شي جينپيڭ رەسەي اقپارات قۇرالدارىندا اۆتورلى ماقالا جاريالادى
ەكپىندەي العا تارتىپ، جۇڭگو مەن رەسەيدىڭ دوستىق سەلبەستىگىنىڭ، بىرگە دامۋىنىڭ جاڭا تاراۋىن جازايىق
2023.03.20 17:06 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 20 - كۇنى، بەيجيڭ. 3 - ايدىڭ 20 – كۇنى، موسكۆاعا بارىپ رەسەي فەدەراتسياسىندا مەملەكەتتىك ساپاردا بولۋ قارساڭىندا، مەملەكەت ءتوراعاسى شي جينپيڭ «رەسەي گازەتى» مەن رەسەي اقپارات اگەنتتىگىنىڭ سايتىندا «ەكپىندەي العا تارتىپ، جۇڭگو مەن رەسەيدىڭ دوستىق سەلبەستىگىنىڭ، بىرگە دامۋىنىڭ جاڭا تاراۋىن جازايىق» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:
ەكپىندەي العا تارتىپ، جۇڭگو مەن رەسەيدىڭ دوستىق سەلبەستىگىنىڭ، بىرگە دامۋىنىڭ جاڭا تاراۋىن جازايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
پۋتين زۇڭتۇڭنىڭ ۇسىنىسىمەن مەن تاياۋدا رەسەي فەدەراتسياسىندا مەملەكەتتىك ساپاردا بولامىن. 10 جىلدىڭ الدىندا مەن جۇڭگونىڭ مەملەكەت ءتوراعاسى بولىپ سايلانعاننان كەيىن رەسەي مەن ساپارلاي بارعان تۇڭعىش مەملەكەت بولدى. 10 جىلدان بەرى مەن رەسەيگە 8 رەت ساپارلاي باردىم، ءار رەت قۋانىشپەن بارىپ، وراسان زور تابىسپەن قايتىپ وتىردىم، پۋتين زۇڭتۇڭ ەكەۋىمىز جۇڭگو - رەسەي قارىم - قاتىناسىنىڭ جاڭا تاراۋىن اشتىق.
جۇڭگو مەن رەسەي − ەڭ ۇلكەن كورشى ەلدەر جانە جالپى بەتتىك ستراتەگيالىق سەلبەستىك سەرىكتەرى، دۇنيە جۇزىندەگى نەگىزگى ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى. ەكى ەل دە دەربەس، ءوز - وزىنە قوجايىن بولۋ ديپلوماتيالىق ساياساتىن اتقارادى، ەكەۋى دە جۇڭگو - رەسەي قارىم - قاتىناسىن ءوز ەلىنىڭ ديپلوماتياسىندا الدىمەن ويلاستىراتىن بەتالىسقا قويادى.
جۇڭگو - رەسەي قارىم - قاتىناسىنىڭ دامۋى ايقىن تاريحي لوگيكاعا جانە قۋاتتى ىشكى قوزعاۋشى كۇشكە يە. 10 جىلدان بەرى ەكى جاقتىڭ ءار سالاداعى سەلبەستىگى ورنىقتى قاداممەن دامىپ، جاڭا داۋىرگە ارشىندى قادام تاستادى.
