ورتالىق قازىنا كەلەر جىلعى كوپ ءتۇرلى مەجە ەسەپ قارجىسىن كۇنى بۇرىن ءتۇسىردى
2022.11.11 16:01 كەلۋ قاينارى : حالىق تورابى
«حالىق گازەتى»، 11 - ايدىڭ 10 – كۇنى، بەيجيڭ (تىلشىلەر چۇي جىحان، ۋاڭ حاۋ). قازىنالىق شىعىس قارقىنىن تەزدەتىپ، جەرگىلىكتى ورىنداردىڭ مەجە ەسەپ جاساۋىنا قولايلىلىق تۋدىرىپ، ەكونوميكانىڭ ورنىقتى ارتۋ جاعدايىن كەڭەيتىپ، نەگىزگى حالىق تۇرمىسىنىڭ تومەنگى شەگىن بەكەمدەۋ ءۇشىن، تاياۋدا ورتالىق قازىنا 2023 - جىلعى مەجە ەسەپ قارجىسىن مەرزىمىنەن بۇرىن ءتۇسىردى، بۇل اۋىل شارۋاشىلىعىنا قاتىستى اۋدارىپ تولەۋ، سۋ يگىلىگىنە قاتىستى قارجى، اۋىل - قىستاقتى گۇلدەندىرۋ كومەك قاراجاتى، الەۋمەتتىك دەنەتاربيە الاڭدارى مەن سارايلارىن قوعامعا اقىسىز نەمەسە تومەن اقىمەن اشىق ۇستاۋ كومەك قاراجاتى مەجە ەسەبى، قالا - اۋىل تۇرعىندارىنىڭ نەگىزگى زەينەتكەرلىك قامسىزداندىرۋ كومەك قاراجاتى مەجە ەسەبى، كاسىپتەندىرۋ كومەك قاراجاتى مەجە ەسەبى جانە جالپىعا ءتيىمدى فينانستى دامىتۋ ارناۋلى قارجى مەجە ەسەبىن قامتيدى.
شارۋالاردى كۇز، قىس ماۋسىمىنداعى اۋىل شارۋاشىلىق ءوندىرىسىن ويداعىداي يگەرۋگە شابىتتاندىرىپ، «استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ» ستراتەگياسىن تياناقتاندىرىپ، اۋىل شارۋاشىلىعىنىڭ جاسىل دامۋىن ىلگەرىلەتىپ، مال شارۋاشىلىعىنىڭ، بالىق شارۋاشىلىعىنىڭ ساپالى دامۋىنا قولداۋ كورسەتۋ ءۇشىن، تاياۋدا ورتالىق قازىنا 2023 - جىلعى اۋىل شارۋاشىلىعىنا قاتىستى اۋدارىپ تولەۋ قارجىسىنان 211 ميلليارد 500 ميلليون يۋاندى الدىن الا ءتۇسىردى.
سۋ يگىلىگى قۇرىلىسىنا ءونىمدى قارجى قوسۋدى كەڭەيتۋدى قولداۋ ءۇشىن، تاياۋدا قازىنا مينيسترلىگى قاتىستى ولكەلەردىڭ (اۆتونوميالى رايون، توتە قاراستى قالا، جوسپارى بولەك جاسالاتىن قالا) جانە شينجياڭ ءوندىرىس - قۇرىلىس بيڭتۋانىنىڭ 2023 - جىلعى قازىنا، سۋ يگىلىگىنە قاتىستى قارجىسىنان 94 ميلليارد 100 ميلليون يۋاندى الدىن الا ءتۇسىردى، ۇقساس ولشەمدەگى قارجى 2022 - جىلعىدان 4 ميلليارد 400 ميلليون يۋان ارتىپ، جەرگىلىكتى ورىنداردىڭ 2023 - جىلعى سۋ يگىلىگى نىسانى قۇرىلىسىن الدىن الا جوسپارلاپ، اتقارىپ، ءونىمدى قارجى قوسۋدى تەز ارادا قالىپتاستىرۋىن پارمەندى كەپىلمەن قامدادى.
پارتيا ورتالىق كوميتەتىنىڭ، مەملەكەتتىك كەڭەستىڭ كەدەيلىكتەن ارىلتۋدان قامال الۋدىڭ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ جونىندەگى شەشىم، ورنالاستىرۋلارىن تياناقتاندىرۋ ءۇشىن، تاياۋدا قازىنا مينيسترلىگى 2023 - جىلعى ورتالىق قازىنانىڭ اۋىل - قىستاقتى گۇلدەندىرۋمەن ۇشتاستىرۋداعى 148 ميلليارد 500 ميلليون يۋان كومەك قارجىسىن الدىن الا ءتۇسىرىپ، جەرگىلىكتى ۇكىمەتتەردىڭ سايكەستى قارجىنى سول دارەجەلى مەجە ەسەپكە ەنگىزۋىن قولداپ، 2023 - جىلعى بەكەمدەۋ، ۇشتاستىرۋ قىزمەتىن الدىن الا جوسپارلادى.
قازىنا مينيسترلىگى تاعى 2023 – جىلعى الەۋمەتتىك دەنەتاربيە الاڭدارى مەن سارايلارىن قوعامعا اقىسىز نەمەسە تومەن اقىمەن اشىق ۇستاۋ كومەك قاراجاتى مەجە ەسەبىنەن ءبىر ميلليارد 80 ميلليون يۋان، قالا - اۋىل تۇرعىندارىنىڭ نەگىزگى زەينەتكەرلىك قامسىزداندىرۋ كومەك قاراجاتى مەجە ەسەبىنەن 151 ميلليارد 70 ميلليون يۋان، جۇمىستانۋ كومەك قاراجاتى مەجە ەسەبىنەن 43 ميلليارد 230 ميلليون يۋاننان استام قارجىنى كۇنى بۇرىن ءتۇسىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
