2023 – جىلى 3 – ايدىڭ 17 – كۇنى ساعات 24 تەن باستاپ، ەل ىشىندەگى وڭدەلگەن مۇناي باعاسى مەحانيزم بويىنشا تومەندەتىلدى
2023.03.20 17:02 كەلۋ قاينارى : حالىق تورابى
جۋىردان بەرگى حالىقارالىق بازارداعى مۇناي باعاسىنىڭ وزگەرىسىنە نەگىزدەلىپ، قازىر اتقارىلىپ وتىرعان وڭدەلگەن مۇناي باعاسىن قالىپتاستىرۋ مەحانيزمىنە ساي، 2023 – جىلى 3 – ايدىڭ 17 – كۇنى ساعات 24 تەن باستاپ، ەل ىشىندەگى بەنزين مەن سالەركانىڭ باعاسى (ولشەمدى ءونىم، تومەندە ۇقساس) ءار تونناسىنا جەكە – جەكە 100 يۋان جانە 95 يۋان ارزانداتىلدى. رەتتەۋ جۇرگىزىلگەن سوڭ، ءارقايسى ولكە (اۆتونوميالى رايون، توتە قاراستى قالا) جانە ورتالىق قالالاردا بەنزين مەن سالەركانى ەڭ جوعارى بولشەك ساتۋ باعاسىن كەستەدەن كورۋگە بولادى. قاتىستى زاتتاردىڭ باعاسىنداعى وزگەرىستەر، سونداي – اق، قوسىمشا قاراجات بەرۋ ساياساتى قازىرگى بەلگىلەمە بويىنشا اتقارىلادى.
جۇڭگو مۇناي سەرىكتەستىگى، جۇڭگو مۇناي – حيميا سەرىكتەستىگى، جۇڭگو تەڭىز مۇناي سەرىكتەستىگى سىندى ءۇش ءىرى سەرىكتەستىك جانە باسقا شيكىزاتتىق مۇنايدى مانەرلەۋمەن شۇعىلداناتىن سەرىكتەستىكتەر وڭدەلگەن مۇنايدى ءوندىرۋ جانە جوتكەپ تاسىمالداۋ قىزمەتىن ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعاعا قاتىستى ساياساتتارىن قاتاڭ اتقارۋى كەرەك. جەر – جەردەگى قاتىستى تاراۋلار بازاردى باقىلاۋ، تەكسەرۋ تەبىنىن ارتتىرۋى، مەملەكەتتىڭ باعاعا قاتىستى ساياساتىن اتقارمايتىن ارەكەتتەردى قاتاڭ تەكسەرىپ ءبىر جاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى مالىمدەۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