− جوعارى جىكتەگىلەردىڭ بارىس - كەلىسى ماڭىزدى ستراتەگيالىق جەتەكشىلىك رول اتقاردى. جۇڭگو مەن رەسەي جوعارى جىكتەگىلەر بارىس - كەلىسىنىڭ جانە ءار سالاداعى سەلبەستىكتىڭ كەمەلدى مەحانيزمىن ورناتىپ، ەكى ەل قارىم - قاتىناسىنىڭ دامۋىنا ماڭىزدى تۇزىلىستىك، مەحانيزمدىك كەپىل ازىرلەدى. وسى جىلداردا پۋتين زۇڭتۇڭ ەكەۋىمىز قىزمەتتىك بايلانىستى جالعاستىرىپ، ەكى جاقتى تۇرعىدا جانە حالىقارالىق ورىنداردا ىلگەرىندى - كەيىندى 40 رەت ديدارلاسىپ، ەكى ەل قارىم - قاتىناسى مەن ءار سالاداعى سەلبەستىككە جوبا جاساپ، ورتاق كوڭىل ءبولىپ وتىرعان كەلەلى حالىقارالىق جانە وڭىرلىك ماسەلەلەر جونىندە دەر كەزىندە كەڭەسىپ، ۇلگىگە تۋرالانىپ، ەكى جاقتى قارىم - قاتىناستىڭ باياندى، اقاۋسىز، ورنىقتى دامۋىنا باعدار بەلگىلەپ، رولدى مىقتاپ مەڭگەردىك.
− ەكى جاقتىڭ ساياسي ءوزارا سەنىمدىلىگى ۇزدىكسىز بەكەمدەلىپ، ءىرى ەلدەر قاتىناسىنىڭ جاڭا ۇلگىسى قالىپتاستى. جۇڭگو مەن رەسەي ۇرپاقتان - ۇرپاققا جالعاسقان دوستىق، سەلبەسىپ تەڭ يگىلىككە كەنەلۋ ۇستانىمىن ۇستانىپ، وداقتاسپاۋدا، قارسىلاسپاۋدا، ءۇشىنشى جاققا باعىتتاماۋدا تاباندى بولىپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن، ءبىر - ءبىرىنىڭ دامىپ، گۇلدەنۋىن باتىل قولدادى. ەكى ەل قارىم - قاتىناسى دامۋ بارىسىندا بارعان سايىن تولىسىپ، بەكەمدەلىپ، جاڭا جالىندى ومىرشەڭدىك كۇشىن ۇزدىكسىز قاۋلاتىپ، ءوزارا قۇرمەت ەتەتىن، بەيبىت قاتار تۇراتىن، سەلبەسىپ تەڭ يگىلىككە كەنەلەتىن جاڭاشا ءىرى ەلدىك قارىم - قاتىناستىڭ ۇلگىسىن ورناتتى.
− ەكى جاق جان - جاقتى، كوپ ساتىلى سەلبەستىك جاعدايىن قالىپتاستىردى. ەكى جاقتىڭ بىرگە قۇلشىنۋىندا، بىلتىر جۇڭگو مەن رەسەيدىڭ ەكى جاقتى ساۋدا سوماسى 190 ميلليارد دوللاردان اسىپ، 10 جىلدىڭ الدىنداعىدان %116 ارتتى، جۇڭگو ءۇرتىس 13 جىل رەسەيدىڭ ءبىرىنشى ۇلكەن ساۋدا سەرىگى بولدى. ەكى ەلدىڭ ەكى جاقتى قارجى قوسۋ كولەمى ۇزدىكسىز ارتىپ، ەنەرگيا، اۆياتسيا، عارىش، ۇلاستىرۋ - تۇتاستىرۋ سياقتى سالالارداعى ءىرى نىساندار سەلبەستىگى ورنىقتى ىلگەرىلەپ، عىلىم - تەحنيكادا جاڭالىق اشۋ، شەكارا اتتاعان ەلەكتروندىق ساۋدا سياقتى جاڭادان گۇلدەنگەن سالالارداعى سەلبەستىك تەبىنى كۇشەيىپ، جەرگىلىكتى ورىندار سەلبەستىگى دامىپ، ەكى ەل حالىقتارىنا ناقتى پايدا جەتكىزدى، سونداي - اق ەكى جاقتىڭ وزدەرىنىڭ دامۋىنا، گۇلدەنۋىنە سارقىلماس قوزعاۋشى كۇش ازىرلەدى.
