدىرۋ ناقتى ارەكەت قولدانادى. ءار ەلدىڭ جۇڭگونىڭ ءىرى بازار ورايىنان بىرگە يگىلىكتەنۋىن ىلگەرىلەتۋ جاعىندا جۇڭگو قۋاتتى ەل ءىشى بازارىن جەدەل قۇرىپ، زات ساۋداسىنىڭ ساپالىلانۋىن، دارەجەسىنىڭ جوعارىلاۋىن ىلگەرىلەتىپ، قىزمەت وتەۋ ساۋداسىنىڭ دامۋ مەحانيزمىندە جاڭالىق اشىپ، ساپالى ونىمدەر يمپورتىن كەڭەيتىپ، «جىبەك جولى ەلەكتروندىق ساۋداسى» سەلبەستىگىندە الدىمەن اتقارىلاتىن ءوڭىر قۇرىپ، مەملەكەتتىك قىزمەت وتەۋ ساۋداسىنىڭ جاڭالىق اشا دامۋىنان ۇلگى كورسەتەتىن رايون قۇرىپ، ساۋدانىڭ جاڭالىق اشا دامۋىن ىلگەرىلەتىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىلگەرىلەتەدى. مىنە، بۇل وراسان زور كولەمدەگى بازار ابزالدىعى مەن ىشكى سۇرانىمنىڭ كومەسكى كۇشىن ساۋلەلەندىرىپ، جۇڭگو بازارىن دۇنيە جۇزىلىك بازارعا، ورتاق يگىلىكتەنەتىن بازارعا، كوپشىلىكتىڭ بازارىنا اينالدىرۋ بولىپ تابىلادى. ءار ەلدىڭ تۇزىمدىك ەسىك اشۋ ورايىنان تەڭ يگىلىكتەنۋىن ىلگەرىلەتۋ جاعىندا جۇڭگو ەرەجە، بەلگىلەمە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، شەتەل ساۋداگەرلەرى قارجى قوسقان كاسىپتەرگە دەم بەرۋ تىزىمدىگىن ويداعىداي اتقارىپ، مەملەكەتتىك قىزمەت وتەۋ كاسىبىنىڭ ەسىك اشۋدى كەڭەيتۋ جالپىلىق ۇلگى رايونى قۇرىلىسىن تەرەڭدەتەدى؛ ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارىپ، حاينان ەركىن ساۋدا پورتىن قۇرۋدى جەدەلدەتىپ، رەفورما جاساپ، ەسىك اشۋدىڭ جالپىلىق سىناق تەكشەسى رولىن ويداعىداي ساۋلەلەندىرەدى.. مىنە، بۇل ءوزارا پايدا جەتكىزىپ، تەڭ يگىلىككە كەنەلەتىن، كوپ نەگىزدى، تەپە - تەڭ، حاۋىپسىز، جوعارى ءونىمدى اشىق ەكونوميكالىق جۇيە ورناتىپ، بىرگە دامۋدى جەبەپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ بولىپ تابىلادى. ءار ەلدىڭ حالىقارالىق سەلبەستىكتى تەرەڭدەتۋ ورايىنان بىرگە يگىلىكتەنۋىن ىلگەرىلەتۋ جاعىندا جۇڭگو دۇنيە جۇزىلىك ساۋدا ۇيىمىنىڭ رەفورما كەلىسسوزىنە جاپپاي ىشكەرىلەي قاتىناسىپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، حالىقارالىق ماكرولىق ەكونوميكا ساياساتىنىڭ سايكەسۋىن جەبەپ، دۇنيە جۇزىلىك دامۋدىڭ جاڭا قوزعاۋشى كۇشىن بىرگە جەتىلدىرىپ، «تىنىق مۇحيتتى جاپپاي اتتاعان سەرىكتەستىك قاتىناس كەلىسىمىنە» جانە «سيفرلى ەكونوميكا سەرىكتەستىك قاتىناس كەلىسىمىنە» كىرۋدى بەلسەنە ىلگەرىلەتىپ، دۇنيە جۇزىنە بەت العان جوعارى ولشەمدى ەركىن ساۋدا رايونى تورابىن كەڭەيتىپ، وركەندەپ كەلە جاتقان ەلدەردىڭ جەدەل دامۋىن باتىل قولدايدى جانە وعان كومەكتەسەدى. مىنە، بۇل سەلبەسىپ تەڭ يگىلىككە كەنەلۋدى جەبەپ، اشىق دۇنيە ءجۇزى ەكونوميكاسىن قۇرۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ بولىپ تابىلادى.
ەسىك اشۋ − دامىپ، العا باسۋدا، ءسوز جوق، باسىپ وتەتىن جول. بولاشاقتى بەتكە العاندا، جۇڭگونىڭ جوعارى دەڭگەيدە ەسىك اشۋدى كەڭەيتۋ بەكىمى وزگەرمەيدى، جۇڭگونىڭ اشىق ەسىگى بارعان سايىن ايقارا اشىلادى. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن ورناتىپ، ساپالى دامۋدى ىلگەرىلەتسەك، جۇڭگو، ءسوز جوق، ءار ەلدىڭ سەلبەستىگىنە اناعۇرلىم كوپ وراي ازىرلەپ، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا اناعۇرلىم كوپ قوزعاۋشى كۇش قوسىپ، دۇنيە ءجۇزىنىڭ دامۋىن ىلگەرىلەتۋگە اناعۇرلىم كوپ جۇڭگو اقىل - پاراساتىن، جۇڭگو جوباسىن، جۇڭگو كۇشىن قوسىپ، ادامزاتتىڭ اناعۇرلىم كوركەم بولاشاعىنا قاراي ۇزدىكسىز بىرگە قادام تاستايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
