ءىرى، ورتاشا قالالاردىڭ 2023 – جىلعى جوعارى مەكتەپتەن وقۋ تاۋىسقانداردى بىرلەسىپ قىزمەتكە قابىلداۋ كوكتەمگى ارناۋلى قيمىلى باستالدى
2023.03.20 14:45 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لين ليۋ ۋەيۋەي 3 – ايدىڭ 19 – كۇنى بەيجيڭنەن حابارلايدى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى ۇيىمداستىرعان ءىرى، ورتاشا قالالاردىڭ جوعارى مەكتەپتەن وقۋ تاۋىسقانداردى بىرلەسىپ قىزمەتكە قابىلداۋ كوكتەمگى ارناۋلى قيمىلى 3 – ايدىڭ 19 – كۇنى باستالدى. قيمىل 5 – ايدىڭ 26 – كۇنىنە دەيىن جالعاسادى، 2023 – جىلى جانە بۇرىنعى جىلدارى جوعارى مەكتەپتەن وقۋ تاۋىسقان، ءالى جۇمىستانباعاندارعا ارنالادى، ادام ىستەتەتىن ءتۇرلى ورىنداردى جانە ادام كۇشى بايلىعى جاعىندا قىزمەت وتەيتىن قۇرىلىمداردى كەڭ كولەمدى اتتانىسقا كەلتىرىپ، ءتۇرلى كولەمدەگى كاسىپتىك، دالمە – ءدال، باعىتتامالى فورماداعى قىزمەتكەر قابىلداۋ قيمىلدارىن يكەمدى، شوعىرلى ۇيىمداستىرادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاراماعىنداعى مەملەكەتتىك دارىندىلار ىستەرى ورتالىعىنىڭ قاتىستى جاۋاپتىسىنىڭ تانىستىرۋىنشا، قيمىل بارىسىندا كاسىپورىنداردى مەكتەپ اۋلاسىنا بارىپ قىزمەتكەر قابىلداۋعا ءتۇيىندى تۇردە اتتانىسقا كەلتىرەدى؛ سونىمەن بىرگە، جوعارى مەكتەپتەر شوعىرلانعان، وقۋ تاۋىسقانداردىڭ سانى مول، جۇمىستانۋ اۋىرتپالىعى زور قالالاردا، سونداي – اق، ورتا، باتىس بولىكتەگى قالالاردا ءوڭىر اتتاپ ارالاپ قىزمەتكەر قابىلداۋ قيمىلدارىن ۇيىمداستىرىپ، سول جەردەگى جوعارى مەكتەپتەن وقۋ تاۋىسقاندارعا اناعۇرلىم كوپ جۇمىستانۋ ورايىن ازىرلەيدى؛ مۇنان سىرت، كاسىپ سالاسىندىق، وڭىرلىك سيپاتتاعى ينتەرنەت ارقىلى قىزمەتكەر قابىلداۋ ارناۋلى قيمىلدارىن ارت – ارتىنان ورىستەتىپ، تىكە تاراتىلىم ارقىلى قىزمەتكەر قابىلداۋ، كاسىپورىنداردىڭ ينتەرنەت ارقىلى ۇگىت – لەكسيا جاساۋى قاتارلى قيمىلداردى ءجيى وتكىزەدى.
3 – ايدىڭ 19 – كۇنىنەن 3 – ايدىڭ 29 – كۇنىنە دەيىن العاشقى مەرزىمدەگى ارناۋلى قيمىل بارىسىندا 67 رەت ەرەكشەلىككە يە قىزمەت وتەۋ قيمىلىن وتكىزەدى، مۇندا ينتەرنەتتەن تىس 19 رەتكى قىزمەتكەر قابىلداۋ قيمىلى، 8 رەتكى ءوڭىر اتتاپ ارالاپ قىزمەتكەر قابىلداۋ قيمىلى قامتىلادى، جاساۋ كاسىبى، مەديتسينا، ءدارى – دارمەك جانە دەنساۋلىق ساقتاۋ، ينتەرنەت، ەلەكتر قۋاتى جانە جاڭا ەنەرگيا، شەكارا اتتاعان ەلەكتروندى ساۋدا، حاينان ەركىن ساۋدا رايونى قاتارلى ۇقساماعان 26 سالادا، وڭىردە ينتەرنەت ارقىلى ارناۋلى قىزمەتكەر قابىلداۋ قيمىلدارىن وتكىزەدى، 9 رەت تىكە تاراتىلىم ارقىلى قىزمەتكەر قابىلداۋ قيمىلىن، سونداي – اق، 4 رەت تىكە تاراتىلىم ارقىلى جۇمىستانۋعا جەتەكشىلىك ەتۋ قيمىلىن جانە ءبىر رەت تىكە تاراتىلىم ارقىلى ساياساتتى ۇگىتتەۋ قيمىلىن وتكىزەدى.
جوعارى مەكتەپتەن وقۋ تاۋىسقاندار مەن ادام ىستەتۋشى ورىندار جۇڭگو مەملەكەتتىك دارىندىلار تورابىنىڭ ءىرى، ورتاشا قالالاردا بىرلەسىپ قىزمەتكەر قابىلداۋ قيمىلى باستى قيمىلى الاڭىنىڭ پاراقشاسىنا (http://dzcs.newjobs.com.cn/) كىرۋ ارقىلى قاتىستى ينفورماتسيالاردى ۇعىسا الادى ءارى ءتۇرلى ارناۋلى قىزمەت وتەۋ قيمىلدارىنا قاتىناسا الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