− ەكى جاق ۇرپاقتان - ۇرپاققا جالعاسقان دوستىق ۇستانىمىن امالياتتا ايگىلەپ، ءداستۇرلى دوستىقتى ۋاقىت وتكەن سايىن بەكەمدەي ءتۇستى. ەكى جاق «جۇڭگو - رەسەي تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعىن سالتاناتپەن اتاپ ءوتتى، پۋتين زۇڭتۇڭ ەكەۋىمىز «شارتتىڭ» ۇزارتىلعانىن ءارى وعان جاڭا داۋىرلىك ءمان ۇستەلگەنىن جاريالادىق. ەكى جاق ىلگەرىندى - كەيىندى مەملەكەت دارەجەلى 8 نەگىزگى تاقىرىپ جىلى قيمىلىن وتكىزىپ، دوستىق سەلبەستىكتىڭ تىڭ داستانىن جازدى. ەكى ەل حالىقتارى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە ءبىر - ءبىرىن قولداپ، ءبىر - بىرىنە دەم بەرىپ، ”ناعىز سۇيىسپەنشىلىك قيىنشىلىقتا بايقالادى“ دەگەنگە تاعى ءبىر رەت كۋا بولدى.
− ەكى جاق حالىقارالىق ساحنادا تىعىز سەلبەسىپ، ءىرى ەل جاۋاپكەرلىگىن اتقاردى. جۇڭگو مەن رەسەي بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن نەگىز ەتكەن حالىقارالىق قارىم - قاتىناستىڭ نەگىزگى ولشەمىن باتىل قورعاپ، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى حالىقارالىق كوپ جاقتى مەحانيزمدە تىعىز بايلانىس جاساپ جانە سەلبەسىپ، دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن ىلگەرىلەتۋگە بىرگە كۇش سالىپ، ناعىز كوپ جاقتىلىقتى بەلسەنە امالياتتا ايگىلەپ، بۇكىل ادامزاتتىڭ ورتاق قۇنىن ساۋلەلەندىرىپ، جاڭاشا حالىقارالىق قارىم - قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدى دارىپتەپ كەلەدى.
جۇڭگو - رەسەي قارىم - قاتىناسى 70 جىلدان استام بوران - شاشىندى باستان كەشىردى. بۇگىنگى تاڭدا كەشەگىنى ەسكە العاندا، ءبىز بۇگىنگى جۇڭگو – رەسەي قارىم - قاتىناسىنىڭ وڭاي - وسپاق قولعا كەلمەگەنىن، جۇڭگو - رەسەي دوستىعىنىڭ ۋاقىت وتكەن سايىن جاڭارىپ كەلە جاتقانىن، ءسوز جوق، بارىنشا قاستەرلەۋ كەرەكتىگىن تەرەڭ سەزىندىك. تاريح پەن اماليات بىزگە مىنانى ۇعىندىردى: جۇڭگو - رەسەي قارىم - قاتىناسىنىڭ حالىقارالىق اۋمالى - توكپەلى وزگەرىستەردىڭ سىنىنان وتە الۋىنىڭ تەتىگى − مەملەكەت پەن مەملەكەتتىڭ تاتۋ - ءتاتتى ءوتۋ دۇرىس جولىن تاپقانىندا.
مەنىڭ رەسەيگە جاسايتىن ساپارىم − ءبىر رەتكى دوستىق ساپارى، سەلبەستىك ساپارى، بەيبىتشىلىك ساپارى. مەن پۋتين زۇڭتۇڭمەن بىرگە الداعى ءبىر مەزگىلدەگى جۇڭگو مەن رەسەيدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى دامۋىنىڭ جاڭا بولاشاعىن، جاڭا جوباسىن، جاڭا شارالارىن بىرگە جاساۋدى كۇتەمىن.
