لي كىچياڭ كامبودجانىڭ باس ءۋازىرى حۇڭسىنمەن كەڭەس وتكىزگەندە مىنانى دارىپتەدى
ءداستۇرلى دوستىقتى اسقاقتاتىپ، ءوزارا تيىمدىلىك جەتكىزەتىن سەلبەستىكتى تەرەڭدەتىپ، جۇڭگو مەن كامبودجانىڭ جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ ءتىپتى دە جوعارى ورەگە قادام تاستاۋىن ىلگەرىلەتۋ كەرەك
2022.11.10 16:29 كەلۋ قاينارى : حالىق تورابى
سول جەر ۋاقىتى بويىنشا 11 - ايدىڭ 9 - كۇنى تۇستەن كەيىن مەملەكەتتىك كەڭەستىڭ زۇڭليى لي كىچياڭ پنومپەندەگى بەيبىتشىلىك سارايىندا كامبودجانىڭ باس ءۋازىرى حۇڭسىنمەن كەڭەس وتكىزدى. سۋرەتتە: كەڭەستىڭ الدىندا حۇڭسىن بەيبىتشىلىك سارايىندا لي كىچياڭعا ارناپ سالتاناتتى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
«حالىق گازەتى»، 11 - ايدىڭ 9 - كۇنى، بەيجيڭ (ءتىلشى باي ياڭ). سول جەر ۋاقىتى بويىنشا 11 - ايدىڭ 9 - كۇنى تۇستەن كەيىن مەملەكەتتىك كەڭەستىڭ زۇڭليى لي كىچياڭ پنومپەندەگى بەيبىتشىلىك سارايىندا كامبودجانىڭ باس ءۋازىرى حۇڭسىنمەن كەڭەس وتكىزدى.
لي كىچياڭ مىنالاردى ءبىلدىردى: جۇڭگو مەن كامبودجانىڭ ءداستۇرلى دوستىعى تەرەڭ، وسكەلەڭ ساياسي سەنىمدىلىككە يە، ءارقايسى سالاداعى ناقتى سەلبەستىكتىڭ تابىسى مول. ءتوراعا شي جينپيڭ 2016 - جىلى كامبودجادا ساپاردا بولىپ، 2020 - جىلى پاتشا اناسى مونيلەگە «دوستىق وردەنىن» تابىستاپ، ەكى ەل دوستىعى ءۇشىن تاعى دا تىڭ تاراۋ جازدى. باس ءۋازىر مىرزا − ىندەت تۇتقيىل تارالعان كەزدە جۇڭگوعا تۇڭعىش رەت ساپارلاي كەلگەن شەتەل باسشىسى، جۇڭگو حالقىنا تەرەڭ اسەر قالدىردى. ىندەت تارالعان 3 جىلعا تاياۋ ۋاقىتتان بەرى شەتەلگە جاساعان العاشقى ساپارىمدا پنومپەنگە كەلىپ شىعىس ازيا سەلبەستىگى باسشىلارىنىڭ جەلىلەس ماجىلىسىنە قاتىناسقالى وتىرمىن ءارى كامبودجادا رەسمي ساپاردا بولدىم، بۇعان ايرىقشا قۋانىشتىمن. جۇڭگو جاق كامبودجانىڭ ەكونوميكالىق، قوعامدىق ىستەردە تىڭ دامۋشىلىققا قول جەتكىزگەنىن قۇتتىقتايدى. جۇڭگو جاق ۇلكەندى - كىشىلى مەملەكەتتەردىڭ تۇگەلدەي تەرەزەسى تەڭ بولۋىن، ءار ەلدىڭ بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيپتەرىنە بويسۇنۋىن باستان - اياق دارىپتەپ كەلەدى، كامبودجانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، كامبودجانىڭ حالىقارالىق جانە وڭىرلىك ساحنادا ءتىپتى دە ماڭىزدى رول اتقارۋىن قولدايدى، كامبودجا جاقپەن جوعارى جىكتەگىلەردىڭ بارىس - كەلىسىن جيىلەتىپ، كامبودجا جاقتىڭ كوكەيتەستى قاداعالاپ وتىرعان ىستەرى مەن تالاپ - تىلەكتەرىنە بەلسەنە اڭىس قايتارىپ، ءبىر - ءبىرىنىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداپ - قۋاتتاۋدى، جۇڭگو - كامبودجا قارىم - قاتىناسىنىڭ ۇزدىكسىز اقاۋسىز دامۋىن ىلگەرىلەتىپ، ەكى ەل حالىقتارىنا ءتىپتى دە مول باقىت جاراتۋدى قالايدى.
