مامان «جۇمىسشى – قىزمەتكەرلەردىڭ ەڭبەكاقىلى دەمالىس ەرەجەسىنە» ۇيلەسىمدى ۋاقىتتا وزگەرىس ەنگىزىپ، ەڭبەكاقىلى دەمالىس ءتۇزىمىن جاپپاي تياناقتاندىرۋ جونىندە ۇسىنىس بەردى
2023.03.28 14:20 كەلۋ قاينارى : حالىق تورابى
كوكشىبىق مەرەكەسىنىڭ دەمالىسى تاياپ كەلەدى، الايدا، سىرتقا شىعىپ ساياحاتتاۋدى جوسپارلاعاندار كوپ ەمەس. بيىلعى كوكشىبىق مەرەكەسىنىڭ دەمالىسى ءدال سارسەنبى كۇنگە تۋرا كەلگەندىكتەن، كوپتەگەن ادامدار ءبىر – اق كۇندىك دەمالىستا سىرتقا شىعىپ ساياحاتتاۋدى ويىنا دا العان جوق. ءىس جۇزىندە، بۇرىنعى ”رەتتەپ دەمالىس بەرۋ“ ارقىلى دەمالىس ۋاقىتىن ۇزارتۋ ءادىسى دە كوپتەگەن ادامداردىڭ ”سوگىسىنە“ ۇشىراعان، قاتىستى تاقىرىپ ۇنەمى كوپ ىزدەلگەن مازمۇندار قاتارىنان كورىنەدى. وسىعان بايلانىستى، ۇزاق ۋاقىتتان بەرى، ەڭبەكاقىلى دەمالىس ءتۇزىمىن تياناقتاندىرۋ، شوعىرلى ۋاقىتتان اۋاشا مەزگىلدە ساياحاتتاۋعا مۇمكىندىك بەرۋدى ىسكە اسىرۋ جونىندەگى ۇسىنىس تولاستاماي كەلدى.
ەلىمىز 1994 – جىلى جاريالانعان ەڭبەك زاڭىنىڭ وزىندە – اق ەڭبەكاقىلى دەمالىسقا قاتىستى زاڭدىق ءتۇزىمدى تۇراقتاندىرعان. 2008 – جىلى مەملەكەتتىك كەڭەس «جۇمىسشى – قىزمەتكەرلەردىڭ ەڭبەكاقىلى دەمالىس ەرەجەسى» (تومەندە قىسقارتىلىپ «ەرەجە» دەپ اتالادى) جاريالانىپ، مەملەكەتتىك كەڭەستىڭ بۇيرىعى فورماسىندا جۇمىسشى – قىزمەتكەرلەردىڭ ەڭبەكاقىلى دەمالىس ۇقىعى ايقىندالعان. الايدا، ۇزاق ۋاقىتتان بەرى، اماليات بارىسىندا جۇمىسشى – قىزمەتكەرلەردىڭ ەڭبەكاقىلى دەمالىس ءتۇزىمىن تياناقتاندىرۋ جاعدايى كوڭىلدەگىدەي بولماي كەلگەن، وتە – موتە، جاساۋ كاسىبى سالاسىنداعى كاسىپورىنداردىڭ جۇمىسشى – قىزمەتكەرلەرىنىڭ ەڭبەكاقىلى دەمالىستان يگىلىكتەنۋ جاعدايى توتەنشە ويداعىداي بولماي كەلگەن، ءتىپتى ”قاعاز جۇزىندەگى ۇقىق - مۇددەگە“ اينالىپ قالعان.
جۇڭگو ساياسي – زاڭ داشۋەسى حالىقتىق ساۋداگەرلەر ەكونوميكا – زاڭ شۋەيۋانىنىڭ پروفەسسورى ۋاڭ شيانيۇي «زاڭمەن جونگە سالۋ گازەتىنىڭ» ءتىلشىسىنىڭ سۇحباتىن قابىلداعان كەزدە: ”ەلىمىز قازىر ەل ىشىندەگى ءىرى اينالىمدى نەگىزگى تۇلعا ەتكەن، ەل ءىشى مەن حالىقاراداعى قوس اينالىم ءبىرىن – ءبىرى ىلگەرىلەتەتىن جاڭا دامۋ اۋقىمىن جەدەل قالىپتاستىرۋدا. جاڭا دامۋ اۋقىمى ىشكى قاجەتسىنۋدى كەڭەيتەتىن ءونىمدى تۇزىمدەردى ورناتۋدى، ەڭبەكاقىلى دەمالىس ءتۇزىمىن جاپپاي تياناقتاندىرۋدى قاجەت ەتەدى“، — دەگەن، ول مىنانى اتاپ كورسەتكەن: زاڭعا وزگەرىس ەنگىزۋ ءۇردىسىن جەدەلدەتىپ، «ەرەجەگە» ۇيلەسىمدى ۋاقىتتا وزگەرىس ەنگىزىپ، ەڭبەكاقىلى دەمالىستىڭ شىنايى اتقارىلۋىنا، ەڭبەكشىلەردىڭ ۇقىق – مۇددەسىن قامتاماسىزداندىرۋعا زاڭدىق جاقتان كەپىلدىك ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