ەكى جاق ءبىر تۇتاس جوسپارلاۋدى كۇشەيتىپ، نازاردى ەكى ەلدىڭ ءوز دامۋ، گۇلدەنۋ ىستەرىنە شوعىرلاندىرىپ، جاڭا وي جەلىسىن اشىپ، جاڭا وراي جاراتىپ، جاڭا قوزعاۋشى كۇش ۇستەۋى كەرەك. ءوزارا سەنىمدىلىكتى كۇشەيتىپ، كومەسكى كۇشتى قاۋلاتىپ، جۇڭگو - رەسەي قارىم - قاتىناسىنىڭ جوعارى دەڭگەيلى اينالىمىن باستان - اياق جالعاستىرۋ كەرەك.
قارجى قوسۋ، ەكونوميكا - ساۋدا سەلبەستىگى ساپاسىنىڭ بىردەي جوعارىلاۋىن ىلگەرىلەتىپ، ساياساتتاردى سايكەستىرۋدى كۇشەيتىپ، ەكى ەلدىڭ قارجى قوسۋ سەلبەستىگىنىڭ ساپالى دامۋىنا ءتيىمدى شارت - جاعداي ازىرلەۋ كەرەك. ەكى جاقتى ساۋدا كولەمىن كەڭەيتىپ، اناعۇرلىم كوپ مۇددە توعىستىرۋ ءتۇيىنى مەن سەلبەستىكتىڭ ارتۋ ءتۇيىنىن قالىپتاستىرىپ، ءداستۇرلى ساۋدا مەن جاڭادان گۇلدەنگەن سەلبەستىك ءبىرىن - ءبىرى تولىقتايتىن، بىرگە داميتىن جاعداي قالىپتاستىرۋ كەرەك. ”ءبىر بەلدەۋ، ءبىر جولدى“ بىرگە قۇرۋدى ەۆروپا - ازيا ەكونوميكالىق وداعىمەن ۇشتاستىرۋ سەلبەستىگىن ۇزدىكسىز ىلگەرىلەتىپ، ەكى جاقتى جانە وڭىرلىك سەلبەستىككە اناعۇرلىم كوپ تۇزىمدىك ورنالاستىرۋ ازىرلەۋ كەرەك.
گۋمانيتارلىق اۋىس - كۇيىستى جيىلەتىپ، جۇڭگو - رەسەي دەنەتاربيە اۋىس - كۇيىس جىلىن ويداعىداي وتكىزۋ كەرەك. جەرگىلىكتى سەلبەستىك مەحانيزمىنەن ويداعىداي پايدالانىپ، ەكى ەلدىڭ دوس ولكە، وبلىس، دوس قالالارىنىڭ باعىتتامالى بارىس - كەلىستى بەلسەنە ورىستەتۋىن ىلگەرىلەتىپ، ەكى جاقتىڭ ادامدارىن بارىس - كەلىس جاساۋعا شابىتتاندىرىپ، ەكى ەلدىڭ ساياحات سەلبەستىگىن بەلسەنە قالپىنا كەلتىرۋ كەرەك. جازدىق لاگەر، بىرلەسىپ مەكتەپ اشۋ سياقتى قيمىلداردى ويداعىداي ورىستەتىپ، ەكى ەل بۇقاراسىنىڭ، اسىرەسە، جاستار مەن ورەندەردىڭ ءوزارا ءتۇسىنىسۋى مەن دوستىعىن ۇزدىكسىز كۇشەيتۋ كەرەك.
بۇگىنگى دۇنيە ءجۇزى 100 جىلدا بولماعان زور وزگەرىس جاعدايىندا تۇر. بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريحي اعىمدى بوگەۋگە بولمايدى، دۇنيە ءجۇزىنىڭ كوپ ۇيەكتەنۋى، ەكونوميكانىڭ جاھاندانۋى، حالىقارالىق قاتىناستىڭ دەموكراتيالانۋى اۋقىمىن كەرى بۇرۋعا بولمايدى. سونىمەن بىرگە، ءداستۇرلى جانە بەي ءداستۇرلى حاۋىپسىزدىك سايىسى شىرما - شاتۋ ارالاسىپ، زورەكەرلىك، وكتەمدىك، وزبىرلىق ارەكەتتەرى اۋىر زيان جەتكىزىپ، دۇنيە ءجۇزى ەكونوميكاسىنىڭ قالپىنا كەلۋ جولى كەدەرگىگە ۇشىرادى ءارى ۇزاققا سوزىلعالى تۇر. حالىقارالىق قوعام قاتتى الاڭداپ، داعدارىستى الاستايتىن سەلبەستىكتىڭ تاماشا امالىن اسىعا كۇتۋدە.