لي كىچياڭ بىلاي دەپ اتاپ كورسەتتى: جۇڭگو جاق كامبودجامەن كەلەر جىلعى ەكى ەلدىڭ ديپلوماتيالىق قارىم – قاتىناس ورناتقانىنىڭ 65 جىلدىعىن وراي ەتىپ، «جۇڭگو - كامبودجا دوستىق جىلى» جەلىلەس قيمىلدارىن ويداعىداي وتكىزۋدى ءۇمىت ەتەدى. كامبودجانىڭ اۋىل شارۋاشىلىعىندا عىلىم – تەحنيكاعا ويىسۋىن، كاسىپ سالالاندىرۋ ورەسىن جوعارىلاتۋىن قولدايدى، كامبودجادان ساپالى اۋىل شارۋاشىلىق ونىمدەرىن يمپورت ەتۋدى كەڭەيتەدى، ءىرى نىسان قۇرىلىسن ىلگەرىلەتىپ، كامبودجانىڭ ونەركاسىپتەنۋدى جەدەل ىلگەرىلەتۋىن قولدايدى. كامبودجانىڭ مينا تازارتۋ ارەكەتىن ورىستەتۋىنە كومەكتەسىپ، كامبودجاعا كومەكتەسىپ سالىناتىن جول، ەمدەۋ، سۋمەن قامداۋ سياقتى نىسانداردى ويداعىداي تياناقتاندىرىپ، كامبودجانىڭ حالىق تۇرمىسىن جاقسارتۋىنا شاماسىنىڭ كەلىسىنشە كومەكتەسەدى. عىلىم - تەحنيكا، وقۋ - اعارتۋ، مادەنيەت سالالارىنداعى سەلبەستىكتى تەرەڭدەتىپ، ەكى ەلدىڭ توتە ۇشاتىن كەزەكشى ۇشاق قاتىناۋ سانىن كوبەيتەدى، كامبودجا وقۋشىلارىنىڭ جۇڭگوعا بارىپ وقۋىن قارسى الامىز. لي كىچياڭ مىنالاردى دارىپتەدى: ورنىقتى، دامىعان، گۇلدەنگەن كامبودجا ءوڭىردىڭ ورنىقتىلىعى مەن دامۋىن قورعاۋدا، جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسىن جەبەۋدە ماڭىزدى مانگە يە. جۇڭگو جاق كامبودجانىڭ شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى رەتىندە شىعىس ازيا سەلبەستىگى باسشىلارىنىڭ جەلىلەس ماجىلىستەرىن ويداعىداي وتكىزۋىن بار كۇشپەن قولدايدى، شىعىس وڭتۇستىك ازيا ەلدەرى وداعىنىڭ ىنتىماقتىڭ ۇيىتقىسى جانە وزەكتى ورىن بولۋىن بۇلجىماستان قولدايدى، شىعىس وڭتۇستىك ازيا ەلدەرى وداعى جەتەكشىلىك ەتكەن وڭىرلىك سەلبەستىك جۇلگەسىن قولدايدى، شىعىس وڭتۇستىك ازيا ەلدەرى وداعىنىڭ حالىقارالىق، وڭىرلىك بەيبىتشىلىك پەن دامۋدى جەبەۋدە اناعۇرلىم زور رول اتقارۋىن قولدايدى.