2013 - جىلى 3 - ايدا مەن موسكۆا حالىقارالىق قارىم - قاتىناس شۋەيۋانىندا ءسوز سويلەپ، ءار ەلدىڭ ءوزارا بايلانىس جاساۋ، ءوزارا ارقا سۇيەۋ دارەجەسى بۇرىن بولىپ كورىلمەگەن دارەجەدە تەرەڭدەدى، ادامزات ءبىر جەر شارى قىستاعىندا تۇرمىس كەشىرىپ، بارعان سايىن قويان – قولتىق ارالاسقان تاعدىرلاس ورتاق تۇلعاعا اينالدى دەگەندى العا قويدىم. وسىدان كەيىن مەن تاعى دا ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن ىركەس - تىركەس العا قويىپ، ادامزاتتىڭ تاعدىرلاس ورتاق تۇلعاسى ۇستانىمىنىڭ ءمانىن جانە امالياتتىق جولىن بايىتىپ، دۇنيە ءجۇزىنىڭ وزگەرىسىنە، ءداۋىردىڭ وزگەرىسىنە، تاريحتىڭ وزگەرىسىنە توتەپ بەرۋ ءۇشىن جۇڭگو جوباسىن ازىرلەدىم.
10 جىلدان بەرى بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارى كۇن سايىن جۇرت جۇرەگىنە تەرەڭ ۇيالاپ، باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە ءجۇزىن قۇرۋ بارعان سايىن كوپ ەلدىڭ ورتاق تالپىنىسىنا اينالدى. حالىقارالىق قوعام دۇنيە جۇزىندە ەلدەن ەرەك مەملەكەتتىڭ، توڭىرەكتىڭ ءتورت بۇرىشىنا تۇگەل ۇيلەسەتىن مەملەكەت باسقارۋ ۇلگىسىنىڭ، ءمالىم ءبىر ەلدىڭ ايتقانى ەسەپ بولاتىن حالىقارالىق ءتارتىپتىڭ ءومىر سۇرمەيتىنىن ايقىن تانىپ جەتتى. بولشەكتەنبەيتىن، قايتا ىنتىماقتاساتىن، الاساپىراندىققا تۇسپەيتىن، قايتا بەيبىتشىلىككە تالپىناتىن دۇنيە ءجۇزى بۇكىل ادامزاتتىڭ ورتاق مۇددەسىنە ۇيلەسەدى.