حۇڭسىن مىنالاردى ءبىلدىردى: كامبودجا مەن جۇڭگو −مىزعىماس دوستار، كامبودجا مەن جۇڭگونىڭ دوستىعى كامبودجا حالقىنىڭ قولداپ - قۋاتتاۋىنا يە بولدى، ەكى جاقتىڭ سەلبەستىگىنىڭ بولاشاعى زور. كامبودجا جا ءبىر جۇڭگو ساياساتىن باتىل اتقارادى، كامبودجا مەن جۇڭگونىڭ تاعدىرلاس ورتاق تۇلعاسىن بىرگە قۇرۋدى قولدايدى، جۇڭگو جاقپەن بىرگە كەلەر جىلعى ەكى ەلدىڭ ديپلوماتيالىق قارىم – قاتىناس ورناتقانىنىڭ 65 جىلدىعىن ەسكە ءتۇسىرۋ قيمىلدارىن ويداعىداي وتكىزىپ، ساۋدا، قارجى قوسۋ، اۋىل شارۋاشىلىعى، ەنەرگيا، نەگىزدىك قۇرىلعى، الەۋمەتتىك دەنساۋلىق ساقتاۋ، گۋمانيتارلىق سياقتى سالالارداعى اۋىس – كۇيىستى، سەلبەستىكتى كۇشەيتىپ، ەكى ەل قاتىناسىنىڭ ىشكەرىلەي دامۋىن ىلگەرىلەتۋدى ءۇمىت ەتەمىز. كامبودجا جاق بىرلەسكەن مەملەكەتتەر ۇيىمى ۋستاۆىنىڭ ءار ەلدىڭ يەلىك ۇقىعى مەن تەرريتوريا تۇتاستىعىن قورعاۋ جونىندەگى پرينسيبىنە قۇرمەت ەتەدى، جۇڭگومەن كوپ جاقتى جۇلگەدە تىعىز سايكەسىپ، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن بىرگە قورعاۋدى قالايدى.
ەكى جاق تاعى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردى.
كەڭەستەن كەيىن ەكى ەل زۇڭليلەرى جۇڭگو مەن كامبودجانىڭ اۋىل شارۋاشىلىعى، نەگىزدىك قۇرىلعى، وقۋ - اعارتۋ، جۇڭگوشا ءدارى - دارمەك، كەدەن، عىلىم - تەحنيكا، كليمات وزگەرىسىنە توتەپ بەرۋ سياقتى سالالارداعى 10 نەشە ءتۇرلى ەكى جاقتى سەلبەستىك قۇجاتىنا قول قويۋعا بىرگە كۋا بولدى، پنومپەن - سيحانوك پورتى جوعارى قارقىندىق تاس جولىندا اۆتوموبيل قاتىناۋ جانە حالىق تۇرمىسىنا قاتىستى سايكەستى ينجەنەريا نىساندارىن تاپسىرۋ سالتىنا قاتىناستى. الدا جۇڭگو مەن كامبودجا بىرلەسكەن مازمۇنداما جاريالايدى.
كەڭەستىڭ الدىدنا حۇڭسىن بەيبىتشىلىك سارايىندا لي كىچياڭعا ارناپ سالتاناتتى قارسى الۋ سالتىن وتكىزدى. ەكى ەلدىڭ زۇڭليلەرى پارات مىنبەسىنە شىقتى، اسكەري وركەستر جۇڭگو مەن كامبودجانىڭ مەملەكەت گيمنىن اسقاقتاتا ورىندادى. لي كىچياڭ حۇڭسىننىڭ سەرىك بولۋىندا قۇرمەت قاراۋىلىن كوزدەن كەشىردى.
سول كۇنى تۇستەن كەيىن لي كىچياڭ كامبودجا تاۋەلسىزدىك ەسكەرتكىشى مەن سيحانوك پاتشانىڭ مۇسىنىنە گۇل شەڭبەر قويدى.
شياۋ جيە جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