بىلتىردان بەرى ۋكراينا داعدارىسى جاپپاي اسقىندى. جۇڭگو جاق باستان - اياق ءىستىڭ وزىندەگى دۇرىس - بۇرىستى، ورىندى - ورىنسىزدىقتى نەگىزگە الىپ، وبيەكتيۆ، ءادىل تۇرعىدا تۇرىپ، بەلسەندىلىكپەن بەيبىتشىلىكتى ءناسيحاتتاپ، كەلىسسوز وتكىزۋدى جەبەپ كەلدى. مەن بىرلەسكەن مەملەكەتتەر ۇيىمى ەرەجەسىنىڭ نەگىزگى ماقساتى مەن پرينسيپتەرىنە بويسۇنۋ، ءار ەلدىڭ ۇيلەسىمدى حاۋىپسىزدىك جاعىندا ءجىتى قاداعالاپ وتىرعان ماسەلەلەرىنە قۇرمەت ەتۋ، ۋكراينا داعدارىسىن بەيبىت جولمەن شەشۋگە كۇش سالۋداعى بارلىق قۇلشىنىستى قولداۋ، بۇكىل دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ سياقتىلاردى قامتىعان كوپتەگەن قۋاتتامانى ىركەس - تىركەس العا قويدىم، بۇل جۇڭگونىڭ ۋكراينا داعدارىسىن ءبىر جاقتى ەتۋدەگى ءتۇبىرلى تياناعىنا اينالدى. تاياۋدا جۇڭگو «ۋكراينا داعدارىسىن ساياسي جولمەن شەشۋدەگى جۇڭگو تۇرعىسى» قۇجاتىن جاريالاپ، ءار جاقتىڭ ۇيلەسىمدى كوكەيتەستى قاداعالاپ وتىرعان پىكىرلەرىن قابىلداپ، حالىقارالىق قوعامنىڭ ۋكراينا داعدارىسى ماسەلەسىندەگى ەڭ ۇلكەن ورتاق بولگىشىن بەينەلەپ، داعدارىستىڭ سىرتقا كەڭەيۋىن باسەڭدەتۋدە، ساياسي جولمەن شەشۋدى ىلگەرىلەتۋدە سىندارلى رول اتقاردى. كۇردەلى ماسەلەلەردى شەشۋدىڭ قاراپايىم ءادىسى جوق. ءبىز ءار جاق ورتاق، جالپىلىق، سەلبەستىك، باياندى حاۋىپسىزدىك كوزقاراسىن ۇستانىپ، بارابار، اقىلعا سيىمدى، ناقتى تىلدەسۋ جۇرگىزىلەتىن كەڭەسۋدە تاباندى بولسا بولعانى، ۋكراينا داعدارىسىن شەشۋدىڭ ۇيلەسىمدى جولىن، ءسوز جوق، تاۋىپ، دۇنيە ءجۇزىنىڭ باياندى بەيبىتشىلىگىن، جالپى بەتتىك حاۋىپسىزدىگىن جۇزەگە اسىرۋدىڭ نۇرلى جولىن تابا الاتىنىنا سەنەمىز.
دۇنيە جۇزىندەگى ىستەردى ويداعىداي ىستەۋ ءۇشىن، ەڭ اۋەلى، ءوز ءىسىمىزدى جاقسى ىستەۋىمىز كەرەك. جۇڭگو حالقى جۇڭگو كوممۋنيستىك پارتياسىنىڭ باسشىلىعىندا ىنتىماقتاسا كۇرەس جۇرگىزىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە. جۇڭگو ۇلگىسىندەگى وسىزامانداندىرۋ، جيناقتاپ ايتقاندا، حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. وسى جۇڭگوشا ەرەكشەلىكتەرگە ءبىزدىڭ ۇزاق ۋاقىتتان بەرگى امالياتتىق ىزدەنىسىمىز سىڭگەن، ول ءبىزدىڭ حالىقارالىق تاجىريبەلەر جونىندەگى تەرەڭ قورىتىندىمىزدى ايگىلەيدى. بولاشاقتا ءبىز جۇڭگو ۇلگىسىندەگى وسىزامانداندىرۋ ىستەرىن تاباندىلىقپەن ىلگەرىلەتىپ، ساپالى دامۋدى قۇلشىنا جۇزەگە اسىرىپ، جوعارى دەڭگەيدەگى سىرتقا ەسىك اشۋدى كەڭەيتەمىز، مۇنىڭ رەسەيدى قامتىعان دۇنيە جۇزىندەگى ءار ەلگە جاڭا دامۋ ورايىن ازىرلەيتىنىنە سەنەمىز.
جىل ەسەبى كوكتەمدە. بارلىق ىستە تىڭنان تۇرەن سالۋعا كەلەدى. ءبىز دامۋ، گۇلدەنۋ جولىنداعى مۇراتتاستار رەتىندە جۇڭگو مەن رەسەيدىڭ ادامزات وركەنيەتىنىڭ العا باسۋىنا تىڭ دا اناعۇرلىم زور ۇلەس قوسۋىنان ءۇمىت كۇتۋگە قاقىلىمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
